Alevi 2:9 - Mukanda Wa Zambi 1970

⁹ Hako makachiza Chihanda chawo, ni kuwocha ha chilumbilo, chikaweme. Chili chiwulwiso ngwo, mulambu weswe haulambula kuli Mwene Zambi. Lupembo wa mulambu uno wa yakulia kakuwahila kuli Mwene Zambi.

MUKANDA USANDU WA ZAMBI 1975

⁹ Sasendote makachiza ku mulambu Chiwulwiso chawo akachilumbe ha chilumbilo. Wapwa mulambu wa kahia, wa lupembo mupema kuli Yehova.

Alevi 2:9 Iomraidhean Croise

Kutuhuka 29:18

Ukocha kuji a panga mweswe ha chilumbilo, akaweme. Kuuli mulambu wa kwocha, lupembo wawo kakunguwahila.

Izaya 53:10

Mwene Zambi kanambe ngwenyi: “Yami nazangile ngwami, iye amone lamba; kufwa chenyi chabwile mulambu hanga akonekene akwa hashi. Ha chino makamona vungu lienyi; makabwa ni mwono wa miaka yinji, upale wami muukamanunuka mumu hali iye.

Alevi 1:9

Mutu yoze maneha mulambu akakosa yifwo ya mu jimo ni molu ni meya, mwe hako akocha mulambu weswe ha chilumbilo akaweme. Lupembo wa mulambu uno wa yakulia kakuwahila kuli Mwene Zambi.

Alevi 2:16

Mwe hako makocha wunga ni maji. Chili Chihanda cha mulambu wa chiwulwiso. Makocha nawa yuma ya vumba libema, yikaweme. Muukabwa mulambu wa yakulia kuli Mwene Zambi.

Alevi 2:2

ni kuuneha kuli mahako, ana ja Arone a malunga. Mwe hako makazomona ho kwoko lia wunga, ni maji, ni yuma yeswe ya vumba libema, ni kuyocha ha chilumbilo, yikaweme. Chili chiwulwiso ngwo, hayilambula kuli Mwene Zambi. Lupembo wa mulambu uno wa ya kulia kakumuwahila.

Alevi 2:8

Muukaneha mulambu kuli Mwene Zambi ni kuukunjika kuli hako, mwenawo makautwala ku chilumbilo.

Alevi 24:7

Nukasa yimwe yuma ya vumba libema ha mikala yeswe yaali, kuyili chilweza kuli Mwene Zambi cha mulambu wa yakulia yize yinasalakana mbolo.

Alevi 4:31

Mba akachize maji eswe, ngwe chize machiza maji a yimuna ya milambu ya kulivwa ni Zambi, ni kwoocha ha chilumbilo, akaweme. Mba lupembo makawahila kuli Mwene Zambi. Chenacho hako chatamba kulambula mulambu wa mulonga wa mutu yoze, mba Zambi makamukonekena.

Alevi 5:12

Akauneha kuli hako, hanga akazomone ho kwoko lia wunga, hanga ukabwe chiwulwiso ngwo, haulambula kuli Mwene Zambi. Mwe hako makawocha ha chilumbilo, ukaweme. Kuuli mulambu wa yakulia wa kuchiza nawa milonga.

Alevi 6:15

Akazomona ho kwoko lia wunga, ni maji, ni yuma ya vumba libema, ni kuyocha ha chilumbilo, yikaweme. Chili chinyingi cha kulweza ngwo, milambu yeswe hayilambula kuli Mwene Zambi. Lupembo wa mulambu uno makawahila kuli Mwene Zambi.

Zakaria 13:7

Mwene Zambi Mukwa Ndundo Jeswe kanambe ngwenyi: “Mukwale katuka, limike ni kafunga yoze wakungulingila milimo! Mushihe, mba mapanga maamwangana. Mungukalimika ni atu jami,

Zakaria 13:9

Mbunga ya muchitatu yize muyikasala mungukaabemesa mu kahia. Mungukaabemesa ngwe oru yize haabemesa mu kahia. Mba maakalemba kuli yami, ni yami mungukaakumbulula. Mungukaamba ngwami, nuli atu jami. No maakashikisa shili yo nikwamba ngwo, nguli Zambi yo.”

Kwalula 5:26

Azomone ho kwoko lia wunga ngwe Chihanda cha mulambu, nikuwocha ha chilumbilo. Mba manwisa pwo meya waze.

A-ROMA 12:1

Kashika, akwetu, mumu Zambi hanasolola keke yenyi kuli yetu, ngunaliumbu kuli yenu ngwami, nulihane yenwene ngwe mulambu wa mwono kuli Zambi, mulambu wa kulinanga, uze wakumubemena. Wenawo, we uwayilo wamwenemwene uze unamutela.

A-ROMA 15:16

ha kubwa kavumbi ka Yesu Kristu kuli waze hi Ayuda ko. Ngunahakwila ha kwambujola Sango Jibema ja Zambi, hanga mavungu waze hi Ayuda ko akabwe mulambu wakubemena kuli Zambi, wakulihana kuli iye ku tachi ja Mwiku wa Linanga.

Efesu 5:2

Bwenu akwa zango, ngwe chize Kristu atuzangile ni yakunjika mwono wenyi hali yetu, ngwe chitapo ni milambu ya vumba libema yize yinawahila Zambi.

Filipu 2:17

Tangwa likwo manyinga jami, kafwa ngwe mwono wami, maakabwa kutehuna ngwe mulambu wa ufulielo wenu kuli Zambi. Nyi Chenacho, mungu Wahilila ni kulianyina uwahililo uze hamwe ni yenu eswe.

Filipu 4:18

Hingunatambula jeswe jize nwangutuminyine—jinazuku. Haliabwila, nguli ni yuma yinazuku, mumu Epafroditu hanangunehena yawana yenu. Yawana yino yili ngwe mulambu wa vumba libema, chitapo chize chinabemena ku meso ja Zambi ni chize chinamuwahila.