Alevi 21:10 - Mukanda Wa Zambi 1970

¹⁰ “Mwata wa mahako yoze hamuwayisa maji ni hamujika mahina ja uhako, kanda avundula kambu jenyi, chibwe kuchanuna mahina jenyi, ha kusoloka ngwo, hafwisa.

MUKANDA USANDU WA ZAMBI 1975

¹⁰ Sasendote wa lutwe hakachi ka akwo, yoze te hamuwayisa ni maji ha mutwe, hamutumbikila kuzala e mazalo, kanda akasulula kambu jenyi, kanda asonya mazalo jenyi.

Alevi 21:10 Iomraidhean Croise

Ubutukilo 37:34

Yakoba yachanuna mahina jenyi, yazala mwanji, mumu ha chinyengo chenyi. Yalila mwanenyi matangwa anji.

2 Samuel 15:30

Mwanangana David yakanduka ha mundundena wa Mitondo Olive nikulila. Te hazula sapato ni halifuka hina ku mutwe ni chinyengo, ni eswe waze amukawile te kaanafuku mitwe yo, yaalila.

Estere 6:12

Mwabwamuze Mordekai yahiluka kwenyi ku chikolo cha zuwo lia mwanangana. Alioze Hamane yachinyina ku mahienyi ni kulifuka mutwe wenyi mumu ha sonyi.

Jobe 1:20

Jobe yakatuka, yatanuna nahina jenyi ni chinyengo. Yatewula kawewe, yafulamana,

Miaso (Masamu) 133:2

Chili ngwe maji a ndando yinji waze hawayisa ha mutwe wa Arone, anasulumukina ku wevu wenyi, ndoo ni ku kota ya chikuto chenyi.

Kutuhuka 29:7

Mba ukande maji ukamuwayise ha mutwe wenyi.

Ezekiel 24:17

Atu kandeevwa kushikwoka che. Kanda uzula hina ku mutwe we chibwe kuzula sapato. Kanda ufuka meso je, kanda ulia yakulia ya utuliwa.”

Alevi 13:45

Mweswawo makabwa ni musongo ukalu wa ha chikowa chatamba kuzala mahina a kusonya, akavundula kambu jenyi, akafuka mivumbo yenyi, akakololoka ngwenyi: “Luchisa, luchisa!”

Alevi 16:32

Mwata wa mahako, yoze hanamuwayisa ni maji ha kuhinga tato, mwenawo makabemesa atu ku shili yo. Makazala mahina jenyi a uhako

Alevi 4:3

Nyi mwe mwata wa mahako ja Zambi havulumuna nikuneha chitela hali atu, chamutamba kuneha chimbembe wa kuji a ngombe, yoze keshi kapalia, ni kumulambula kuli Mwene Zambi ha mulonga wenyi.

Alevi 8:12

Yakunjika Arone ku milimo ya uhako ni kumuzujila maji ha mutwe.

Kwalula 35:25

Akwa Chikungulwila akalamwina yoze hashiha mukwo muze usoko wenyi anazange kumukala, akamuhilwisa ku limbo lia kuchinyina kuze hachinyina. Akatwama ko ndoo muze mwata wa mahako hafwa.

Mateu 26:65

Hohene mwata wa mahako yatanuna mahina jenyi nikwamba ngwenyi: “Hashililika Zambi! Mba kuchi tunafupu nawa yela akwo? Hinwevwa kushililika chenyi.