Alevi 21:9 - Mukanda Wa Zambi 1970

⁹ Nyi umwe mwana pwo wa hako malipwisa chitanji, kakolesa tato sonyi. Chatamba kumwocha ha kahia.

MUKANDA USANDU WA ZAMBI 1975

⁹ Nyi mwana wa pwo wa umwe sasendote malijilula ha kulinga ukoi, hajilula tato, akamwoche ni kahia.

Alevi 21:9 Iomraidhean Croise

Ubutukilo 38:24

Yikubalika tukweji atatu, mba umwe mutu yalweza Yuda ngwenyi: “Tembwa mwane Tamare, ufumba ali nawo.” Yuda ngwenyi: “Yenu nukamuchize mu chihunda, nukamutuhwise haze. Nukamwoche ha kahia, akafwe.”

Alevi 19:29

“Kanda nubihisa ana jenu a mapwo ha kwapwisa yitanji a ku mazuwo ja mazambi. Nyi nwachilinga munukawayila mazambi eka, ni chifuchi muchikazala ni utanji.

Titu 1:6

mukulwana kuchamutambile kubwa ni kapalia. Chamutamba kubwa lunga wa pwo umuwika. Ana jenyi chaatamba kubwa akwa kufuliela, hi akwa lufuma mubi ko, hi akwa kukolema ko.

Malaki 2:3

Mungumwesa ana jenu lamba, mungunukwita ufwachi wa yimuna yize nwakulambula milambu, ni kunumbila haze nwakumbila we ufwachi.

Ezekiel 9:6

Shihenu makulwana, ni akweze, ni ana mapwo, ni amama, ni ana. Alioze kanda nukwata niumwe yoze uli ni mufunda ha huma. Butulenu kuno ku zuwo lia Zambi.” Mba yaabutuka ni miata waze te anamana ku zuwo lia Zambi.

Izaya 33:14

Yivulumunyi a Zione kaanachikima ni woma. Kaanambe ngwo: “Ubatwilo wa Zambi uli ngwe kahia kaze kakulengenya ku miaka yeswe. Iya wa kuli yetu mahasa kusala ni mwono ku kahia kaze?”

1 Samuel 2:34

Chino muchikabwa chilayi che ngwami, ana je aali a malunga, Hofni ni Finehase, maakafwa eswe aali tangwa limuwika.

1 Samuel 2:17

Mulonga uno wa ana ja Eli a malunga yiubwa unene Wahiana ku meso ja Mwene Zambi, mumu mulambu wa Mwene Zambi te hiwalumuka chizelwokeso ku meso ja atu.

Yoshua 7:25

Yoshua yamuhula ngwenyi: “Kuchi mba unakatukokela lamba libwa haha? Haliabwila Mwene Zambi makumwesa lamba!” Atu eswe yaamushiha ni mawe. Yaashiha nawa akwa jiko lienyi ni mawe, ni kwocha yuma yenyi yeswe.

Yoshua 7:15

Mweswawo mungukatongola, nyi haamuwana ni yuma yize nasele Shimbi, maakamwocha hamwe ni akwa jiko lienyi ni yuma yenyi yeswe, mumu haneha lamba ni sonyi hali Aisraele, hashiha Usendo wami.”

Alevi 20:14

Nyi umwe lunga mahalika a mwana ni naye, chatamba kwoocha eswe atatu, mumu haalinga Chuma cha sonyi. Chuma ngwe chino kanda chibwa mukachi kenu.

Kutuhuka 31:14

Chanutamba kulemesa tangwa lia kuhwima mumu lili lia chijila. Yoze kechi kulilemesa, alioze malinga ho milimo, chatamba kumushiha.

Shimbi 22:21

acho hi amutuhwise mu zuwo lia tato. Kwenako malunga ja mu limbo chatamba kumushiha ni mawe. Mumu halinga Chuma cha sonyi mukachi ka atu jetu ha kulinga utanji shimbu kanda achimumbata, muze te uchili mu zuwo lia tato. Chenacho munukachiza chibi chize mukachi kenu.