Alevi 2:4 - Mukanda Wa Zambi 1970

⁴ Nyi mulambu uli wa mbolo ya kwocha ha jiko, chatamba kubwa yize kuyishi yitumbo. Chatamba kubwa mbolo yinene yakulinga ni wunga wa kuchinga ni maji a olive, hanji mbolo yikepe ya kukwita maji.

MUKANDA USANDU WA ZAMBI 1975

⁴ Muze mukalambula mulambu wa wunga wa kwocha mu forno, ukapwe wa yandanda ya wunga wafufunuka kuushi futunwiso, wa kuchinga ni maji, hanji ukapwe wa malikemba keshi futunwiso a kulembula ni maji.

Alevi 2:4 Iomraidhean Croise

Miaso (Masamu) 22:14

Tachi jami hijahwa, ngwe meya waze anamwanganyina hashi, yifwaha yami yeswe hiyasengunwoka, mbunge yami hiyasangunuka ngwe Sela.

Kutuhuka 12:8

Ha ufuku uze ye yifwo akalia ya kwocha ni mbolo yize kuyishi yitumbo, akayilia ni amwe mafwo asasu.

Kutuhuka 16:31

Aisraele yaaluka yakulia yize ngwo, mana. Yabwile ngwe mbuto ya masa, yitoma, kuyema chayo ngwe mbolo ya kuchinga ni wuchi.

Kutuhuka 29:2

Anda wunga Ubema wa tiriku, mba linga mbolo yize kuyishi yitumbo: yikwo yinene ya maji a olive, yikwo yinene kuyishi maji, yikwo yikepe ya kukwita maji.

Izaya 42:1

Mwene Zambi kanambe ngwenyi: “Talenu kavumbi kami yoze ngunatakamisa yoze natongwele, yoze nakuwahilila nenyi. Hingunamuzalisa ni Mwiku wami, makakolesa atu hanga akaliendele ni ululi.

Izaya 61:1

Mwiku wa Mwene Zambi uli muli yami. Hananguwayisa mu kwambujolela yiswale sango jibema ni kuwuka waze ayiza yikola ya mbunge, ni kwambujola utuswilo kuli funge, ni kutusula waze ali mu zuwo lia lamba,

Ezekiel 46:20

nikwamba ngwenyi: “Hano he homa haze mahako chaatamba kutelekela yifwo ya milambu ya shili ni milambu ya kuhilwisa ni kuwezela, ni kulinga mbolo ya milambu ya wunga, hanga keechi katwala yuma ya chijila mu yiize ya haze, mumu muyihasa kumwesa atu lamba.”

Alevi 1:11

Akamushihila ku sali lia chilumbilo ku norde, mahako akasapwila manyinga ku mbango jeswe jiwana ja chilumbilo.

Alevi 10:12

Mba Mose yambila Arone ni ana jenyi a malunga waze asalile ho, Eleazare ni Itamare, ngwenyi: “Andenu mulambu wa mbuto uze wasala ku mulambu wa Mwene Zambi, nulinge mbolo yize kuyishi yitumbo, nuyilila ku sali lia chilumbilo, mumu uli mulambu wa chijila kuhiana.

Alevi 7:12

Nyi mutu makalambula mulambu uno ha kusakwilila Zambi, akalambula chimuna hamwe ni mbolo yize kuyishi yitumbo. Mbolo yize yikabwa yinene, yakulinga ni wunga wa kuchinga ni maji a olive, hanji mbolo yikepe, yakakwita maji a olive, hanji mbolo yikepe yakulinga ni wunga ha kuchinga ni maji a olive.

Kwalula 6:15

Akalambula nawa kapaya wa mbolo yize kuyishi yitumbo: yikwo yinene yakulinga wunga wa kuchinga ni maji a olive, yikwo yikepe yakukwita maji a olive Akalambula nawa mulambu wa mbuto ni wa vinyu.

Mateu 26:38

yaamba ngwenyi: “Chinyengo chinji ngunevu mu mbunge, chinyengo cha kufwa. Salenu hano, nunongame hamwe ni yami.”

Yoano 12:27

“Haliabwila mbunge yami hiyalibikala. Kuchi mungwamba? Ngwambe ngwami: ‘Tata, ngulamwine kama ha yize muyinguwana ha ola yino,’ nyi kuchi? Ka, ha chikuma chino nejilile, ha kumona ola yino ya lamba.

Yoano 3:34

Yoze atumine Zambi kakuhanjika maliji a Zambi, mumu Zambi keshi kuhana Mwiku wenyi ni njongo.

Hebreu 7:26

Yesu kanatela kubwa mwata wa mahako. Kali munangi, keshi chibeka nichimwe, keshi shili. Zambi hanamuhandununa kuli yivulumunyi, hanamuzundula helu lia lilu.

1 Petulu 2:1

Kashika mbilenu ubi weswe, ni mahuza eswe, ni ulembekese, ni ukwa, ni kushililika.

1 Petulu 2:22

Kavulumwine ko nichimwe. Niumwe kevwile ko nilimwe tangwa ngwo, Kristu hanahanjika mahuza.