Alevi 26:12 - Mukanda Wa Zambi 1970

¹² Mungukabwa hamwe ni yenu, Mungukabwa Zambi yenu, ni yenu munukabwa atu jami.

MUKANDA USANDU WA ZAMBI 1975

¹² Mungwenda hakachi kenu. Mungupwa Zambi yenu, ni yenu munupwa atu jami.

Alevi 26:12 Iomraidhean Croise

Ubutukilo 17:7

“Usendo uno ngunakolesa ni yena ni vungu lie nawa ndoo ku miaka yeswe. Mungukabwa Zambi ye kanda Zambi yo.

Ubutukilo 17:8

Yena uli njize mu chifuchi chino musono, mungukwaha cho yena ni vungu lie. Chifuchi chino cheswe cha Kanana muchikabwa niche ndoo ku miaka yeswe, mungukabwa Zambi yo.”

Ubutukilo 3:8

Ha chingoloshi yeevwa Mwene Zambi kaneza ni kwenda mu munda, ngi ngi ngi! Mba lunga ni pwo yaaswama mushi lia mitondo.

Ubutukilo 5:22

Enoke te kakuliendela ni Zambi. Yatwama ni mwono miaka yikwo 300, yasema nawa ana a malunga ni a mapwo,

Ubutukilo 5:24

Enoke, ha matangwa eswe a mwono wenyi te kakulivwa ni Zambi. Mba limwe tangwa Zambi yamuchiza hashi, atu hikaamumwene ko nawa.

Ubutukilo 6:9

Jino je sango ja Noa. Noa yasema ana atatu a malunga: Sheme, ni Hame, ni Jafete. Noa te keshi kapalia, yalivwa ni Zambi. Shina iye wabwile mukwa ululi ha miaka yenyi, atu akwo eswe abwile abi ku meso ja Zambi. Vunda ni kwonona yiimwangana mwamwaa hashi heswe.

2 Samuel 7:7

Mu kwendangana chami cheswe hamwe ni Aisraele, te limwe tangwa hingunahula kama miata waze natongwele ngwami: Mumu yika kunwangutungilile zuwo lia mitondo sedru, nyi?’

Miaso (Masamu) 50:7

“Banjikenu atu jami, munguhanjika, mungunushindakenya yibi yenu, Aisraele. Yami nguli Zambi, Zambi yenu.

Kutuhuka 29:45

Mungukatwama mukachi ka Aisraele ni kubwa Zambi yo.

Kutuhuka 29:46

Maakanyingika ngwo, nguli Mwene Zambi, Zambi yo, yoze waatuhwishile mu chifuchi cha Egiptu, hanga ngukatwame hakachi ko. Nguli Mwene Zambi, Zambi yo.

Kutuhuka 3:6

Nguli Zambi ya akaka je, Zambi ya Abrahama, ni Isake, ni Yakoba.” Mose yafuka ku meso, mumu yevwa woma ha kutala Zambi.

Kutuhuka 6:7

Mungunupwisa lume atu ja yami mwene, mungubwa Zambi yenu. Mununyingika ngwenu, nguli Mwene Zambi, Zambi yenu, muze mungunutusula mu undungo kuli akwa Egiptu.

Izaya 12:2

Zambi kali chilamwina chami; mungushachila hali iye, chichi kwivwa woma. Mwene Zambi kakungutakamisa, kali mwono wami; kali chilamwina chami.

Izaya 41:10

Kanda wivwa woma, nguli hamwe ni yena! Nguli Zambi ye, kanda wivwa mwongo wa Chuma nichimwe! Mungukutakamisa, mungukukwasa; mungukufunga ni kwoko liami lia chindume lia ululi.

Jeremia 11:4

Uno we Usendo uze nakolesele ni tushakulu two muze naatuhwishile mu chifuchi cha Egiptu, chize chabwile ngwe lutemo kuli ayo. Yingwalweza hanga ononoke kuli yami ni kulinga yuma yeswe yize naalwezele. Yingwalweza ngwami, nyi maangwononokena, kumaabwa atu jami ni yami mungubwa Zambi yo.

