Alevi 1:3 - Mukanda Wa Zambi 1970

³ Nyi makalambula umwe wa ku ngombe jenyi mulambu wa kwocha, chatamba kwanda kuji yoze keshi kapalia. Chatamba kumutwala ku chikolo cha zuwo lia Zambi lia makubu, mba Mwene Zambi amutayize.

MUKANDA USANDU WA ZAMBI 1975

³ Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 1:3 Iomraidhean Croise

Ubutukilo 22:13

Abrahama yahetuka yamona kuji a panga kanasakaminya mbinga mu lutandulwila. Yaya ni kumukwata, yamulambula mulambu wa kwocha kuli Zambi ha kusalakana mwanenyi.

Ubutukilo 22:2

Zambi ngwenyi: “Anda mwana yono Isake, yoze wakuzanga kuhiana, yako nenyi ku chifuchi cha Moria, ukangula mbule ye ha mulundu uze mungukakulweza.”

Ubutukilo 22:8

Abrahama ngwenyi: “Zambi mwene matwaha panga wa mulambu wa kwocha.” Mba yaaya.

Ubutukilo 8:20

Hohene Noa yatunga chilumbilo cha Mwene Zambi. Tushitu ni tujila waze atela kulambula, yanda umuwika umuwika, yoocha ha chilumbilo, yaawema bwililii.

2 Sango Ja Mianangana 29:32

Kwoka cha milambu yeswe ya kwocha yiibwa chino: makuji a ngombe 70, ni mapanga 100, ni ana mapanga 200.

2 Sango Ja Mianangana 35:12

Mba yaatetela e yimuna ku mbunga ya jiko ni jiko, yibwe milambu ya kwocha. Yaayilambula nikulita ni Shimbi ja Mose.

Miaso (Masamu) 110:3

Tangwa lize muukasa jita ni akwa kole je, atu je maakalihana kuli yena. Ngwe chize mume wakusulumioka chichamene cheswe, akweze je maakeza kuli yena ha milundu ye ya chijila.

Miaso (Masamu) 40:8

Zambi yami, nakuwahilila ni kulinga chize unapale! Nakufunga Shimbi je mu mbunge yami.”

Kutuhuka 12:5

Chimuna chize maakalia kuchatambile kubwa ni kapalia. Chatamba kubwa kuji yoze habwa ni mwaka umuwika. Munuhasa kutongola panga hanji pembe.

Kutuhuka 24:5

Mba Mose yatuma akweze ha kwocha milambu ku meso ja Zambi, yaashiha makuji a ngombe a mulambu ha kulivwa ni Mwene Zambi.

Kutuhuka 29:18

Ukocha kuji a panga mweswe ha chilumbilo, akaweme. Kuuli mulambu wa kwocha, lupembo wawo kakunguwahila.

Kutuhuka 29:4

“Ukaneha Arone ni ana jenyi a malunga ku chikolo cha zuwo lia kuwayila, Ukaalweza akasane meya.

Kutuhuka 29:42

Ku miaka yeswe ukalambula mulambu uno wa kwocha ku meso jami, ku chikolo cha zuwo lia kuwayila. Kwenako mutukalitakana muze munguhanjika ne.

Kutuhuka 32:6

Muze hikwacha, yaalambula milambu ya yimuna yize ochele, yaaneha nawa yimuna ha kulambula milambu ya kulivwa ni Zambi. Atu yaatwama hashi, yaalia, yaanwa, yaalinga utanji.

Kutuhuka 35:21

Mweswawo watayijile, yaneha chawana cha kutunga nacho zuwo lia Mwene Zambi. Yaaneha yuma yeswe ya uwayilo ni ya kulinga nayo mahina ja mahako.

Kutuhuka 35:29

Aisraele waze atayijile yaaneha yawana yo kuli Mwene Zambi ha kulinga milimo yize Mwene Zambi ambilile Mose.

Kutuhuka 35:5

‘Ngunehenenu yawana. Mweswawo mazanga akaneha yawana yino: oru, ni prata, ni unengu,

Kutuhuka 36:3

Mose yaaha yawana yeswe yize Aisraele anehene ha kutunga nayo zuwo lia makubu lia chijila. Tangwa ha tangwa Aisraele te kaakunehena Mose milambu.

