Alevi 16:3 - Mukanda Wa Zambi 1970

³ Muze makanjila muma mwa chijila kuhiana, akambata chimbembe wa kuji mumu ha mulambu wa milonga, ni kuji a panga mumu ha mulambu wa kwocha.”

MUKANDA USANDU WA ZAMBI 1975

³ Alioze Arone ngwe chino manjila muma musandu; akanjile ni chimbembe wa kuji, akapwe mulambu ha shili, ni kuji ya panga akapwe mulambu wa kulumba.

Alevi 16:3 Iomraidhean Croise

Alevi 1:10

Nyi mutu makalambula umwe wa ku yimuna yenyi, panga hanji pembe, chatamba kubwa shina kuji yoze keshi kapalia.

Alevi 1:3

Nyi makalambula umwe wa ku ngombe jenyi mulambu wa kwocha, chatamba kwanda kuji yoze keshi kapalia. Chatamba kumutwala ku chikolo cha zuwo lia Zambi lia makubu, mba Mwene Zambi amutayize.

Alevi 16:6

Neye akalambula kuji a ngombe ha kuchiza milonga yenyi mwene ni ya akwa jiko lienyi.

Alevi 4:1

Mwene Zambi yambila Mose ngwenyi:

Alevi 4:3

Nyi mwe mwata wa mahako ja Zambi havulumuna nikuneha chitela hali atu, chamutamba kuneha chimbembe wa kuji a ngombe, yoze keshi kapalia, ni kumulambula kuli Mwene Zambi ha mulonga wenyi.

Alevi 8:14

Hohene Mose yaneha chimbembe cha kuji a ngombe, mumu ha mulambu wa milonga. Mba Arone ni ana jenyi a malunga yaasa moko jo ha mutwe wa ngombe.

Alevi 8:18

Mba Mose yanda kuji a panga mumu ha mulambu wa kwocha, Arone ni ana jenyi a malunga yaasa moko jo ha mutwe wenyi,

Alevi 9:2

Yambila Arone ngwenyi: “Anda chimbembe wa kuji umuwika ni kuji a panga umuwika, waze keeshi kapalia, waalambule kuli Mwene Zambi, chimbembe mumu ha mulambu wa milonga, ni panga mumu ha mulambu wa kwocha.

Alevi 9:3

Mba lweza Aisraele ande kuji a pembe mumu ha mulambu wa mulonga, ni chimbembe ni panga wa mwaka umuwika, waze keeshi kapalia, mumu ha mulambu wa kwocha,

Hebreu 9:12

Muze Kristu hananjila chisuho chimuwika Muma mwa Chijila Kuhiana, kahanyine ko mulambu wa manyinga a pembe hanji manyinga ja ana a ngombe. Alioze yahana manyinga jenyi mwene, mulambu ha kutulamwina ku miaka yeswe.

Hebreu 9:7

Alioze shina mwata wa mahako wakunjila mu chibatulo chize cha muchaali. Kakunjila mo shina chisuho chimuwika ha mwaka. Chamutamba kuya mo ni manyinga ja tushitu ha kulambula mulambu kuli Zambi. Kakuchilinga ha kumukonekena milonga yenyi mwene ni ya atu akwo nawa, yize te akulinga kuyinyingika ka.