1 Samuel 7:3 - Mukanda Wa Zambi 1970

³ Samuel yambila Aisraele ngwenyi: “Nyi munuhiluka kuli Mwene Zambi ni mbunge jenu jeswe, chizenu mazambi eswe a yilambala hakachi kenu, ni mahamba ja zambi wa pwo Astarte. Likunjikenu liakulu kuli Mwene Zambi ni kumulingila iye wika. Mba makanulamwina ku moko ja Afilistia.”

MUKANDA USANDU WA ZAMBI 1975

³ Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.

1 Samuel 7:3 Iomraidhean Croise

Ubutukilo 35:2

Mba Yakoba yambila akwa zuwo lienyi ni waze eswe abwile hamwe nenyi ngwenyi: “Mbilenu mahamba a yilambala waze nuli no hakachi kenu, chizenu manyonga eswe abi a mu mbunge jenu, nuzale mahina aha.

1 Yitanga Ya Mianangana 11:33

Munguchilinga mumu Solomone hanangwehuka, ni kuwayila mazambi a yilambala: Astarte, zambi wa pwo wa akwa limbo lia Sidone, ni Chemoshe, zambi wa pwo wa Amoabe, ni Milkome, zambi ya Aamone. Solomone kakawileko jila yize namulwezele, kalingile ko nikulita ni Shimbi jami ni upatwilo uze namuhele, ngwe chize alingile tato David.

1 Yitanga Ya Mianangana 8:48

Nyi ngwe mu chifuchi chize maakalumuka ku mbunge ni kulemba kuli yena, nyi maakatalikisa ku chifuchi chino wahele tushakulu twetu ni ku limbo lino hiunatongola ni ku zuwo lino hinakutungila,

1 MIANANGANA 17:39

Lemesenu yami Mwene Zambi, Zambi yenu, mba mungunulamwina kuli akwa kole jenu.”

1 MIANANGANA 23:15

Josia yabuzula chilumbilo ha mulundu haze te akuwayila mazambi eka, ku Betele, chize atungile mwanangana Jeroboame mwana wa Nebate, yoze wavulumwishine Aisraele. Josia yabuzula chilumbilo, yachifwenya, yocha nawa mwe hamba Ashera.

1 Sango Ja Mianangana 22:19

Haliabwila hilingilenu Mwene Zambi. Zambi yenu, ni mbunge jenu jeswe ni tachi jenu jeswe. Butulenu kutunga zuwo lia Zambi, hanga nusemo mushete wa Usendo wa Mwene Zambi ni yuma yeswe yikwo ya chijila yize twakulinga nayo ni kumuwayila.”

1 Sango Ja Mianangana 28:9

Hohene mwanangana yambila Solomone ngwenyi: “Mwanami, ngunakwambe ngwami, tayiza Zambi ya yami tatenu, mulingile ni mbunge yimuwika ni manyonga je eswe, mumu Mwene Zambi kakuhengula mu mbunge jeswe ni kakunyingika manyonga eswe. Nyi ngwe muumufupa, muumuwana. Alioze nyi walituna ye, neye kumakwehuka ndoo ku miaka yeswe.

2 Sango Ja Mianangana 19:3

Chibwe chocho, yimwe yuma yize walinga yinabeme. Mumu hiunachiza tuponya eswe a zambi wa pwo Ashera waze te atu akuwayila, ni hiuneseka kulinga upale wa Zambi.”

2 Sango Ja Mianangana 20:33

alioze kabuzwile ko yilumbilo ha milundu haze te atu akuwayila mazambi eka. Atu kaatayijile ko kuwayila Zambi ya tushakulu two ni mbunge jo jeswe.

2 Sango Ja Mianangana 30:19

“Aa Mwene Zambi, Zambi ya tushakulu twetu, konekena kama atu eswe waze anakuwayila ni mbunge yeswe, chibwe kanda achilibemesa.”

Yishima 16:1

Mutu kakushinginyeka, alioze Mwene Zambi kali ni maliji akusula.

Izaya 55:7

Yingulungulu ehuke ndako jo jibi, alumune mbunge jo. Atewulukile kuli Mwene Zambi, Zambi yetu; mumu kali mukwa keke, kakukonekena nikawashi.

Jeremia 24:7

Mungukapwisa ni zango lia kungunyingika yami Mwene Zambi. No maabwa atu jami, ni yami mungubwa Zambi yo, mumu maatewulukila kuli yami ni mbunge jo jeswe.

Jeremia 36:3

Tangwa likwo muze Ayuda meevwa yeswe yize hingunanyongo kulinga hali ayo, maalumuna ndako jo jibi. Mba mungwakonekena ungulungulu wo ni milonga yo.”

