Alevi 10:3 - Mukanda Wa Zambi 1970

³ Henaho Mose yambila Arone ngwenyi: “Chino chechize Mwene Zambi ambile ngwenyi: ‘Eswe waze akungulingila chaatamba kulemesa ulinange wami. Mungukasolola uhenya wami kuli atu jami.’ ” Alioze Arone yahola kwenyi kuluu.

MUKANDA USANDU WA ZAMBI 1975

³ Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Alevi 10:3 Iomraidhean Croise

Ubutukilo 18:25

Kuwahashile kwonona akwa ululi hamwe ni yitanganyanyi. Kuwahashile kuchilinga nichimwe! Nyi wachilinga, kafwa ngwe, washiha akwa ululi hamwe ni yitanguke. Kuchahashile kubwa. Yena ngaji wa akwa hashi eswe, chakutamba kubatula ni ululi.”

Jobe 2:10

Jobe ngwenyi: “Unahanjika ngwe chihepuke. Muze Zambi akutulingila yibema, twakuwahilila nayo. Alioze ngwe kuchi mutulinyenga nyi hatutumina lamba?” Chibwe mu lamba ngwe lize, hindu Jobe kashililikile ko Zambi.

Miaso (Masamu) 119:120

Ngunachikima ku meso je; nakwivwa woma ha chize wakubatwila atu.

Miaso (Masamu) 148:14

Atu jenyi, Aisraele waze akuzanga kuhiana, hanaatakamisa, hanga ayo eswe akamuchichimieke. Halisenu Mwene Zambi!

Miaso (Masamu) 39:10

Kanda ungumwesa nawa lamba! Himungufwa mumu ha chize wakungulamba.

Miaso (Masamu) 39:9

Mungulihumikiza, chichi kuhanjika liji nilimwe mumu yena hiwangumwesa lamba lino.

Miaso (Masamu) 46:10

Kanambe ngwenyi: “Litwaminenu kubinda, nyingikenu ngwenu, yami nguli Zambi; nakuyula mavungu, nakuyula akwa hashi eswe.”

Miaso (Masamu) 89:7

Kaakukulemesa mu mbunga ya minangi; eswe kaakukuvwila woma.

Miaso (Masamu) 93:5

Mwene Zambi Shimbi je jili ja miaka yeswe; zuwo lie lili lia chijila, mulilinduluka ndoo ku miaka yeswe.

Kutuhuka 14:17

Mungukalisa mbunge ja akwa Egiptu kuhiana, hanga anukaule, henaho ndundo jami mujimoneka, muze mungukumba mwanangana hamwe ni tujita twenyi, ni matemba jenyi ni waze akwenda ho.

Kutuhuka 14:4

Mungumukalisa mbunge, mba manukaula. Lufuma wami mafumana muze mungumukumba hamwe ni tujita twenyi. Mba akwa Egiptu maanyingika ngwo, nguli Mwene Zambi.” Aisraele yaalinga chize alwezele kuli Mose.

Kutuhuka 19:22

Chibwe mahako ja Zambi, waze akukundama kuli yami Mwene Zambi, alijilike. Nyi ka, mungwamwesa lamba.’ ”

Kutuhuka 19:24

Mwene Zambi yamwamba ngwenyi: “Palumuka usake Arone. Alioze mahako ja Zambi ni atu akwo kanda atangunuka njiza ha kukanduka. Nyi ka, mungwamwesa lamba.”

Kutuhuka 30:30

Mba ukawayise Arone ni ana jenyi a malunga ni maji, ukaakunjika akangulingile milimo ya uhako.

Izaya 39:8

Mwanangana Hezekia yevwa ulumbunwiso uze, yanyingika ngwenyi, mukubwa uhwimino ha matangwa jenyi. Kashika yakumbulula ngwenyi: “Maliji wano hiwangulweza a kuli Mwene Zambi kaanabeme.”

Izaya 49:3

Yangwamba ngwenyi: “Israele yena uli kavumbi kami; mumu hali yena atu maakangulemesa.”

Izaya 52:11

Yenu waze nwatwama mu Babilonia tuhukenu mo, yenu eswe waze nwakumbata yikashi ya mu zuwo lia Zambi. Kanda nukwata ku Chuma nichimwe cha luchisa; lifungenu, nuli akwa chijila, tuhukenu.

Ezekiel 20:41

Muze hinanutuhwisa mu yifuchi kuze nwamwanganyinyine ni kunukungulula, mungukatayiza milambu yenu ya kwocha. Mavungu maakamona ngwo, yami nguli munangi.

Ezekiel 28:22

Alweze chize yami Mwene Zambi ngunambe ngwami: ‘Nguli mukwa kole yenu, Sidone; atu kumaakanguchichimieka ha chize mungukakulinga. Kumaakanyingika ngwo, yami nguli Mwene Zambi, muze mungukaalweza ulinange wami ni kumwesa atu je lamba.

Ezekiel 38:16

Muukalimika ni atu jami Aisraele ngwe chize kangonga akuhuhwa mu chifuchi. Muze tangwa mulikeza, mungukakutuma ni kunjila mu chifuchi ni tachi ni kulweza mavungu chize ngubwa, ni kwalweza ulinange wami mu yuma yize yena Goge muukalinga.

