Alevi 1:4 - Mukanda Wa Zambi 1970

⁴ Mutu akasa kwoko lienyi ha mutwe wa chimuna, mba muchibwa mulambu wa kuchiza shili yenyi.

MUKANDA USANDU WA ZAMBI 1975

⁴ Mwe mutu akase kwoko lienyi ha mutwe wa mulambu wa kulumba akamusalakane, akafuke kuhona chenyi.

Alevi 1:4 Iomraidhean Croise

Kutuhuka 28:38

Chikabwa ha huma lia Arane muze analambula milambu ya chijila kuli yami. Ha chino, yami Mwene Zambi mungukatayiza milambu yize, chibwe atu kononokenene ko Shimbi jeswe ha kuyilambula.

Kutuhuka 29:10

“Ukatwala mwe chimbembe kulutwe lia zuwo lia Zambi. Lweza Arone ni ana jenyi akase moko ha mutwe wa chimbembe.

Kutuhuka 29:15

“Ukanda nawa umwe kuji a panga, lweza Arone ni ana jenyi a malunga akase moko ha mutwe wa mwe panga.

Kutuhuka 29:19

“Ukanda kuji a panga mukwo, lweza Arone ni ana jenyi a malunga akase moko ha mutwe wenyi.

Kutuhuka 29:33

Akalia yuma yize ya kukonekena nayo shili yo ha kwakunjika. Alioze atu akwo kaahashile kulia yuma yize, mumu yili ya chijila.

Izaya 56:7

“Mungunutwala ku Zione, ku mulundu wami wa chijila, mungunuwahisa mu zuwo liami lia kuwayila, ni kutambula milambu yize nwakulambula ha chilumbilo chami. Zuwo liami maakalivuluka ngwo, zuwo lia kuwayila lia mavungu eswe.”

Daniel 9:24

“Atu je ni limbo lino lia chijila hanaabatwila miaka makumi shimbiali yisuho shimbiali aatusule ku yibi yo ni ungulungulu wo. Yibi yo makaakonekena yo. Ululi muukalinduluka ku miaka yeswe hanga Usolwelo ni maliji a munanyi yikamanunuke, zuwo lia Zambi lia chijila maakakunjika lio.

Alevi 16:21

Akanangika moko jenyi eswe aali ha mutwe wa pembe ni kushikishila ho shili ni milonga ni uhulia wa Aisraele, ni kuyisa ha mutwe wa mwe pembe. Mutu yoze haanatongola akatwala mwe pembe mu yambu.

Alevi 16:24

Chamutamba kusanyina kumwe kuma kwa chijila ni kuzala mahina jenyi mwene. Mba makatuhuka ni kulambula mulambu wa kwocha, ha kuchiza milonga yenyi ni yize ya Aisraele.

Alevi 22:21

Nyi umwe kanalambula mulambu wa kulivwa kuli Mwene Zambi, chibwe wa chilakenyo hanji wa kuzanga chenyi, che chimuna kanda chibwa ni kapalia. Nyi ka, Mwene Zambi kechi kuchitayiza.

Alevi 3:13

akasa kwoko lienyi ha mutwe wa mwe pembe, ni kumushihila kulutwe lia zuwo lia Zambi lia makubu. Mahako akasapwila manyinga ku mbango jeswe jiwana ja chilumbilo.

Alevi 3:2

Mutu akasa kwoko lienyi ha mutwe wa mwe ngombe, akamushihila ku chikolo cha zuwo lia Zambi lia makubu. Mahako makasapwila manyinga ku mbango jeswe jiwana ja chilumbilo.

Alevi 3:8

chamutamba kusa kwoko lienyi ha mutwe wa mwe panga ni kumushihila kulutwe lia zuwo lia Zambi. Mahako akasapwila manyinga ku mbango jeswe jiwana ja chilumbilo.

Alevi 4:15

Makulwana ja Chikungulwila akasa moko jo ha mutwe wa ngombe, ni kumushiha.

Alevi 4:20

Akalinga ni kuji a ngombe yono ngwe chize akulinga ni yoze akulambula ha mulambu wa milonga. Akalinga Chenacho ni milambu ya milonga ya atu, mba Zambi makaakonekena yo.

Alevi 4:24

Akasa kwoko lienyi ha mutwe wa pembe, akamushihila ku chilumbilo ku sali lia ku norde, kuze akushihila yimuna ya milambu ya kwocha. Mulambu uno muukachiza mulonga wenyi.

Alevi 4:26

Mba akoche maji eswe ha chilumbilo, ngwe chize akulinga ni yimuna ya milambu ya kulivwa ni Zambi. Chenacho hako chatamba kulambula mulambu wa mulonga wa mukwa kuyula, mba Zambi makamukonekena.

Alevi 4:29

Akasa kwoko lienyi ha mutwe wa pembe ni kumushihila ku chilumbilo ku sali lia ku norde, kuze maashihila yimuna ya milambu ya kwocha.

