Alevi 19:3 - Mukanda Wa Zambi 1970

³ Mweswe wa kuli yenu alemese tato ni naye, chatamba kufunga tangwa lia kuhwima lize nanuhele Shimbi. Yami nguli Mwene Zambi, Zambi yenu.

MUKANDA USANDU WA ZAMBI 1975

³ Enu eswe mutu ni mutu nukalemese noko ni tatenu. Nukafunge Sambata jami. Yami Yehova Zambi yenu.

Alevi 19:3 Iomraidhean Croise

Ubutukilo 48:12

Mba Josefe yaachiza ana jenyi mu molu ja tato, yafulamana hashi.

Nehemia 9:14

Yiwaalweza ha kufunga matangwa je a kuhwima a chijila, yiwambila kavumbi ke Mose alweze atu Shimbi je.

Kutuhuka 16:29

Nyingikenu ngwenu, yami Mwene Zambi hinanwaha tangwa lia kuhwima. Kashika, ha tangwa lia muchisambano nakunwaha yakulia ya matangwa aali. Mutu mweswe akatwame ku zuwo ha tangwa lia muchishimbiali, kanda akahichika zuwo lienyi.”

Kutuhuka 20:12

“Lemesa tatenu ni noko, hanga Ukatwame matangwa anji mu chifuchi chize yami Mwene Zambi ngunakwehe.

Kutuhuka 20:8

“Lemesa tangwa lia kuhwima, ulipwise lia chijila.

Kutuhuka 21:15

“Mweswawo malamba tato hanji naye, akamushiha.

Kutuhuka 21:17

“Mweswawo matuka tato hanji naye, akamushiha.

Yishima 1:8

Mwanami, banjika longeso lia tatenu ni noko.

Yishima 23:22

Banjika kuli tatenu; nyi iye te keshiko, yena kuwahashile kusemuka. Nyi noko habwa kashinakaji, muse vumbi.

Yishima 30:11

Kuli amwe atu waze akushinga atato, keeshi kuwahisa anaye.

Yishima 30:17

Mwana yoze wakulelesa tato ni keshi kusa naye vumbi mu ushinakaji wenyi, chinalite yikwakwalo kumulia hanji chiselele ku tombongona meso jenyi.

Izaya 58:13

Mwene Zambi kanambe ngwenyi: “Nyi munulemesa tangwa liami lia kuhwima ngwe tangwa lia chijila, ni kulitwamina kulinga upale wenu, nyi nwalemesa tangwa liami lia chijila ni kulisa vumbi ni kulitwamina kwendangana, hanji kulinga milimo, hanji kuhanjika yuma yamokomoko,

Ezekiel 20:12

Yingwaha matangwa a kuhwima abwe chilayi hakachi ka yami ni ayo, ha kwewuluka ngwami, kuma yami Mwene Zambi naapwishile akwa kulinanga.

Alevi 11:44

Yami nguli Mwene Zambi, Zambi yenu, ni yenu chanutamba kubwa minangi, mumu yami nguli munangi.

Alevi 19:25

Alioze ha mwaka wa muchitano munuhasa kulia ye mihuko. Nyi nwalinga yino yeswe, mitondo yenu muyikema mihuko yinji. Yami nguli Mwene Zambi, Zambi yenu.

Alevi 19:30

Lemesenu tangwa lia kuhwima, lemesenu nawa zuwo liami lia kunguwayila. Yami nguli Mwene Zambi.

Alevi 19:31

“Kanda nuhula mana kuli akwa mahamba ni kuli tahi. Nyi nwachilinga munubwa akwa luchisa. Yami nguli Mwene Zambi, Zambi yenu.

Alevi 19:34

Alingenu ngwe usoko wenu Aisraele, azangenu ngwe chize nwakulizanga yenwene. Iwulukenu chize nwabwile yilambala mu chifuchi cha Egiptu. Yami nguli Mwene Zambi, Zambi yenu.

Alevi 23:3

Chatamba kulinga milimo yenu matangwa asambano, alioze iwulukenu ngwenu, tangwa lia muchishimbiali lili lia kuhwima. Ha tangwa lize kanda nulinga ho milimo, alioze kungulukenu ni kuwayila. Tangwa lia kuhwima lili lia mbala lia Mwene Zambi, kweswako munukatwama kulinga Chuma ka.

Alevi 26:2

Lingenu yiwanyino yami, lemesenu zuwo liami lia kunguwayila. Yami nguli, Mwene Zambi.

Malaki 1:6

Mwene Zambi Mukwa Ndundo Jeswe kanambila mahako ngwenyi: “Mwana kakulemesa tato, ni kavumbi kakulemesa mwata wenyi. Yami nguli tatenu, kuchi mba kunushi kungulemesa? Nguli mwata wenu, kuchi mba kunushi kungusa vumbi? Nwakungulelesa, hindu nwakuhula ngwenu: ‘Ngwe kuchi nwakungulelesa?’

Shimbi 27:16

“ ‘Mwene Zambi akashinge yoze malelesa tato ni naye.’ “Atu eswe maakatayiza ngwo: ‘Chibwe kama Chenacho!’

Shimbi 5:16

“ ‘Lemesa tatenu ni noko, ngwe chize yami, Mwene Zambi, Zambi ye, ngunakwehe Shimbi, mba hanga yuma yeswe yiwahe kuli yena ni hanga ubwe ni mwono matangwa anji, mu chifuchi chize ngunakwehe.

Hebreu 12:9

Twiwulukenu atata jetu a hano hashi. Muze twabwile twanuke te kaakutulamba, hindu te twakwalemesa. Chatutamba kwononokena kuhiana Tata wa mwilu, mba mutubwa ni mwono.