Alevi 2:2 - Mukanda Wa Zambi 1970

² ni kuuneha kuli mahako, ana ja Arone a malunga. Mwe hako makazomona ho kwoko lia wunga, ni maji, ni yuma yeswe ya vumba libema, ni kuyocha ha chilumbilo, yikaweme. Chili chiwulwiso ngwo, hayilambula kuli Mwene Zambi. Lupembo wa mulambu uno wa ya kulia kakumuwahila.

MUKANDA USANDU WA ZAMBI 1975

² Akaunehe kuli asasendote, ana ja Arone. Akazomoneko kwoko lienyi lia wunga wafufunuka, ni chihanda cha maji, ni ye libano yeswe. Mwe sasendote akalumbe ha chilumbilo Chiwulwiso chayo chikapwe mulambu wa kahia, wa lupembo mupema kuli Yehova.

Alevi 2:2 Iomraidhean Croise

Nehemia 13:14

Zambi yami, ungwiwuluke kama, ha yuma yino yeswe nalingile mu zuwo lie ni uwayilo walio.

Nehemia 13:22

Mba yingwambila Alevi alibemese ha kufunga yikolo, hanga atu alemese tangwa lia kuhwima. Zambi yami, ha chikuma chino nawa, ungwiwuluke kama, nguvwile kama keke mumu ha zango lie linji.

Kutuhuka 30:16

Ukalambula mulambu uno kuli Aisraele ha kulinga nayo milimo ya zuwo lia kuwayila. Mulambu uno kuuli wa mwono wo, mba mungwiwuluka ha kwafunga.”

Izaya 66:3

“Atu kaakulinga yize yinaawahila. Kuli ayo chili chimuwika kulambula kuji a ngombe wa kushiha hanji mutu wa kushiha; kulambula mwana panga hanji kumakuna kota ya kawa; kulambula mbuto hanji manyinga a ngulu; kulambula milambu ya vumba libema hanji ku kombelela hamba. Kaakuwahilila ni kuwayila cha yizelwokeso.

Alevi 1:13

Mwe mutu akakosa yifwo ya mu jimo ni molu, mba hako makakunjika we mulambu kuli Mwene Zambi ni kuwocha weswe ha chilumbilo ukaweme. Lupembo wa mulambu uno wa yakulia, kakuwahila kuli Mwene Zambi.

Alevi 1:17

Akamubula ni kumusanganyika, mba mamwocha mweswe ha chilumbilo, akaweme. Lupembo wa mulambu uno wa ya kulia kakuwahila kuli Mwene Zambi.

Alevi 1:9

Mutu yoze maneha mulambu akakosa yifwo ya mu jimo ni molu ni meya, mwe hako akocha mulambu weswe ha chilumbilo akaweme. Lupembo wa mulambu uno wa yakulia kakuwahila kuli Mwene Zambi.

Alevi 2:16

Mwe hako makocha wunga ni maji. Chili Chihanda cha mulambu wa chiwulwiso. Makocha nawa yuma ya vumba libema, yikaweme. Muukabwa mulambu wa yakulia kuli Mwene Zambi.

Alevi 2:9

Hako makachiza Chihanda chawo, ni kuwocha ha chilumbilo, chikaweme. Chili chiwulwiso ngwo, mulambu weswe haulambula kuli Mwene Zambi. Lupembo wa mulambu uno wa yakulia kakuwahila kuli Mwene Zambi.

Alevi 24:7

Nukasa yimwe yuma ya vumba libema ha mikala yeswe yaali, kuyili chilweza kuli Mwene Zambi cha mulambu wa yakulia yize yinasalakana mbolo.

Alevi 4:31

Mba akachize maji eswe, ngwe chize machiza maji a yimuna ya milambu ya kulivwa ni Zambi, ni kwoocha ha chilumbilo, akaweme. Mba lupembo makawahila kuli Mwene Zambi. Chenacho hako chatamba kulambula mulambu wa mulonga wa mutu yoze, mba Zambi makamukonekena.

Alevi 5:11

Nyi mutu keshi ni tutele aali hanji membe aali, akaneha kwenyi kilo limuwika lia wunga wa mulambu wa milonga. Kanda akasa ho maji a olive chibwe yuma ya vumba libema, mumu kuuli mulambu wa milonga, hi wa mbuto ko.

Alevi 5:12

Akauneha kuli hako, hanga akazomone ho kwoko lia wunga, hanga ukabwe chiwulwiso ngwo, haulambula kuli Mwene Zambi. Mwe hako makawocha ha chilumbilo, ukaweme. Kuuli mulambu wa yakulia wa kuchiza nawa milonga.

Alevi 6:15

Akazomona ho kwoko lia wunga, ni maji, ni yuma ya vumba libema, ni kuyocha ha chilumbilo, yikaweme. Chili chinyingi cha kulweza ngwo, milambu yeswe hayilambula kuli Mwene Zambi. Lupembo wa mulambu uno makawahila kuli Mwene Zambi.

Kwalula 5:18

Hako akasulule kambu ja pwo ni kusa mulambu wa wunga wa ukwa mu moko ja mwe pwo. Hako akwate mu moko jenyi musenge wa meya asasu, waze maahasa kuneha Shingo.

Kwalula 5:26

Azomone ho kwoko lia wunga ngwe Chihanda cha mulambu, nikuwocha ha chilumbilo. Mba manwisa pwo meya waze.

Yilinga 10:4

Neye yamutala ni woma, yamuhula ngwenyi: “Mwene kuchi?” Kanganda ngwenyi: “Zambi hatayiza yilemba ye ni yawana yize wakuhana kuli yiswale, hakwiwuluka.