1 Samuel 7:9 - Mukanda Wa Zambi 1970

⁹ Mba Samuel yanda mwana panga, yoze te machamwa, yamushiha, yamulambula mulambu wa kwocha. Neye yawema mweswe upu ku meso ja Mwene Zambi. Hohene yahakwila Aisraele, Mwene Zambi yamwivwa.

MUKANDA USANDU WA ZAMBI 1975

⁹ Kashika Samuel yanda mwanapanga machamwa yamulambula akapwe mulambu wa kulumba wa muwundu kuli Yehova. Samuel yahakwila A-Izalele kuli Yehova mba Yehova yamukumbulula.

1 Samuel 7:9 Iomraidhean Croise

Miaso (Masamu) 50:15

Ngutambikenu ha tangwa lia lamba; mungunupulula, mba mununguchichimieka.”

Miaso (Masamu) 99:6

Mose ni Arone yaabwa mahako jenyi, Samuel neye yabwa umuwika wa kuli waze akumuwayila, yaatambieka Mwene Zambi, neye yaakumbujola.

Jeremia 15:1

Mba Mwene Zambi yangwamba ngwenyi: “Chibwe Mose hanji Samuel amane ku meso jami ni kungulembejeka, hindu atu wano chichi kweevwila keke. Akatwise ku meso jami, aye kwo.

Shimbi 9:26

Yingulemba ngwami: ‘Mwene Zambi, kanda unongesa atu je, atu waze walamwinyine ni watuhwishile mu Egiptu ni ndundo je jahiana.

Tiangu (Jake) 5:16

Kashika lishikishilenu milonga yenu, lilembelenu, hanga nuhinduke. Kuliumba cha mukwa ululi tachi jinji chikwete.

Akwa Kuyula 6:26

Utungile Mwene Zambi ye chilumbilo chibema homa hano hakolo. Mba muwanda ngombe, umwoche mweswe wa muundu, ubwe mulambu wa kwocha. Uwoche ha kunyi ja miyombo yize mubatwola.”

Akwa Kuyula 6:28

Muze akwa limbo haahinduka chichamene, yaamona chilumbilo cha Bale haachibuzula, ni miyombo ya Ashera haayibatwola, ni kuji a ngombe wa muchaali hamwocha ha chilumbilo chize te hasalakanyisa ho.

1 Samuel 10:8

Ungutetekela ndoo ku limbo lia Gilgale. Mungukakuwana ko. Mba mungukalambula milambu ya kwocha ni ya kulivwa ni Zambi. Ungutwaminyine ko matangwa shimbiali ndoo mungukeza, hanga ngukakulweze chize muukalinga.”

1 Samuel 12:17

Ngwami, haliabwila tuli mu lushiho, nyi kuchi? Alioze mungulemba Mwene Zambi hanga atume kukulunguza ni vula. Muze machilinga, mununyingika ngwenu, nwavulumuna Mwene Zambi kuhiana muze hinweta mwanangana.”

1 Samuel 16:2

Samuel yakumbulula ngwenyi: “Ngwe kuchi ngunahase kuya ko? Nyi Saulu wachivwa, mangushiha!” Mwene Zambi ngwenyi: “Yako ni chimbembe wa chihwo, muwamba ngwe: ‘Ngunayi ni kulambula mulambu kuli Mwene Zambi.’

1 Samuel 2:35

Mungukatongola umwe hako weka, mukwa kushishika, yoze makalinga yeswe yize yinalite ni manyonga jami. Mungukalongesa akwa jiko lienyi, no maakalingila mwanangana yoze natongwele ku miaka yeswe.

1 Samuel 7:17

Mba yahilwoka ku mahienyi ku Rama. Kwenako te akuyula nawa. Yatunga ko chilumbilo cha Mwene Zambi.

1 Samuel 9:12

No yaakumbulula ngwo: “Ewa, kulutwe ali. Tambukenu ko, muze mununjila mu limbo munumumona. Musono lume lie aheta mu limbo, mumu atu maalambula mulambu ha chilumbilo ha mulundu. Atu waze alakenyene keechi kubutuka kulia ndoo meza, mumu iye chamutamba kuwahisa mulambu hatangu. Nyi munutambuka ko munumumona muze kanda achikanduka ni kulia.”