Ezekiel 40:46

chibatulo chize chatala ku norde chili cha mahako waze akulingila ku chilumbilo. Mahako eswe te a ku vungu lia Zadoke; shina ayo a ku vungu lia Levi maahasa kumana ku meso ja Zambi ni kumulingila.

Ezekiel 42:13

Mwe lunga yangwamba ngwenyi: “Mazuwo wano eswe aali kaali a chijila. Mwenamo mahako waze akunjila ku meso ja Mwene Zambi kaakulia milambu ya chijila kuhiana. Yibatulo yize yili ya chijila, kashika mahako akutulikila mo milambu ya chijila kuhiana: milambu ya mbuto, ni ya milonga, ni ya kuhilwisa ni kuwezela.

Alevi 21:15

Nyi ka, ana jenyi waze chaatamba kubwa akwa Minanga, maakabwa a luchisa. Yami nguli Mwene Zambi, hinamuhandununa ha kubwa mwata wa mahako.”

Alevi 21:17

ha kulweza Arone ngwenyi: “Chilema niumwe wa ku vungu lie, mahasa kungulambula mulambu wa yakulia. Shimbi yino muyikabwa ndoo ku miaka yeswe.

Alevi 21:21

Chilema niumwe wa ku vungu lia hako Arone kanda angulambula mulambu wa yakulia.

Alevi 21:6

Chamutamba kubwa munangi, kanda akolesa jina liami sonyi. Kakungulambula milambu ya yakulia, chatamba kubwa munangi.

Alevi 21:8

Atu chaatamba kwalula hako ngwo, munangi, mumu kakungulambula milambu ya yakulia. Nguli Mwene Zambi, nguli munangi, atu jami nakwapwisa akwa kulinanga.

Alevi 22:9

“Mahako eswe chaatamba kufunga Shimbi jize hinguneehe. Nyi ka, maabwa ni mulonga, kumaafwa, mumu haakolema Shimbi ja chijila. Yami nguli Mwene Zambi, yami nakwapwisa akwa kulinanga.

Alevi 8:35

Chanutamba kutwama ku chikolo cha zuwo lia Zambi matangwa shimbiali, nikulinga chize Mwene Zambi ambile. Nyi ka, munufwa. Chenacho Mwene Zambi angulwezele.”

Kwalula 16:5

Mba yambila Kora ni mbunga yenyi ngwenyi: “Hamene chichamene Mwene Zambi makasolola atu jenyi, makatayiza mutu wenyi yoze iye mwene hatongola kukundama ku chilumbilo.

Kwalula 20:12

Alioze Mwene Zambi yambila Mose ni Arone ngwenyi: “Mumu kunwangufulielele ni kungulemesa ngwe munangi ku meso ja Aisraele, ha chino kunuchi kuhetesa akwa Chikungulwila chino mu chifuchi chize naalakenyene kwaaha.”

Mateu 10:37

“Yoze mazanga tato hanji naye kuhiana yami, kangutelele ko. Yoze mazanga mwanenyi wa lunga hanji wa pwo kuhiana yami, kangutelele ko.

Yoano 12:28

Tata, lemesa jina lie!” Hohene yeevwa liji mwilu ngwo: “Hingunalilemesa kulu, ni mungulilemesa nawa.”

Yoano 14:13

Mungukalinga yuma yeswe yize munuketa mu jina liami, hanga uhenya wa Tata ukasoloke muli mwe Mwana.

Shimbi 32:51

mumu yenu eswe aali kunwabwile ko akwa kushishika kuli yami ku meso ja Aisraele. Muze nwabwile ku meya ja Meriba, hehi ni Kadeshe mu puya ya Zine, yinungulelesa ku meso ja atu.

2 A-TESALONIKA 1:10

Chino muchikabwa muze makeza ha tangwa lize atu jenyi maakamuhalisa ni akwa kufuliela eswe maakamulemesa. Ni yenu nawa munukabwa mukachi ko, mumu hinunafuliela Sango jize twanulongesele.

1 Petulu 4:17

Tangwa hiliaheta lize Zambi mabutula kubatwila atu. Hatangu mabatwila atu jenyi. Nyi yetu tuli atangu waze mabatwila, kuchi muchibwa kuli waze akulituna kufuliela Sango Jibema ja Zambi?

1 Samuel 2:30

Yami Mwene Zambi, Zambi ya Aisraele, ngunambe ngwami, chamwenemwene nalakenyene ngwami, akwa jiko lie ni akwa jimo lie maakangulingila milimo ya uhako matangwa eswe. Alioze haliabwila ngunambe ngwamie, chichi kuchitayiza nawa, mumu atu waze maangulemesa ni yami mungwalemesa, alioze waze maangulelesa ni yami mungwalelesa.

1 Samuel 3:18

Kashika Samuel yamulweza yeswe, kamuswekelele nichimwe. Eli ngwenyi: “Iye kali Mwene Zambi; alinge chize anazange.”

1 Samuel 6:20

Mba malunga a ku Bete Shemeshe yaalihula ngwo: “Iya mahasa kumana kama ku meso ja Mwene Zambi, Zambi munangi? Kulihi mutuutwala hanga atweche kama?”