Alevi 2:3 - Mukanda Wa Zambi 1970

³ Uze muukasala ho, wa mbala wa mahako. Kuuli mulambu wa chijila kuhiana, chize kuze waulambwile kuli Mwene Zambi.

MUKANDA USANDU WA ZAMBI 1975

³ Chize cheswe chasala cha ku mulambu wa wunga chikapwe cha Arone ni anenyi a malunga; chapwa chuma chisandu chahiana hakachi ka milambu ya kahia kuli Yehova.

Alevi 2:3 Iomraidhean Croise

Ezra 2:63

Mukwa kuyula wa Yuda yaambila ngwenyi: “Kanda nulia yakulia ya mulambu uze atu haalambula kuli Zambi ndoo ni muze hinwabwa ni umwe hako yoze mahasa kuhula kuli Zambi ni Urime ni Tumime.”

Kutuhuka 29:37

Chino ukachilinga matangwa shimbiali, mba chilumbilo muchibwa cha chijila kuhiana. Chuma cheswe chize muchikwata ko muchibwa cha chijila, ni mutu mweswe yoze makwata ko mabwa wa chijila.

Ezekiel 44:29

Milambu ya mbuto, ni milambu ya shili, ni milambu ya kuhilwisa ni kuwezela muyikabwa yakulia yo; akatambule yuma yeswe mu Israele yize maasela yami.

Ezekiel 46:20

nikwamba ngwenyi: “Hano he homa haze mahako chaatamba kutelekela yifwo ya milambu ya shili ni milambu ya kuhilwisa ni kuwezela, ni kulinga mbolo ya milambu ya wunga, hanga keechi katwala yuma ya chijila mu yiize ya haze, mumu muyihasa kumwesa atu lamba.”

Alevi 10:15

Nehenu kulu ni bambo ayihungise ku meso ja Mwene Zambi. Kuuli mulambu wa kuhungisa. Yuma yino yili ya yenu ni ana jenu ndoo ku miaka yeswe, ngwe chize Mwene Zambi ambile.”

Alevi 14:13

Akashihila mwe mwana panga kuma kwa chijila, kuze akushihila yimuna mumu ha milambu ya milonga ni ya kwocha. Chamutamba kulinga chino mumu mulambu wa kuhilwisa ni kuwezela uli ngwe mulambu wa milonga, uli wa mbala wa hako, uli wa chijila kuhiana.

Alevi 2:10

Yize muyikasala yili ya mbala ya mahako. Kuuli mulambu wa chijila kuhiana, chize kuze waulambwile kuli Mwene Zambi.

Alevi 21:22

Mutu yoze mahasa kulia mulambu uze hangulambula, weswe waali, yakulia ya chijila ni yize ya chijila kuhiana.

Alevi 5:13

Chenacho hako chatamba kulambula mulambu wa mulonga wa mutu yoze, mba Zambi makamukonekena. Wunga uze muukasala ho, wa mbala wa hako, ngwe wunga uze wa mulambu wa mbuto.

Alevi 6:26

Hako yoze maulambula yifwo akayilila muma mwa chijila, mu chipanga cha zuwo lia Zambi lia makubu.

Alevi 6:9

ha kumwaha Arone ni ana jenyi a malunga Shimbi jino ja mulambu wa kwocha. Akahichika mulambu wa kwocha ha chilumbilo ufuku weswe, akafunga nawa kahia.

Alevi 7:7

Shimbi yimuwika yiliko hakutwala ku mulambu wa milonga ni mulambu wa kuhilwisa ni kuwezela, yenayi ayi: yifwo yili ya mbala ya hako yoze makaulambula.

Alevi 7:9

Mulambu weswe wa mbuto uze hoocha ha jiko, hanji ha chikango, hanji mu ndeho, uli wa mbala wa hako yoze makaulambula kuli Zambi.

Kwalula 18:9

Hingunakwehe milambu ya chijila kuhiana yize keeshi kwocha yino: milambu ya mbuto, ni ya milonga, ni kuhilwisa, ni kuwezela Yuma yeswe yize hinwalambula kuli yami ngwe milambu ya chijila yili ya yena ni ana je a malunga.

1 Samuel 2:28

Ku mavungu eswe ja Aisraele natongwele jiko lienyi hanga akabwe mahako jami, akalingile ku chilumbilo chami, akoche mbuto ya vumba libema, akazale chikuto chihi cha uhako muze maanguhula. Nawa natayijile kwaaha Chihanda cha milambu yeswe ya kwocha ya Aisraele.