Jeremia 4:1

Mwene Zambi kanambe ngwenyi: “Yenu Aisraele, nyi nunazange kwalumuna, alumukenu nuhiluke kuli yami. Nyi nwambila mahamba waze nakuvutwokela ni kushachila hali yami,

Ezekiel 14:6

“Kashika haliabwila, lweza Aisraele yize yami Mwene Zambi ngunambe ngwami, atewuluke kuli yami, achize mahamba jo a yizelwokeso.

Ezekiel 18:31

Mbilenu ungulungulu weswe uze nwakulinga, nubwe ni manyonga aha ni mbunge jaha. Mumu yika yenu Aisraele nwakuzanga kufwa?

Hosea 14:1

Aa Aisraele, hilukenu kuli Mwene Zambi, Zambi yenu. Shili yenu yinanutalingisa ni kunulimbwisa.

Mateu 15:8

‘Atu wano kaakungulemesa ni makanwa jo, alioze mbunge jo jili kusuku ni yami.

Mateu 4:10

Yesu ngwenyi: “Katuka Sakwonga! Mumu hichinasonewa mu Mukanda wa Zambi ngwo: ‘Ukawayile Mwene Zambi ye, ukamulingile iye waka!’ ”

Mateu 6:24

“Mutu niumwe mahasa kulingila miata aali. Mumu mavutwokela umuwika ni mazanga mukwo, hanji malihana kuli umuwika ni malelesa mukwo. Kunwahashile kulingila eswe aali Zambi ni mbongo hamuwika.”

Luka 4:8

Yesu ngwenyi: “Hichinasonewa mu Mukanda wa Zambi ngwo: ‘Ukawayile Mwene Zambi ye, ukamulingile iye wika!’ ”

Yoano 4:24

Zambi kali Mwiku, ni waze akumuwayila chaatamba kumuwayila ni tachi ja Mwiku wa Linanga ni mu umwenemwene.”

Shimbi 10:20

Ononokenenu Mwene Zambi, Zambi yenu, muwayilenu iye wika. Bwenu akwa kushishika, lishingenu ni jina lienyi wika.

Shimbi 13:4

Kaulenu Mwene Zambi, muvwilenu woma. Ononokenu kuli iye ni kufunga Shimbi jenyi. Muwayilenu, bwenu akwa kushishika.

Shimbi 4:29

Kwenako munukafupa Mwene Zambi, Zambi yenu. Nyi ngwe munukamufupa ni mbunge jeswe, kachi munukamuwana.

Shimbi 6:13

Vwilenu Mwene Zambi, Zambi yenu, woma, muwayilenu iye wika, nulishinge ni jina lienyi wika.

Yoshua 13:31

Yichilitanda ku Chihanda cha Gileade, ni ku membo ja Ashtarote ni Edrei, membo anene a mu wanangana wa Oge mu Bashane. Yize yeswe yayihana ku Chihanda cha vungu lia Makire, mwana wa Manase, nikulita ni majiko jo.

Yoshua 24:14

Yoshua yaweza ho maliji ngwenyi: “Kashika, haliabwila lemesenu Mwene Zambi, numulingile ni mbunge yimuwika ya kushishika. Mbilenu mahamba waze te tushakulu twenu akukombelela mu yifuchi ya Mesopotamia ni Egiptu; lingilenu Mwene Zambi wika.

Yoshua 24:23

Yoshua ngwenyi: “Nyi Chenacho, mbilenu mazambi a yilambala waze ali mukachi kenu, hanga nuwayile Mwene Zambi, Zambi ya Aisraele.”

Akwa Kuyula 10:16

Chenacho Aisraele ehukile mazambi ja yilambala, yaawayila Mwene Zambi yo. Neye yevwa chinyengo mumu ha lamba lia Aisraele.

Akwa Kuyula 10:6

Aisraele yaavulumuna nawa Mwene Zambi, yaawayila mahamba Bale ni Astarte, ni mazambi ja Asiria, ni akwa Sidone, ni Amoabe, ni Aamone, ni Afilistia. Yeehuka Mwene Zambi yo, yaalitwantina kumuwayila.

Akwa Kuyula 2:11

Mba Aisraele yaavulumuna Mwene Zambi, yaabutuka kukombelela mahamba Bale.

Akwa Kuyula 2:13

Yeehuka kuwayila Mwene Zambi, yaakombelela Bale ni Astarte.

1 Samuel 31:10

Mba yaasa yitwa yenyi ya jita mu zuwo lia zambi yo wa pwo, Astarte. Yaahachila mujimba wa mwanangana Saulu ha chipanga cha limbo lia Bete Shane.