Alevi 10:9 - Mukanda Wa Zambi 1970

⁹ “Yena ni ana je a malunga kanda nunjila mu zuwo lia kuwayila muze hinwanwa vinyu hanji kunwa chikwo chisasu. Nyi ka, kumunufwa. Shimbi yino chanutamba kuyifunga mu vungu lienu ku yisemuko yeswe.

MUKANDA USANDU WA ZAMBI 1975

⁹ Kanda ukanwa vinyu hanji kunwa chisasu, chipwe yena, chipwe ane a malunga hamwe ni yena, muze mununjila mu mbalaka ya chikungulwila, kuchina munufwa. Chino chikapwe chiyulo cha mutolo kuli yenu ndusu yisemuko yenu yeswe.

Alevi 10:9 Iomraidhean Croise

Kutuhuka 27:21

Arone ni ana jenyi a malunga akasa ndeya yize muma mwa chijila mu zuwo lia kuwayila, hehi ni chikalakala chize chili kulutwe lia mushete wa Usendo. Kwenako, ku meso ja yami Mwene Zambi, ye ndeya muyibwa ni kutemuka ufuku weswe, chize ku chingoloshi ndoo chichamene. Aisraele ni vungu lio, chaatamba kufunga Shimbi yino ndoo ku miaka yeswe.

Yishima 20:1

Kunwa chinji muchikupwisa mukwa zungo ni chihepuke, kuzengewa chili uhepuke.

Izaya 28:7

Chibwe akwa munanyi ni mahako kaakupiepieta mumu haazengewa. Kaakunwa vinyu yisasu yinji, kashika akutalinga ni kubinda. Akwa munanyi kaakuzengewa kuhiana, kaahashile kunyingika ulumbunwiso wa Usolwelo uze Zambi akuhana, ni mahako kaakuzengewa kuhiana, kaahashile kubatula milonga yize atu akwanehena.

Ezekiel 44:21

Mahako kuchaatambile kunwa vinyu muze anambe kunjila mu yiize ya muchima.

Hosea 4:11

Mwene Zambi ngwenyi: “Vinyu yikulu chibwe yaha, yakubinjisa manyonga ja atu jami!

Alevi 10:8

Mwene Zambi yambila Arone ngwenyi:

Alevi 3:17

Kaisraele niumwe kuchatambile kulia maji hanji manyinga. Shimbi yino Aisraele chaatamba kufunga matangwa eswe, kweswako anatwama.

Kwalula 6:20

Ha kusula mwe hako akayihungisa ku meso ja Mwene Zambi. Kuuli mulambu wa kuhungisa wa mbala wa hako. Nikulita ni Shimbi, bambo ni kulu lia panga yili nawa ya mbala ya hako. Mabwamuze Kanazireu mahasa kunwa vinyu.

Kwalula 6:3

akajila kunwa vinyu ni yuma yisasu. Kanda alia ni kanda anwa mihuko ya vinyu niyimwe.

Luka 1:15

Mumu makabwa mutu munene ku meso ja Mwene Zambi. Kechi kanwa vinyu, chibwe Chuma chikwo cha kuzengewesa mutu. Makazala ni Mwiku wa Linanga chize ku jimo lia naye.

Efesu 5:18

Kanda nuzengewa ni vinyu. Nyi ka, munuhungumuka ni yibi. Alioze zalenu ni Mwiku wa Linanga.

1 Timoteu 3:3

hi mukwa kuzengewa ko, hi mukwa chimbangunya ko, chimbovu, mukwa sambukila, hi mukwa lwahu wa mbongo ko.

1 Timoteu 3:8

Tuvumbi a mu Chikungulwila, chizechene nawa, chaatamba kubwa akwa vumbi ni amwenemwene, hi akwa kuzengewa ko ni vinyu, hi akwa kufumbula mbongo ko ni mahuza.

1 Timoteu 5:23

Kanda unwa meya wika, alioze tambula kavinyu ha lufu we, mumu wakuyiza kanji.

Titu 1:7

Kuchamutambile kubwa ni kapalia mumu kali mukwa lutwe wa milimo ya Zambi. Hi mukwa kulisuta ko, hi chitenu ko, hi mukwa kuzengewa ko, hi mukwa kulambana ko, hi mukwa lwahu wa mbongo ko,