Alevi 1:10 - Mukanda Wa Zambi 1970

¹⁰ Nyi mutu makalambula umwe wa ku yimuna yenyi, panga hanji pembe, chatamba kubwa shina kuji yoze keshi kapalia.

MUKANDA USANDU WA ZAMBI 1975

¹⁰ Nyi mulambu wenyi muupwa wa ku limba, hanji panga hanji pembe, akapwe mulambu wa kulumba, akatambule kuji keshi chipa.

Alevi 1:10 Iomraidhean Croise

Ubutukilo 4:4

Abele neye yanda mwana mutangu wa umwe panga wa ku chendo chenyi, yamushiha, yanda yifwo yibema yahiana ni e maji jayo, yayilambula. Mwene Zambi yatayiza Abele ni mulambu wenyi,

Ubutukilo 8:20

Hohene Noa yatunga chilumbilo cha Mwene Zambi. Tushitu ni tujila waze atela kulambula, yanda umuwika umuwika, yoocha ha chilumbilo, yaawema bwililii.

Kutuhuka 12:5

Chimuna chize maakalia kuchatambile kubwa ni kapalia. Chatamba kubwa kuji yoze habwa ni mwaka umuwika. Munuhasa kutongola panga hanji pembe.

Ezekiel 43:22

Ha tangwa lia muchaali Ukanda kuji a pembe yoze keshi kapalia ukamulambula mulambu wa shili. Ukabemesa chilumbilo ni manyinga jenyi ngwe chize walingile ni chimbembe.

Alevi 14:10

Ha tangwa lia muchinake akatwala makuji aali a panga ni chihwo a mwaka umuwika, keeshi kapalia, ni kilo jitatu ja wunga wakuchinga ni maji a olive, ni makumi atatu a sentilitro a maji a olive.

Alevi 16:3

Muze makanjila muma mwa chijila kuhiana, akambata chimbembe wa kuji mumu ha mulambu wa milonga, ni kuji a panga mumu ha mulambu wa kwocha.”

Alevi 16:5

Chikungulwila cha Aisraele akamwaha Arone makuji a pembe aali mumu ha mulambu wa milonga ni kuji a panga mumu ha mulambu wa kwocha.

Alevi 22:19

Ha kuchitayiza chatamba kubwa kuji yoze keshi kapalia.

Alevi 23:12

Ha tangwa lize munukahungisa mulambu wa mbuto chatamba kulambula kuli Mwene Zambi mwana panga wa kuji wa mwaka umuwika, yoze keshi kapalia. Kuuli mulambu wa kwocha.

Alevi 3:1

Muze umwe makalambula ngombe wa mulambu wa kulivwa ni Zambi, akabwa kuji hanji chihwo yoze keshi kapalia.

Alevi 4:23

mba haamulweza we mulonga, mwe mukwa kuyula akaneha mulambu wa kuji a pembe yoze keshi kapalia ha kumulambula.

Alevi 4:3

Nyi mwe mwata wa mahako ja Zambi havulumuna nikuneha chitela hali atu, chamutamba kuneha chimbembe wa kuji a ngombe, yoze keshi kapalia, ni kumulambula kuli Mwene Zambi ha mulonga wenyi.

Alevi 5:15

Nyi umwe mutu havulumuna ha kuhona kulambula yuma yimwe ya chijila, akanehena Mwene Zambi mulambu wa kuhilwisa ni kuwezela, kuji a panga hanji pembe yoze keshi kapalia. Atu maakalulika ndando ya che chimuna nikulita ni lumbongo yoze eswe akutayiza.

Alevi 9:2

Yambila Arone ngwenyi: “Anda chimbembe wa kuji umuwika ni kuji a panga umuwika, waze keeshi kapalia, waalambule kuli Mwene Zambi, chimbembe mumu ha mulambu wa milonga, ni panga mumu ha mulambu wa kwocha.

Malaki 1:14

Ngwami, Shingo likwate yoze wakweseka kungulambula yimuna yamokomoko muze te ali ni yimuna yibema mu chendo chenyi! Mumu nguli mwanangana munene, atu a ku mavungu eswe kaakunguvwila woma.”

Kwalula 19:2

ha kwaha Aisraele Shimbi jino, ngwenyi: “Anehe chimbembe wa chihwo muchila yoze keshi kapalia, yoze kanda alinga nenyi milimo,

Kwalula 6:14

akatwala ku meso ja Mwene Zambi yimuna yitatu yize kuyishi kapalia, kuji a panga wa mwaka umuwika ha mulambu wa kwocha, ni chihwo wa panga wa mwaka umuwika ha mulambu wa milonga, ni kuji a panga ha mulambu wa kulivwa ni Zambi.

Yoano 1:29

Muze hikwacha, Yoano yamona Yesu kaneza kuli iye. Yamba ngwenyi: “Talenu mwe Mwana Panga wa Zambi yoze unachiza shili ya akwa hashi.

1 Petulu 1:19

Alioze yanukula ni ndando yahiana, e manyinga a Kristu, ngwe mwana panga yoze keshi kapalia chibwe chibeka.