Alevi 26:11 - Mukanda Wa Zambi 1970

¹¹ Munukabwa mukachi kenu mu zuwo liami lia chijila. Chichi kanwehuka nichimwe ku miaka yeswe.

MUKANDA USANDU WA ZAMBI 1975

¹¹ Mungutwama hakachi kenu; mbunge yami kuyichi kunuvwila kole.

Alevi 26:11 Iomraidhean Croise

2 Samuel 7:7

Mu kwendangana chami cheswe hamwe ni Aisraele, te limwe tangwa hingunahula kama miata waze natongwele ngwami: Mumu yika kunwangutungilile zuwo lia mitondo sedru, nyi?’

1 Yitanga Ya Mianangana 6:13

Mungutwama mukachi ka Aisraele mu zuwo lino hiwatunga, chichi keehuka.”

1 Yitanga Ya Mianangana 8:13

Hinakutungila zuwo lia uhenya hanga utwame mo ndoo ku miaka yeswe.”

1 Yitanga Ya Mianangana 8:27

“Alioze yena Zambi, kuma muuhasa kutwama hano hashi, nyi? Chibwe lilu Heswe kuliakutelele. Mba ngwe kuchi muuhasa kutwama mu zuwo lino hinakutungila?

Miaso (Masamu) 106:40

Chenacho Mwene Zambi evwilile atu jenyi ufwatulo, yeevwila kuzelwoka.

Miaso (Masamu) 76:2

Katwama mu limbo lia Yerusaleme, ha mulundu wa Zione.

Miaso (Masamu) 78:59

Zambi, muze hachimona yatenuka, mba yeehuka liakulu.

Kutuhuka 25:8

Akangutungila zuwo lia chijila lia makubu, mba mungukabwa hakachi ko.

Kutuhuka 29:45

Mungukatwama mukachi ka Aisraele ni kubwa Zambi yo.

Kutuhuka 29:46

Maakanyingika ngwo, nguli Mwene Zambi, Zambi yo, yoze waatuhwishile mu chifuchi cha Egiptu, hanga ngukatwame hakachi ko. Nguli Mwene Zambi, Zambi yo.

Jeremia 14:21

Iwuluka kama yilakenyo ye, kanda utulelesa; kanda ulelesa kama Yerusaleme, homa ha chitwamo che cha uhenya. Kanda ushiha Usendo uze hiunakolesa ni yetu.

Lungungu 2:7

Mwene Zambi halituna chilumbilo chenyi, hehuka zuwo lienyi lia chijila; hatayiza akwa kole kubuzula yipanga yalio. No yaakolokoka muze anakumbu muma muze te twakuwayila ni chiseke.

Joele 2:27

Hohene, yenu Aisraele, munukanyingika ngwenu, yami nguli mukachi kenu, yami mwene nguli Zambi yenu, kukushi mukwo. Atu jami hikeechi kaalelesa nawa nichimwe.

Alevi 20:23

Kanda nukembulula ndako ja mavungu waze atwama ko. Ngunaahumu hanga nuhase kunjila mu chifuchi cho, mumu hinevwa kubiha ha yitanga yo yibi.

Alevi 26:15

Nyi nwalituna Shimbi jami ni yiyulo yami, nikushiha Usendo uze nakolesele ni yenu,

Alevi 26:43

Hatangu chifuchi chikahwime, kuchishi atu, ni e atu jacho chaatamba kumona lamba mumu haanehuka Shimbi jami ni yiyulo yami.

Alevi 26:44

Alioze chibwe chocho, muze achili mu chifuchi cha akwa kole jo, chichi keehuka liakulu hanji kwoonona. Nyi munguchilinga, mungushiha Usendo wami hamwe no, yami nguli Mwene Zambi, Zambi yo.

Zakaria 11:8

Ha kakweji umuwika nachiijile tufunga akwo atatu, mumu te kaakunguvutwokela.

Efesu 2:22

Mu kulinunga nenyi, yenu nawa haananutungisa hamwe ni akwa Kristu akwo eswe ha kubwa zuwo limuwika mu lize Zambi akutwama ku tachi ja Mwiku wenyi.

Shimbi 32:19

“Muze Mwene Zambi hachimona, yevwa ufwatulo, yalituna ana jenyi a malunga ni a mapwo.

Yoshua 22:19

Alioze nyi chifuchi chenu hichalichisa, tweyenu mu chifuchi cha Mwene Zambi, muze muli zuwo lienyi lia kuwayila, nukatambule chimwe chifuchi mukachi ketu. Alioze litwaminenu kulimika ni Mwene Zambi, ni kutupwisa nawa akwa kulimika nenyi muze nunatungu chilumbilo chino cha muchaali.

Yoshua 22:31

Finehase mwana wa hako Eleazare, yaamba ngwenyi: “Haliabwila hitwanyingika ngwetu, Mwene Zambi kali hamwe ni yetu, mumu kunwalimikine nenyi. Ha chino hinwatulamwina yetu Aisraele ku lamba lize te Mwene Zambi maatumwesa.”

Usolwelo 21:3

Yingwivwa liji linene ku chitwamo cha wanangana ngwo: “Haliabwila Zambi kakutwama mukachi ka atu! Makatwama hamwe no, no maakabwa atu jenyi. Zambi iye mwene makabwa hamwe no, makabwa Zambi yo.

Usolwelo 7:15

Kashika akumana kulutwe lia chitwamo cha wanangana wa Zambi. Kaakulingila Zambi mwalwa ni ufuku mu zuwo lienyi. Yoze watwama ha chitwamo cha wanangana makaafunga iye mwene.