Kutuhuka 38:1

Yasonga chilumbilo cha mutondo akasia cha kwochela milambu. Usuhwe ni unene wacho ngeseko yimuwika, metro jaali ni sentimetro 20, chizundamo chacho metro yimuwika ni sentimetro 30.

Izaya 1:11

Kanambe ngwenyi: “Nunanyongo ngwenu, yami ngunazange milambu yenu yeswe yize nwakulambula, nyi? Hijanguhwa ni milambu yenu ya makuji a panga a kwocha ni maji a yimuna yikwo ya kutunguna. Hijanguhwa ni manyinga a makuji a ngombe ni pembe.

Ezekiel 20:40

Muze mu chifuchi, ha mulundu wami wa chijila ha mulundu usuku wa Israele, kwenako yenu Aisraele eswe munukanguwayila. Mungukawahilila ni yenu, mungukasa ko mbunge ngwami, munukangulambula yawana yenu yibema yahiana, ni yawana yenu ya chijila.

Ezekiel 40:39

Mu chibatulo chize chinene yimubwa mesa jiwana, jaali sali jaali sali. Ha mesa jize te he akushihila yimuna ya milambu ya kwocha, hanji ya milonga, hanji ya kuhilwisa ni kuwezela.

Alevi 1:10

Nyi mutu makalambula umwe wa ku yimuna yenyi, panga hanji pembe, chatamba kubwa shina kuji yoze keshi kapalia.

Alevi 14:10

Ha tangwa lia muchinake akatwala makuji aali a panga ni chihwo a mwaka umuwika, keeshi kapalia, ni kilo jitatu ja wunga wakuchinga ni maji a olive, ni makumi atatu a sentilitro a maji a olive.

Alevi 16:7

Akatwala nawa makuji a pembe aali ku chikolo cha zuwo lia Zambi lia makubu.

Alevi 17:8

Nyi umwe Kaisraele hanji chilambala yoze watwama mukachi kenu malambula mulambu wa kwocha, hanji weswe mulambu

Alevi 17:9

kuli Mwene Zambi, kuma kweka hi ku chikolo cha zuwo lia Zambi ko, kuchatambile kumwalula nawa mukachi ka atu ja Zambi.

Alevi 23:12

Ha tangwa lize munukahungisa mulambu wa mbuto chatamba kulambula kuli Mwene Zambi mwana panga wa kuji wa mwaka umuwika, yoze keshi kapalia. Kuuli mulambu wa kwocha.

Alevi 23:18

Akwa Chikungulwila akalambula mbolo ni mapanga shimbiali a mwaka umuwika, ni chimbembe wa kuji umuwika, ni makuji a pembe aali, waze keeshi kapalia. Akaalambula kuli Mwene Zambi hamwe ni mulambu wa mbuto ni wa vinyu. Kuuli mulambu wa kwocha, lupembo wawo kakuwahila kuli Mwene Zambi.

Alevi 3:1

Muze umwe makalambula ngombe wa mulambu wa kulivwa ni Zambi, akabwa kuji hanji chihwo yoze keshi kapalia.

Alevi 4:15

Makulwana ja Chikungulwila akasa moko jo ha mutwe wa ngombe, ni kumushiha.

Alevi 4:23

mba haamulweza we mulonga, mwe mukwa kuyula akaneha mulambu wa kuji a pembe yoze keshi kapalia ha kumulambula.

Alevi 4:3

Nyi mwe mwata wa mahako ja Zambi havulumuna nikuneha chitela hali atu, chamutamba kuneha chimbembe wa kuji a ngombe, yoze keshi kapalia, ni kumulambula kuli Mwene Zambi ha mulonga wenyi.

Alevi 4:32

Nyi mutu makaneha mwana panga wa mulambu wa milonga, akabwa chihwo yoze keshi kapalia.

Alevi 5:15

Nyi umwe mutu havulumuna ha kuhona kulambula yuma yimwe ya chijila, akanehena Mwene Zambi mulambu wa kuhilwisa ni kuwezela, kuji a panga hanji pembe yoze keshi kapalia. Atu maakalulika ndando ya che chimuna nikulita ni lumbongo yoze eswe akutayiza.

