Alevi 10:6 - Mukanda Wa Zambi 1970

⁶ Mba Mose yambila Arone ni ana jenyi a malunga Eleazare ni Itamare ngwenyi: “Kanda nuvundula kambu jenu hanji kuchanuna mahina jenu ha kusoloka ngwe hinwafwisa. Nyi nwachilinga kumunufwa, ni Mwene Zambi kumevwila Chikungulwila cheswe ufwatulo. Alioze usoko wenu Aisraele eswe maahasa kulila kufwa chino cha kahia ka Mwene Zambi.

MUKANDA USANDU WA ZAMBI 1975

⁶ Mba Mose yamba kuli Arone, ni kuli Eleazare, ni kuli Itama, anenyi a malunga ngwenyi, Kanda nukasulula kambu jenu, chipwe mazalo jenu kanda nwasonya, kuchina munufwa, kuchina ufwatulo ukapwile ha chikungulwila cheswe. Alioze akwenu, vungu lieswe Ha Izalele mahasa kulilila kahia kano Yehova hawika.

Alevi 10:6 Iomraidhean Croise

2 Samuel 24:1

Mwene Zambi yevwila nawa Aisraele ufwatulo, mba yashinjika mwanangana David akaabinjise. Yamwamba ngwenyi: “Yako walule Aisraele ni Ayuda.”

Kutuhuka 33:5

Mumu Mwene Zambi hambila Mose alweze Aisraele ngwenyi: “Nuli ni mbunge jikalu. Nyi naya nenu chibwe shimbu likepe, mungunwonona liakulu. Haliabwila zulenu yuma yenu ya uhenya, hanga ngumone chize mungunulinga.”

Kutuhuka 6:23

Arone yambata Elisheba, mwana wa Aminadabe, ndumbu ya Nasone. Elisheba yasema ana wano ni Arone: Nadabe, ni Abihu, ni Eleazare, ni Itamare.

Jeremia 7:29

“Yenu akwa Yerusaleme, lilenu mbimbi, tewulenu kambu jenu nujimbile. Imbenu miaso ya lungungu helu lia milundu, mumu yami Mwene Zambi, ngunevu ufwatulo, hinalituna atu jami.

Alevi 13:45

Mweswawo makabwa ni musongo ukalu wa ha chikowa chatamba kuzala mahina a kusonya, akavundula kambu jenyi, akafuka mivumbo yenyi, akakololoka ngwenyi: “Luchisa, luchisa!”

Mika 1:16

Yenu tewulenu tuwewe mumu hali ana jenu waze nwazanga. Lipwisenu akwa lwole, mumu ana jenu kumaakaatwala mu undungo mu chifuchi cha mbala.

Kwalula 1:53

Alioze Alevi akajingilika mazuwo jo ku zuwo liami ha kulifunga, hanga mutu niumwe kechi kukundama ni kungusosomba ngutenuke ha kumwesa Chikungulwila cha Aisraele lamba.”

Kwalula 14:6

Yoshua mwana wa Nune, ni Kaleba mwana wa Jefune, aali a hakachi ka ngendeshi, yaachanuna mahina jo ni kubihilila.

Kwalula 16:22

Alioze Mose ni Arone yaafulamana hashi, yaamba ngwo: “Aa Zambi, yena uli chishina cha mwono weswe. Kuma nyi mutu umuwika havulumuna, muuvwila Chikungulwila cheswe ufwatulo, nyi?”

Kwalula 18:5

Yena ni ana je chanutamba kulinga milimo ya muma mwa chijila ni ya ku chilumbilo, hanga chichi kuvwila nawa atu jami Aisraele ufwatulo.

Kwalula 20:25

Twala Arone ni mwanenyi wa lunga Eleazare ha mulundu wa Hore,

Kwalula 5:18

Hako akasulule kambu ja pwo ni kusa mulambu wa wunga wa ukwa mu moko ja mwe pwo. Hako akwate mu moko jenyi musenge wa meya asasu, waze maahasa kuneha Shingo.

Shimbi 33:9

Abwile akwa kushishika kuhiana kuli yena, hi kuli yisemi jo ko, hanji anakwo, chibwe kuli ana jo. Yaafunga Shimbi je, yaalemesa Usendo we.

Yoshua 22:18

Kuma hinwalituna kukaula Mwene Zambi, nyi? Nyi hinwalimika ni Mwene Zambi musono, hamene makevwila ufwatulo Aisraele eswe.

Yoshua 22:20

Iwulukenu chize Akane, mwana wa Zera, akolemene Shimbi hakutwala ku yuma yize te chatamba kwenyeka. Chikungulwila cheswe yaamona lamba, Akane kafwile ko ukawenyi mumu ha mulonga wenyi.”

Yoshua 7:1

Aisraele kaafungile ko Shimbi jize Mwene Zambi aahele ngwenyi, kanda abuba yuma mu limbo lia Yeriku. Umwe mutu jina lienyi Akane, yakolema Shimbi yize. Mba Mwene Zambi yatenukina Aisraele. (Akane te mwana wa Karmi, mujikulu wa Zabdi, wa ku jimo lia Zera, wa ku vungu lia Yuda.)

Yoshua 7:11

Aisraele haavulumuna! Haashiha Usendo uze nakolesele no, uze nambile ngwami, nwoononokena. Haanda yimwe yuma ya chijila te chaatamba kwonona. Haayiya, haahanjika mahuza, haayichinga hamwe ni yuma yo.