Alevi 23:1 - Mukanda Wa Zambi 1970

¹ Mwene Zambi yalongesa Mose

MUKANDA USANDU WA ZAMBI 1975

¹ Yehova yamba kuli Mose ngwenyi,

Alevi 23:1 Iomraidhean Croise

1 Sango Ja Mianangana 23:31

ni shimbu heswe muze moochela milambu ya Mwene Zambi ha tangwa lia kuhwima, ni ha yiwanyino ya Kakweji Mwaha, ni ha yiwanyino yikwo.” Yaahana Shimbi hakutwala ku kwoka cha Alevi waze maalinga milimo yino tangwa ha tangwa.

2 Sango Ja Mianangana 2:4

Ngunatungu zuwo lia Mwene Zambi, Zambi yami, lia kumulemesena. Mulikabwa lia chijila kuze atu jami ni yami mutubwa ni kumuwayila, ni kumwochela yuma ya vumba libema, ni kutumbieka milambu ya mbolo ya chijila matangwa eswe, ni kulambula milambu ya kwocha chichamene ni chingoloshi, ni ha matangwa a kuhwima, ni ha yiwanyino ya Kakweji Mwaha, ni ha matangwa akwo a chijila hanga tulemese Mwene Zambi, Zambi yetu. Hanambila Aisraele kuchilinga matangwa eswe.

2 Sango Ja Mianangana 8:13

Yalambula milambu ya kwocha nikulita ni Shimbi ja Mose ha tangwa heswe lia chijila: ha matangwa a kuhwima, ni ha yiwanyino ya Kakweji Mwaha; ni ya mwaka ha mwaka: yiwanyino ya Mbolo Yize Kuyishi Yitumbo, ni ya Kubatula Mbuto, ni ya Yikulika.

Izaya 1:13

Kanda nungunehena nawa milambu yamokomoko. Milambu yenu ya vumba libema kuyakunguvwisa kuzelwoka. Chishi kutayiza yiwanyino yenu ya Kakweji Mwaha, ni matangwa jenu a kuhwima, ni kulikungulula chenu chikwo. Yize yeswe nwakuyihengesa mumu ha shili yenu.

Ezekiel 44:24

Muze kubinda muchikabwa ko, mahako chaatamba kubatula mulonga nikulita ni Shimbi jami. Chaatamba kufunga yiwanyino nikulita ni Shimbi jami ni yiyulo yami; akafunge tangwa lia kuhwima.

Ezekiel 45:17

Iye makahana yimuna ya milambu ya kwocha liakulu, ni milambu ya mbuto, ni milambu ya vinyu mumu ha vungu heswe lia Israele ha yiwanyino ya Kakweji Mwaha, ni ha matangwa a kuhwima, ni ha yiwanyino yikwo. Iye chamutamba kuhana milambu ya shili, ni milambu ya mbuto, ni milambu ya kwocha liakulu, ni milambu ya kulivwa ni Zambi, kuchiza shili ya Aisraele.”

Ezekiel 46:11

Ha matangwa eswe a yiwanyino maakalambula mbuto ya kilo kumi ni shimbiali ni Chipinji hamwe ni mweswe kuji a ngombe hanji kuji a panga, ni cheswacho mukwa kuwayila makazanga kulambula ni mwana panga mweswe. Hamwe ni mulambu weswe ngwe uze wa mbuto chatamba kulambula maji a olive a litro jitatu.

Alevi 22:33

Yami nanuchijile mu chifuchi cha Egiptu ha kubwa Zambi yenu. Yami nguli Mwene Zambi.”

Alevi 23:2

Shimbi hakutwala ku yiwanyino, muze Aisraele maalikungulula ha kuwayila.

Alevi 23:44

Chenacho Mose ahele Aisraele Shimbi ja kulinga yiwanyino ya kulemesa nayo Mwene Zambi.

Kwalula 15:3

Munukahasa kulambula kuli Mwene Zambi ngombe, hanji panga, chibwe pembe, mulambu wa kwocha, hanji mulambu wa chilakenyo, chibwe mulambu wa kuzanga chenu, mu yiwanyino yenu. Lupembo mubema wa ku milambu yino ya yakulia kakuwahila kuli Mwene Zambi.

Galashia 4:10

Nwakulemesa matangwa amwe, ni tukweji amwe, ni mashimbu amwe, ni yanga yimwe, ni miaka yimwe!

Kolosu 2:16

Ha chino, mutu niumwe kanda anubatwila ha chize munulia, hanji mununwa, hanji ha chikuma cha kufunga matangwa a yiwanyino, hanji Kakweji Mwaha, hanji tangwa lia kuhwima.