Jeremia 31:33

Usendo Waha uze mungukakolesa ni Aisraele muukabwa ngwe chino: mungukasa Shimbi jami mu mbunge jo. Mungukabwa Zambi yo, no maakabwa atu jami.

Jeremia 32:38

Mba maakabwa atu jami, ni yami mungukabwa Zambi yo.

Jeremia 7:23

Alioze naambile angwononokene, mba hanga ngubwe Zambi yo, no abwe atu jami. Naambile alinge ngwe chize ngunaambe, hanga awahe kwo.

Ezekiel 11:20

Mba maakafunga Shimbi jami nikujononokena jeswe. Maakabwa atu jami, ni yami mungukabwa Zambi yo.

Ezekiel 36:38

Membo waze ali akwenyeka haliabwila kumaakazala ni atu ngwe chize Yerusaleme azalile ni mapanga waze te akulambula ha chiwanyino. Mba maakanyingika ngwo, yami nguli Mwene Zambi.”

Joele 2:27

Hohene, yenu Aisraele, munukanyingika ngwenu, yami nguli mukachi kenu, yami mwene nguli Zambi yenu, kukushi mukwo. Atu jami hikeechi kaalelesa nawa nichimwe.

Zakaria 13:9

Mbunga ya muchitatu yize muyikasala mungukaabemesa mu kahia. Mungukaabemesa ngwe oru yize haabemesa mu kahia. Mba maakalemba kuli yami, ni yami mungukaakumbulula. Mungukaamba ngwami, nuli atu jami. No maakashikisa shili yo nikwamba ngwo, nguli Zambi yo.”

Kwalula 5:3

Chipwe lunga hanji pwo nukamuhuma, akabwe haze lia musumba, kuchina makachisa musumba muze natwama yami hamwe ni atu jami.”

Mateu 22:32

‘Nguli kwami Zambi ya Abrahama, ni ya Isake, ni ya Yakoba.’ Kulumbunuka ngwo: Zambi kali Zambi ya akwa mwono hi Zambi ya afu ko.”

2 Korintu 6:16

Ngwe kuchi zuwo lia Zambi mulihasa kulivwa ni mahamba? Mumu yetu tuli zuwo lia Zambi ya mwono, ngwe chize Zambi iye mwene hanambe ngwenyi: “Mungukatwama mukachi ko, mungukaliendela no. Mungukabwa Zambi yo, no maakabwa atu jami.”

Shimbi 23:14

Fungenu musumba wenu kanawa, mumu Mwene Zambi, Zambi yenu, kali hamwe ni yenu mu musumba wenu ha kunufunga ni ha kunukwasa kukumba akwa kole jenu. Kanda nulinga chimwe Chuma chize kuchalitele, chize muchivwisa Mwene Zambi kubiha ha kunumba nyima.”

Shimbi 23:15

“Nyi umwe ndungo hachina kako, heza kuli yenu ha kumufunga, kanda numuhilwisa.

Hebreu 11:16

Alioze kaahilukile ko, mumu te kaakwivwa usona wa kutwama mu chifuchi chibema, chize cha mwilu. Kashika Zambi keshi kwivwa sonyi muze akumuvuluka ngwo: “Zambi yetu,” mumu hanaalulikila limbo.

Usolwelo 2:1

“Sonekena kanganda ka mwilu wa Chikungulwila cha mu limbo lia Efesu: “Yoze wakwata matongonoshi shimbiali mu kwoko lienyi lia chindume, yoze wakwenda mukachi ka yikwachilo shimbiali ya oru, ha yize akunangika ndeya, kanambe ngwenyi:

Usolwelo 21:7

Yoze makakumba makatambula chawana chino ngwami: mungukabwa Zambi yenyi, neye makabwa mwanami.