Alevi 2:10 - Mukanda Wa Zambi 1970

¹⁰ Yize muyikasala yili ya mbala ya mahako. Kuuli mulambu wa chijila kuhiana, chize kuze waulambwile kuli Mwene Zambi.

MUKANDA USANDU WA ZAMBI 1975

¹⁰ Chize cheswe chasala cha ku mulambu wa wunga chikapwe cha Arone ni anenyi a malunga; chapwa chuma chisandu chahiana hakachi ka milambu ya kahia kuli Yehova.

Alevi 2:10 Iomraidhean Croise

2 Sango Ja Mianangana 31:14

Kore, mwana wa Imna, Kalevi, kafunga ka chikolo cha ku chivumbuko cha zuwo lia Zambi, mwenawo te wakutambula yawana ni kuyitetela e atu.

Ezra 2:63

Mukwa kuyula wa Yuda yaambila ngwenyi: “Kanda nulia yakulia ya mulambu uze atu haalambula kuli Zambi ndoo ni muze hinwabwa ni umwe hako yoze mahasa kuhula kuli Zambi ni Urime ni Tumime.”

Ezekiel 44:29

Milambu ya mbuto, ni milambu ya shili, ni milambu ya kuhilwisa ni kuwezela muyikabwa yakulia yo; akatambule yuma yeswe mu Israele yize maasela yami.

Ezekiel 46:20

nikwamba ngwenyi: “Hano he homa haze mahako chaatamba kutelekela yifwo ya milambu ya shili ni milambu ya kuhilwisa ni kuwezela, ni kulinga mbolo ya milambu ya wunga, hanga keechi katwala yuma ya chijila mu yiize ya haze, mumu muyihasa kumwesa atu lamba.”

Alevi 10:12

Mba Mose yambila Arone ni ana jenyi a malunga waze asalile ho, Eleazare ni Itamare, ngwenyi: “Andenu mulambu wa mbuto uze wasala ku mulambu wa Mwene Zambi, nulinge mbolo yize kuyishi yitumbo, nuyilila ku sali lia chilumbilo, mumu uli mulambu wa chijila kuhiana.

Alevi 14:13

Akashihila mwe mwana panga kuma kwa chijila, kuze akushihila yimuna mumu ha milambu ya milonga ni ya kwocha. Chamutamba kulinga chino mumu mulambu wa kuhilwisa ni kuwezela uli ngwe mulambu wa milonga, uli wa mbala wa hako, uli wa chijila kuhiana.

Alevi 2:3

Uze muukasala ho, wa mbala wa mahako. Kuuli mulambu wa chijila kuhiana, chize kuze waulambwile kuli Mwene Zambi.

Alevi 21:22

Mutu yoze mahasa kulia mulambu uze hangulambula, weswe waali, yakulia ya chijila ni yize ya chijila kuhiana.

Alevi 5:13

Chenacho hako chatamba kulambula mulambu wa mulonga wa mutu yoze, mba Zambi makamukonekena. Wunga uze muukasala ho, wa mbala wa hako, ngwe wunga uze wa mulambu wa mbuto.

Alevi 6:16

Mahako akalia yize yasala ho. Akalinga mbolo ni wunga uze kuushi yitumbo ni kuyilila muma mwa chijila, mu chipanga cha zuwo lia Zambi lia makubu. Mwene Zambi hanayihana kuli mahako kubwa Chihanda cho cha mulambu wa yakulia. Yili ya chijila kuhiana, ngwe mulambu wa mulonga ni mulambu wa kuhilwisa ni kuwezela.

Alevi 6:23

Chihanda nichimwe cha mulambu wa mbuto uze analambula hako, kanda achilia. Chatamba kuwocha weswe upu.

Alevi 6:9

ha kumwaha Arone ni ana jenyi a malunga Shimbi jino ja mulambu wa kwocha. Akahichika mulambu wa kwocha ha chilumbilo ufuku weswe, akafunga nawa kahia.

Alevi 7:7

Shimbi yimuwika yiliko hakutwala ku mulambu wa milonga ni mulambu wa kuhilwisa ni kuwezela, yenayi ayi: yifwo yili ya mbala ya hako yoze makaulambula.

Kwalula 18:9

Hingunakwehe milambu ya chijila kuhiana yize keeshi kwocha yino: milambu ya mbuto, ni ya milonga, ni kuhilwisa, ni kuwezela Yuma yeswe yize hinwalambula kuli yami ngwe milambu ya chijila yili ya yena ni ana je a malunga.

1 Samuel 2:28

Ku mavungu eswe ja Aisraele natongwele jiko lienyi hanga akabwe mahako jami, akalingile ku chilumbilo chami, akoche mbuto ya vumba libema, akazale chikuto chihi cha uhako muze maanguhula. Nawa natayijile kwaaha Chihanda cha milambu yeswe ya kwocha ya Aisraele.