Alevi 10:1 - Mukanda Wa Zambi 1970

¹ Ana ja Arone a malunga, Nadabe ni Abihu, mutu ni mutu yanda chula chenyi cha kwokwela kahia, yasa ho makala a kahia ni yuma ya vumba libema, yaayilambula kuli Mwene Zambi. Alioze kahia kaze te hi kachijila ko, mumu Mwene Zambi kaambile ko.

MUKANDA USANDU WA ZAMBI 1975

¹ Nandambe ni Ambihu, ana ja Arone, anjile mutu mweswe chikwachilo chenyi. Yasamo kahia ni insensu, yalambula kahia keka kumeso ja Yehova, kaze iye kaatumine.

Alevi 10:1 Iomraidhean Croise

1 Yitanga Ya Mianangana 18:38

Mba Mwene Zambi yahulumuna kahia, yikocha mulambu, ni kunyi, ni meya, ni e mavu, yikomisa meya eswe a mu wina.

Miaso (Masamu) 141:2

Tayiza kama kulemba chami ngwe mulambu wa yuma ya vumba libema, kuzunduka cha moko jami ngwe mulambu wa chingoloshi.

Kutuhuka 24:1

Mwene Zambi yambila Mose ngwenyi: “Kandukenu ha mulundu kuli yami, yena, ni Arone, ni Nadabe, ni Abihu, ni miata ja Aisraele makumi shimbiali. Hetamenu kapinji kasuku ha kunguwayila.

Kutuhuka 24:9

Mose yakanduka ha mulundu hamwe ni Arone, ni Nadabe, ni Abihu, ni miata ja Aisraele makumi shimbiali.

Kutuhuka 27:3

Yikashi yeswe ya chilumbilo ukayifula ya unengu; yula ya kukombela uto, ni makombo, ni yenga, ni somo, ni yula ya kwokwela kahia.

Kutuhuka 28:1

“Tambika yayenu Arone ni ana jenyi a malunga: Nadabe, ni Abihu, ni Eleazare, ni Itamare. Ahandunune kuli Aisraele hanga angulingile milimo ya uhako.

Kutuhuka 31:11

ni maji a kuwayisa, ni yuma ya vumba libema ya muma mwa chijila. Chaatamba kulinga yino yeswe ngwe chize hinakwamba.”

Kutuhuka 37:29

Bezalele yateleka maji a kuwayisa a chijila ni yuma ya kuchingachinga ya vumba libema.

Kutuhuka 38:3

Yafula yikashi yeswe ya chilumbilo ni unengu: yula ya kukombela uto, ni makombo, ni yenga, ni somo, ni yula ya kwokwela kahia.

Kutuhuka 40:27

mba yochela ho yuma ya vumba libema, ngwe chize amwambile Mwene Zambi.

Kutuhuka 6:23

Arone yambata Elisheba, mwana wa Aminadabe, ndumbu ya Nasone. Elisheba yasema ana wano ni Arone: Nadabe, ni Abihu, ni Eleazare, ni Itamare.

Kutuhuka 8:27

Chatutamba kuya mu wenyi wa matangwa atatu mu puya ha kulambula Zambi yetu mulambu, ngwe chize ambile iye mwene.”

Jeremia 19:5

haanatungila hamba Bale yilumbilo ya kwocha ana jo ngwe milambu. Chuma chize yami chaalwezele ko achilinge, chibwe chachinyongene ko.

Jeremia 32:35

Haanatungila hamba Bale yilumbilo mu chikulo cha Hinome, ya kulambula ana jo a malunga ni a mapwo milambu kuli zambi yo Moleke. Yami chaalwezele cho kuchilinga, ni mwene kuchabwile ko mu manyonga jami ha kulinga Chuma chize ni kuvulumwisa Ayuda.”

Jeremia 44:15

Mba malunga eswe waze te anyingika ngwo, mapwo jo te kaakulambula milambu kuli mazambi eka, ni mapwo eswe waze te akumana ko, kuchinga ni Aisraele waze te atwama ku sude mu Egiptu, mbunga yinene, eswe yaamwamba ngwo:

Jeremia 44:8

Mumu yika nunangwihi ni kukombelela mahamba ni kuwayila mazambi eka a muno mu Egiptu, muze nwatwama? Muze nunachilingi nunalionona yenwene, hanga mavungu eswe a hashi anuchoke ni ashingane ni jina lienu, nyi?

Jeremia 7:31

Haatunga chilumbilo mu chikulo cha Hinome chize akuvuluka ngwo Tofete, hanga ahase kulambwila ho ana jo a malunga ni a mapwo mu kahia. Alioze yami chaalwezele ko kuchilinga, Chuma chino chibwe mu manyonga jami ku chishimo.

Alevi 16:1

Mwene Zambi yahanjika ni Mose muze ana ja Arone aali a malunga haafwa, muze okwele kahia ka mbala ku meso ja Mwene Zambi.

Alevi 16:12

akokola kahia ka makala ha chula ha chilumbilo, akazomona nawa moko aali a yuma ya vumba libema, ni kuyitwala muma mwa chijila.

Alevi 22:9

“Mahako eswe chaatamba kufunga Shimbi jize hinguneehe. Nyi ka, maabwa ni mulonga, kumaafwa, mumu haakolema Shimbi ja chijila. Yami nguli Mwene Zambi, yami nakwapwisa akwa kulinanga.

Alevi 9:24

Susumuku Mwene Zambi yatuma kahia, yikocha mulambu wa kwocha ni maji ha chilumbilo, yiuwema upu. Ha kuchimona, atu eswe yaakololoka, yaafulamana.

Kwalula 16:46

mba Mose yambila Arone ngwenyi: “Anda chula che cha kahia, okwela ho makala a kahia a ha chilumbilo, sako ho yimwe yuma ya vumba libema, chitwale nikawashi kuli atu ha kwabemesa ni kwapwisa a chijila. Lipupwise! Mwene Zambi hevwa ufwatulo, musongo hiwabutuka kulu.”

Kwalula 26:61

Nadabe ni Abihu yaafwa muze alambwile kahia keka ku meso ja Mwene Zambi.

Kwalula 4:18

“Talenu kanawa, akwa jimo lia Kohate

Shimbi 12:32

“Lingenu yuma yeswe yize hinanwamba. Kanda nuweza ho hanji kuchiza ho Chuma chikwo, ka.

Shimbi 17:3

ha kuwayila ni kulingila mazambi akwo, hanji tangwa, chibwe kakweji, hanji matongonoshi, havulumuna Shimbi ya Mwene Zambi.

Shimbi 4:2

Kanda nuweza Chuma nichimwe ku yize ngunanwambe, chibwe kuchiza ko chikwo. Ononokenu ku Shimbi ja Mwene Zambi, Zambi yenu, jize hingunanulongesa.

Hebreu 9:4

Mwenemo mwabwile chilumbilo cha oru haze te akwochela maji a vumba libema, ni mushete uze wa Usendo wa Zambi ni atu, mushete uze weswe wakufuka ni oru. Muchima liawo mwabwile mulondo wa oru muze mwabwile yakulia, mana. Mu mushete uze mwabwile nawa lukanda wa Arone, yoze wasokele mafwo, ni mawe aze te akusoneka maliji a Usendo.