Alevi 13:2 - Mukanda Wa Zambi 1970

² Nyi umwe mutu habwa ni chijimbo hanji chizuwu hanji chibeka yize muyihasa kwalumuka musongo ukalu wa ha chikowa, akamuneha ku meso ja umwe hako wa ku jiko lia Arone.

MUKANDA USANDU WA ZAMBI 1975

² Muze mutu mapwa ni chijimbo, hanji kachilonda, hanji chipeka ha kowa lia mujimba wenyi, mba muchalumuka musongo ngwe wa mbumba mu kowa lia mujimba wenyi, akamunehe kuli sasendote Arone, hanji kuli umwe hakachi ka anenyi asasendote.

Alevi 13:2 Iomraidhean Croise

2 Samuel 3:29

Mulonga uno ukabwa kama hali Joabe ni hali akwa jiko lienyi eswe! Ku Chisemuko ni Chisemuko kukabwa kama umwe lunga yoze makabwa ni yikola ya utanji, hanji musongo ukalu wa ha chikowa, (mbumba) hanji yoze makalinga lume milimo ya mapwo, hanji yoze makafwa mu jita, hanji yoze makahona yakulia!”

1 MIANANGANA 5:1

Namane, mwata wa tujita twa Siria, te mukwa lufuma. Mwanangana wa Siria yamulemesa kuhiana, mumu Mwene Zambi yakwasa Asiria kukumba ni tachi ja Namane. Te kajita munene, alioze yamona lamba mumu ha musongo ukalu wa ha chikowa (hanji mbumba).

1 MIANANGANA 5:27

Nyingika ngwe, haliabwila muubwa ni musongo ukalu wa Namane, yena ni vungu lie ndoo ku miaka yeswe!” Muze mwe Gehazi hakatuka, musongo uze yiumukwata, chikowa chenyi yichalumuka chitoma ngwe chiwe.

Izaya 1:6

Mujimba weswe hiwabiha chize ku mutwe ndoo ku molu. Hiwazala ni mijiji ni yilonda, yize kanda achiyiwuka ni kuyikasa, chibwe kuyilemba amwe maji.

Izaya 3:17

Kashika mungukaamwesa lamba, ni kwatewula tuwewe, nikweevwisa sonyi.”

Alevi 13:1

Mwene Zambi yaaha Mose ni Arone Shimbi jikwo jino.

Alevi 13:3

Mwe hako ashishike kutala che chijimbo. Nyi ngwe wonawona wa he ha chijimbo hiwalumuka utoma, ni musongo hiwanjila mu mujimba, kuma kuuli musongo ukalu wa ha chikowa. Mba mwe hako makalweza mutu yoze ngwenyi: “Yena uli mukwa luchisa.”

Alevi 13:8

hanga amutale nawa. Nyi ngwe musongo hiwatanda, hako makamulweza ngwenyi: “Yena uli mukwa luchisa.” Kuuli musongo ukalu wa ha chikowa.

Alevi 14:3

Mba hako makamutwala haze lia musumba ni kumutala. Nyi ngwe musongo hiwaya,

Alevi 14:35

Mweswawo makamona ngwenyi, mbundu hiyakwachika mu zuwo lienyi, chatamba kuya ni kulweza hako.

Malaki 2:7

Milimo ya mahako yili kulongesa yinyingi yamwenemwene ya Zambi. Atu chaatamba kuya kuli ayo hanga aalongese upale wami, mumu mahako kaali tunganda twa yami Mwene Zambi Mukwa Ndundo Jeswe.

Kwalula 12:10

Lelwa yilikatuka ha zuwo lia Zambi lia makubu. Susumuku Miriame habwa ni musongo ukalu wa ha chikowa, (hanji mbumba) yalumuka mutoma ngwe chiwe. Muze Arone hamona ngwenyi, Miriame habwa ni musongo uze,

Kwalula 12:12

Kanda umwecha hanga abwe ngwe mwana wa kuselumuna.”

Mateu 8:4

Mba Yesu yamwamba ngwenyi: “Unevu? Kanda ukambulwila mutu niumwe. Alioze yako ukaliweze kuli hako wa Zambi. Mba lambula mulambu uze ambile Mose, ni kulweza eswe ngwe, hiwabema.”

Marku 1:44

“Unevu? Kanda ukambulwila niumwe, alioze yako ukalilweze kuli hako wa Zambi. Mba lambula mulambu uze ambile Mose ha kulweza eswe ngwe, hiwabema.”

Luka 17:14

Yesu yaamona, yaamba ngwenyi: “Yeenu nulilweze kuli mahako a Zambi.” Shimbu lize te anayi, yaabema.

Luka 5:14

Yesu yamwaha koki ngwenyi: “Kanda ukambulwila niumwe. Alioze yako ukalilweze kuli hako wa Zambi. Mba ukalambule mulambu uze ambile Mose wa kulweza eswe ngwe, hiwabema.”

Shimbi 24:8

“Muze munuyiza musongo ukalu wa ha chikowa, nukanyama ha kulinga yize ananwambe kuli mahako ja Alevi. Nwononokena Shimbi jize ananwehe.

Shimbi 28:27

Mwene Zambi makatuma hali yenu yivunda, ngwe chize alingile hali akwa Egiptu. Munukabwa ni mbongola. Munukazununyoka. Munukabwa ni ukuli, keechi kahasa kuyiwuka.