Alevi 10:2 - Mukanda Wa Zambi 1970

² Susumuku Mwene Zambi yatuma kahia, yikoocha eswe aali, yaafwa ku meso ja Mwene Zambi.

MUKANDA USANDU WA ZAMBI 1975

² Mba mwatuhukile kahia kumeso ja Yehova, yaalalisa, yafwa kumeso ja Yehova.

Alevi 10:2 Iomraidhean Croise

2 Samuel 6:7

Hazehene Mwene Zambi yatenukina Uza, yamushiha mumu kalemesene ko mushete wa Mwene Zambi. Uza yafwila kuze hehi ni mushete wa Usendo.

1 Yitanga Ya Mianangana 13:28

Mba mukwa munanyi yaya, yawana mwe mufu mu jila, chimbulu ni tambwe te kaanamana hehi nenyi, hindu tambwe kalile ko mufu hanji kakwachile ko chimbulu.

1 Yitanga Ya Mianangana 18:38

Mba Mwene Zambi yahulumuna kahia, yikocha mulambu, ni kunyi, ni meya, ni e mavu, yikomisa meya eswe a mu wina.

1 MIANANGANA 1:10

Eliya yakumbulula ngwenyi: “Nyi nguli mutu wa Zambi, kahia kahulumuke mwilu hanga kanwoche yena ni tujita twe!” Shimbu lizeliene kahia yikahulumuka, yikocha mwata hamwe ni tujita twenyi.

1 MIANANGANA 1:12

Eliya ngwenyi: “Nyi nguli mutu wa Zambi, kahia kahulumuke mwilu hanga kanwoche yena ni tujita twe!” Shimbu lizeliene, kahia yikahulumuka, yikocha mwata ni tujita twenyi.

1 Sango Ja Mianangana 13:10

Hazehene Mwene Zambi yatenukina Uza, yamushiha mumu hakwata ku mushete. Yafwa lume hazehene ku meso ja Mwene Zambi.

1 Sango Ja Mianangana 15:13

Chisuho chitangu Mwene Zambi, Zambi yetu, yatumwesa lamba mumu yenu Alevi kunwabwile ko ni kuumbata nikulita ni Shimbi.”

1 Sango Ja Mianangana 24:2

Nadabe ni Abihu yaahanga kufwa shimbu te tato kanda achifwa, kaahichikile ko vungu. Mba yaapwisa anakwo Eleazare ni Itamare mahako.

Jobe 1:16

Shimbu te machihanjika, mukwa milimo mukwo yaheta, yamba ngwenyi: “Njaji hashiha mapanga ni tufunga, eswe haafwa. Shina yami wika nachina, hineza ni kukulweza.”

Miaso (Masamu) 50:3

Zambi yetu kaneza, alioze keshi kuhola, kahia kanalekwoka kulutwe lienyi, chijimbi chinamujingilika.

Kutuhuka 24:1

Mwene Zambi yambila Mose ngwenyi: “Kandukenu ha mulundu kuli yami, yena, ni Arone, ni Nadabe, ni Abihu, ni miata ja Aisraele makumi shimbiali. Hetamenu kapinji kasuku ha kunguwayila.

Izaya 30:33

Jiko lia kahia alilulikile kulu lia kwochela mwanangana wa Asuria. Lili linene ni lisuku, yilizala ni kunyi. Mwene Zambi makafuza mulengi wa kahia wa kujocha.

Alevi 10:5

No yeeza, yaakwata ku mahina, yaatwala haze lia musumba, ngwe chize Mose aalwezele.

Alevi 16:1

Mwene Zambi yahanjika ni Mose muze ana ja Arone aali a malunga haafwa, muze okwele kahia ka mbala ku meso ja Mwene Zambi.

Alevi 9:24

Susumuku Mwene Zambi yatuma kahia, yikocha mulambu wa kwocha ni maji ha chilumbilo, yiuwema upu. Ha kuchimona, atu eswe yaakololoka, yaafulamana.

Kwalula 16:35

Mba Mwene Zambi yatuma kahia. Ke kahia yikonona atu 250 waze anehene yuma ya vumba libema.

Kwalula 16:49

Yikufwa atu 14,700, kuweza ho waze afwile ha uhulia wa Kora.

Kwalula 26:61

Nadabe ni Abihu yaafwa muze alambwile kahia keka ku meso ja Mwene Zambi.

Yilinga 5:10

Hazehene, neye yalimbuka lume ku molu ja Petulu, yafwa kwenyi. Akweze yaamuwana te hafwa kulu, yaamwanda, yaamufunda ku sali lia lunga lienyi.

Yilinga 5:5

Anania, muze hevwa maliji wano yalimbuka hashi, yafwa kwenyi. Eswe waze achivwile yeevwa woma unji.

1 Korintu 10:11

Yuma yino yeswe yaawanyine ngwe yilweza mumu hali atu akwo, mba yayisoneka ha kututoweza, mumu mwaka wakusula hiwakundama.

1 Samuel 6:19

Mwene Zambi yashiha malunga makumi shimbiali a ku Bete Shemeshe mumu atalile mu mushete wa Usendo. Atu yaalinyenga mumu ha lamba lize aamwesene kuli Mwene Zambi.