Alevi 5:18

Chamutamba kuneha kuli hako mulambu wa kuhilwisa ni kuwezela, kuji a panga hanji pembe yoze keshi kapalia. Atu maakalulika ndando ya che chimuna nikulita ni lumbongo yoze eswe akutayiza. Hako akalambula mulambu wa mulonga wa mutu yoze, mba Zambi makamukonekena.

Alevi 6:2

Nyi mutu havulumuna Mwene Zambi, halituna kuhilwisa chifungo kuli mwenyembo wenyi, hanji kumwiya Chuma, hanji kumwiya ni mana,

Alevi 6:8

Mwene Zambi yambila Mose

Alevi 7:16

Nyi mutu makaneha mulambu wa kulivwa ni Zambi ha kumanununa chimwe chilakenyo hanji mulambu wa kuzanga chenyi, hi Chuma ko nyi kuyahwile kulia ha tangwa lize ayilambula, alioze yize yasala mahasa kuyilia chibwe hamene.

Alevi 8:18

Mba Mose yanda kuji a panga mumu ha mulambu wa kwocha, Arone ni ana jenyi a malunga yaasa moko jo ha mutwe wenyi,

Alevi 9:2

Yambila Arone ngwenyi: “Anda chimbembe wa kuji umuwika ni kuji a panga umuwika, waze keeshi kapalia, waalambule kuli Mwene Zambi, chimbembe mumu ha mulambu wa milonga, ni panga mumu ha mulambu wa kwocha.

Zakaria 13:7

Mwene Zambi Mukwa Ndundo Jeswe kanambe ngwenyi: “Mukwale katuka, limike ni kafunga yoze wakungulingila milimo! Mushihe, mba mapanga maamwangana. Mungukalimika ni atu jami,

Malaki 1:14

Ngwami, Shingo likwate yoze wakweseka kungulambula yimuna yamokomoko muze te ali ni yimuna yibema mu chendo chenyi! Mumu nguli mwanangana munene, atu a ku mavungu eswe kaakunguvwila woma.”

Kwalula 15:3

Munukahasa kulambula kuli Mwene Zambi ngombe, hanji panga, chibwe pembe, mulambu wa kwocha, hanji mulambu wa chilakenyo, chibwe mulambu wa kuzanga chenu, mu yiwanyino yenu. Lupembo mubema wa ku milambu yino ya yakulia kakuwahila kuli Mwene Zambi.

Kwalula 15:8

Muze makalambula kuji a ngombe kuli Mwene Zambi mulambu wa kwocha hanji mulambu wa kumanununa nawo chilakenyo, hanji mulambu wa kulivwa ni Zambi,

Kwalula 19:2

ha kwaha Aisraele Shimbi jino, ngwenyi: “Anehe chimbembe wa chihwo muchila yoze keshi kapalia, yoze kanda alinga nenyi milimo,

Kwalula 23:19

Zambi keshi ngwe atu waze akuhanjika mahuza; keshi ngwe mwana mutu yoze wakwalumiona mbunge yenyi. Cheswacho halakenya kumachilinga, chize mahanjika muchilingiwa.

Kwalula 23:27

Balake ngwenyi: “Tatuye, ngukutwale sali likwo. Hanji Zambi matayiza kama kungushingiloo.”

Kwalula 23:3

Balame yambila Balake ngwenyi: “Mana hano hehi ni mulambu we wakwocha, shimbu yami ngunayi ni kutala hanji Mwene Zambi matayiza kulitakana ni yami nyi ka. Mba mungukwambulwila yeswe yize mangulweza.” Chenacho ayile ukawenyi ha mulundu,

Kwalula 23:30

Balake yalinga ngwe chize amwambile, yalambula kuji a ngombe ni a panga ha chilumbilo ni chilumbilo.

Kwalula 28:11

Ha kubutuka cha kakweji mweswe nukalambula mulambu kuli Mwene Zambi: yimbembe aali a kuji, ni kuji a panga umuwika, ni makuji a panga shimbiali a mwaka umuwika, waze keeshi kapalia.