Alevi 4:31

Mba akachize maji eswe, ngwe chize machiza maji a yimuna ya milambu ya kulivwa ni Zambi, ni kwoocha ha chilumbilo, akaweme. Mba lupembo makawahila kuli Mwene Zambi. Chenacho hako chatamba kulambula mulambu wa mulonga wa mutu yoze, mba Zambi makamukonekena.

Alevi 4:33

Akasa kwoko lienyi ha mutwe wa panga ni kumushihila ku chilumbilo ku sali lia ku norde, kuze akushihila yimuna ya milambu ya kwocha.

Alevi 4:35

Mba akamuchize maji eswe ngwe chize akuchiza maji a mwana panga wa milambu ya kulivwa ni Zambi, ni kwoochela ha chilumbilo, akaweme, hamwe ni milambu ya yakulia yize akuhana kuli Mwene Zambi. Chenacho hako chatamba kulambula mulambu wa mulonga wa mutu yoze, mba Zambi makamukonekena.

Alevi 4:4

Akamuneha ku chikolo cha zuwo lia Zambi lia makubu, akasa kwoko lienyi ha mutwe wa mwe ngombe ni kumushiha ku meso ja Mwene Zambi.

Alevi 5:6

ni kuneha mulambu kuli Mwene Zambi. Ukabwa wa chihwo cha panga hanji pembe. Mba hako akalambule we mulambu ha mulonga wa mutu yoze.

Alevi 6:7

Hako makalambula mulambu ha mulonga wa mutu yoze, mba Zambi makamukonekena.

Alevi 8:14

Hohene Mose yaneha chimbembe cha kuji a ngombe, mumu ha mulambu wa milonga. Mba Arone ni ana jenyi a malunga yaasa moko jo ha mutwe wa ngombe.

Alevi 8:18

Mba Mose yanda kuji a panga mumu ha mulambu wa kwocha, Arone ni ana jenyi a malunga yaasa moko jo ha mutwe wenyi,

Alevi 8:22

Mba Mose yanda nawa kuji a panga mukwo, yoze te wakululika ha kukunjika mahako ku milimo yo. Arone ni ana jenyi a malunga yaasa moko jo ha mutwe wenyi.

Alevi 9:7

Mba Yambila Arone ngwenyi: “Yako ku chilumbilo, ulambule mulambu wa mulonga ni mulambu wa kwocha ha kuchiza milonga ye ni ya atu. Lambula mulambu uno ha kuchiza milonga ya atu, ngwe chize Mwene Zambi anulwezele.”

Kwalula 15:25

Hako akabemesa Chikungulwila, mba Zambi makaakonekena, mumu te mulonga uze haaunyingika ni haananeha mulambu wa mulonga wo, kuuli mulambu wa yakulia kuli Mwene Zambi.

Kwalula 15:28

Hako akabemese mutu yoze ku chilumbilo, mba Zambi makamukonekena.

Kwalula 25:13

Iye ni vungu lienyi maabwa mahako ndoo ku miaka yeswe, mumu halituna Aisraele kuwayila mazambi eka, hahakwila Aisraele ha mulonga wo.”

Kwalula 8:10

Aisraele ase moko jo ha mitwe ya Alevi,

Kwalula 8:12

Alevi ase moko jo ha mitwe ya makuji a ngombe aali. Umuwika abwe mulambu wa milonga, mukwo mulambu wa kwocha, ha kubemesa Alevi.

A-ROMA 12:1

Kashika, akwetu, mumu Zambi hanasolola keke yenyi kuli yetu, ngunaliumbu kuli yenu ngwami, nulihane yenwene ngwe mulambu wa mwono kuli Zambi, mulambu wa kulinanga, uze wakumubemena. Wenawo, we uwayilo wamwenemwene uze unamutela.

A-ROMA 3:25

Zambi hanakunjika Yesu Kristu hanga, ku manyinga jenyi, mahasa kukonekena atu milonga yo, muze maafuliela Yesu Kristu. Zambi hanakunjika Kristu ha kulweza chize akupwisa atu akwa ululi. Hatangu, Zambi yalihumikiza no, kamwesene ko lamba ha milonga yo.

A-ROMA 5:11

Chikwo nawa, tunawahilila ha kuliendela ni Zambi mumu Mwene wetu Yesu Kristu hatuwanyisa nenyi.

Filipu 4:18

Hingunatambula jeswe jize nwangutuminyine—jinazuku. Haliabwila, nguli ni yuma yinazuku, mumu Epafroditu hanangunehena yawana yenu. Yawana yino yili ngwe mulambu wa vumba libema, chitapo chize chinabemena ku meso ja Zambi ni chize chinamuwahila.

Hebreu 10:4

Mumu manyinga ja kuji a ngombe ni pembe kaahashile kuchiza shili nichimwe.

1 Yoano 2:2

Iye mwe kuka wa milonga yetu. Hi wa milonga yetu wika ko, alioze nawa ha milonga ya atu eswe.