Alevi 2:12 - Mukanda Wa Zambi 1970

¹² Mulambu wa ku mbuto yitangu yize munukabatwola mwaka ha mwaka, chatamba kuuneha kuli Mwene Zambi, alioze kanda nukawocha ha chilumbilo.

MUKANDA USANDU WA ZAMBI 1975

¹² Muhasa kuyilambula kuli Yehova ha mulambu wa mbuto yitangu, alioze kanda yiya ha chilumbilo ha lupembo mupema kuli Yehova.

Alevi 2:12 Iomraidhean Croise

Ubutukilo 23:17

Chenacho tungu Ha Efrone ku Makapela, ku sali lia chivumbuko ku limbo lia Mamre, yilibwa tungu Ha Abrahama. Yuma yeswe yize yabwile mo: tungu, ni chivwenge, ni ye mitondo yeswe, yiibwa ya Abrahama.

2 Sango Ja Mianangana 31:5

Muze hahana ye Shimbi ayo, Aisraele yaaneha mbuto yibema yahiana, ni vinyu, ni maji a olive, ni wuchi, ni mbuto yeka ni yeka. Yaaneha nawa Chihanda chimuwika cha ku yihanda kumi ku yuma yeswe yize te ali nayo.

Kutuhuka 22:29

“Kanda ukalaluka kungulambula mihuko ya mu munda we, tiriku, ni vinyu, ni maji. “Ukangwaha ana je atangu a malunga.

Kutuhuka 23:19

“Mwaka ha mwaka ukaneha mbuto yitangu ya ku minda ye ku zuwo lia Mwene Zambi, Zambi ye. “Kanda ukateleka mwana panga hanji mwana pembe ni yamwa ya naye.”

Kutuhuka 34:22

“Ukalinga chiwanyino cha Kubatula Mbuto, muze unabatula mbuto yitangu ya mu munda we. Ukalinga nawa chiwanyino cha Yikulika ha kuhwa cha mwaka wa kuhela mihuko.

Alevi 23:17

Akwa jiko lieswe akaneha mbolo jaali, akajilambula kuli Mwene Zambi. Akajilinga ni kilo jaali ja wunga ni yitumbo, akajihungisa ku meso ja Mwene Zambi. Kuuli mulambu wa mbuto yitangu yize hinwabatula.

Alevi 7:13

Akalambula nawa mbolo yakwocha, yize kuyishi yitumbo.

Kwalula 15:20

Muze munukochacha mbolo, Chihanda chitangu cha ku mbolo ya mbuto yaha chikabwa cha mbala cha Mwene Zambi. Chatamba kuchilambula ngwe chize munukalambula mbuto yitangu.

Kwalula 18:12

“Ngunakwehe mihuko yitangu yibema yize Aisraele maangulambula ku mwaka ni mwaka: maji a olive, ni vinyu, ni mbuto.

1 Korintu 15:20

Alioze chamwenemwene Zambi hanahindwisa Kristu ku kufwa. Iye mwe mutangu kuhinduka ku kufwa. Uhindukilo wenyi unalweze ngwo, waze haanafu, Zambi makaahindwisa ku kufwa.

Shimbi 26:10

Kashika haliabwila hinaneha kuli Mwene Zambi Chihanda cha mbuto yize hangwaha.’ “Mba munangika mutonga hashi ku meso ja Mwene Zambi ni kuwayila.

Usolwelo 14:4

Wano kaalibihishile ko ni mapwo, mumu te akwa kulinanga. Te kaakukaula Mwana Panga kuze kweswe te akuya, yaahandununa mukachi ka atu ni kwakunjika ngwe mulambu utangu kuli Zambi ni kuli Mwanenyi.