Kwalula 28:19

Nukalambula mulambu wa kwocha: yimbembe aali a kuji, ni makuji a panga shimbiali a mwaka umuwika waze keeshi kapalia; kuuli mulambu wa yakulia kuli Mwene Zambi.

Kwalula 28:31

Wezenu ho milambu yino ni mulambu wa vinyu ku milambu ya kwocha ni ya mbuto ya tangwa ha tangwa.

Kwalula 29:13

Ha tangwa litangu nukalambula mulambu wa yakulia kuli Mwene Zambi: yimbembe a kuji kumi ni atatu, ni makuji a panga aali, ni makuji a panga kumi ni awana a mwaka umuwika, waze keeshi kapalia. Mulambu uno kuuli wa lupembo mubema yoze unawahila kuli Mwene Zambi.

Kwalula 29:2

Nukalambula mulambu wa kwocha kuli Mwene Zambi: chimbembe wa kuji umuwika, ni kuji a panga umuwika, ni makuji a panga shimbiali a mwaka umuwika, waze keeshi kapalia; kuuli mulambu wa lupembo mubema yoze wakumuwahila.

Luka 1:35

Kanganda ngwenyi: “Mwiku wa Linanga muukuhulumukina, ndundo ja Zambi, Mukwa Mwilu Mwahiana, mujikuzulamina ngwe chizulie. Kashika, mwana yoze munangi maakamuvuluka ngwo, mwe Mwana Zambi.

Yoano 1:36

Yamona Yesu kanabalika, yamba ngwenyi: “Talenu mwe Mwana Panga wa Zambi!”

Yoano 10:7

Kashika Yesu yaamba nawa ngwenyi: “Chamwenemwene ngunanwambulwila ngwami, yami nguli chikolo cha tanga lia mapanga.

Yoano 10:9

Che chikolo cha tanga yami. Yoze manjila kuli yami, mamulamwina. Neye manjila ni matuhuka, mawana yakulia yenyi.

2 Korintu 8:12

Mumu, nyi mutu mazanga kuhana chawana, Zambi matayiza chawana chenyi nikulita ni chize ali nacho, hi nikulita ko ni chize keshi nacho.

2 Korintu 9:7

Mutu mweswe akahane chize hanyonga kuhana, alioze hi ni chinyengo ko hanji mumu akwo kaanamushinjika. Mumu Zambi kakuzanga mutu yoze wakuhana ni uwahililo.

Efesu 2:18

Ku tachi ja Kristu yetu eswe, Ayuda ni waze hi Ayuda ko, tunahase kukundama ku meso ja Tata mu kulinunga ni Mwiku wa Linanga uzewene umuwika.

Efesu 5:27

Mumu yazanga kulikunjika Chikungulwila iye mwene mu uhenya wacho weswe, chibema, kuchishi kapalia, kuchishi chibeka hanji mukanya, hanji Chuma chikwo chalifwa ni yino.

Shimbi 12:27

Lambwilenu henaho milambu ya kwocha ha chilumbilo cha Mwene Zambi. Lambulenu nawa milambu yenu ya yifwo yize nunali ni kumwangina manyinga ha chilumbilo.

Shimbi 15:21

Alioze nyi ngwe yimwe yimuna yili ni kapalia, yitonji hanji afwa meso hanji mweswe kapalia, kuchatambile kumulambula mulambu kuli Mwene Zambi, Zambi yenu.

Shimbi 17:1

“Kanda nulambula kuli Mwene Zambi, Zambi yenu, ngombe hanji panga waze ali ni tupalia. Mwene Zambi kakuchivutwokela.

Hebreu 7:26

Yesu kanatela kubwa mwata wa mahako. Kali munangi, keshi chibeka nichimwe, keshi shili. Zambi hanamuhandununa kuli yivulumunyi, hanamuzundula helu lia lilu.

Hebreu 9:14

Nyi chili Chenacho, manyinga a Kristu kaanahiana tachi! Ku tachi ja Mwiku wa miaka yeswe hanalikunjika kuli Zambi ngwe mulambu ungunu. Manyinga jenyi mabemesa mbunge jetu ku yitanga yamokomoko, hanga tukahase kvumbika Zambi ya mwono.