1 Samuel 7:16 - Mukanda Wa Zambi 1970

¹⁶ Mwaka ha mwaka yajingajinga ku membo ja Betele, ni Gilgale, ni Mizpa mu kuyula Aisraele.

MUKANDA USANDU WA ZAMBI 1975

¹⁶ Yajinga mwaka ha mwaka ku Mbetele, ni ku Ngilingali, ni ku Mizepa nikuyulila A-Izalele mu membo ano eswe.

1 Samuel 7:16 Iomraidhean Croise

Ubutukilo 28:19

Yaluka ho ngwenyi, Betele. (Alioze jina lia chihunda hatangu Luze.)

Ubutukilo 35:6

Yakoba ni atu jenyi eswe yaaheta ku limbo lia Luze (hanji Betele) mu chifuchi cha Kanana.

Miaso (Masamu) 75:2

Zambi kanambe ngwenyi: “Hinatongola tangwa lia kubatwila atu, mungwabatwila ni ululi.

Hosea 5:1

“Yenu mahako ja Zambi, banjikenu! Yenu Aisraele, ivwenu! Yenu akwa jiko lia wanangana, halakanenu! Yenu chatamba kubatula ni ululi, alioze eswe nuli ni uhiso! Hinwabwa muheto ku limbo lia Mizpa, ni Wanda wakuta ha mulundu wa Tabore,

Amose 5:5

Kanda nuya ku limbo lia Bersheba mu kuwayila. Kanda nweseka kungufupila ku limbo lia Betele, mumu muchikalumuka chamokomoko. Kanda nuya ku limbo lia Gilgale, mumu atu jamo maakaatwala mu undungo.”

Yoshua 18:26

ni Mizpa, ni Chefira, ni Moza,

Yoshua 5:10

Muze te Aisraele achili ha musumba mu chana cha Yeriku, yaalinga chiwanyino cha Kubalika chingoloshi ha tangwa kumi ni lia muchiwana lia kakweji.

Yoshua 5:9

Mwene Zambi yalweza Yoshua ngwenyi: “Musono mba hinanuchiza sau lize nwabwile nalio mu undungo mu Egiptu.” Kashika jina hako ndoo ni musono ngwo, Gilgale.

Akwa Kuyula 10:4

Yabwa ni ana a malunga makumi atatu, waze te akwenda ha yimbulu makumi atatu. No yaabwa ni membo makumi atatu mu chifuchi cha Gileade, waze te akuvulwoka ngwo, membo ja Jaire.

Akwa Kuyula 12:14

Yabwa ni ana a malunga makumi awana ni ajikulu makumi atatu a malunga, waze akwenda ha yimbulu makumi shimbiali. Abdone yayula Aisraele miaka nake,

Akwa Kuyula 5:10

Chambululenu, yenu nwakwenda ha yimbulu atoma, yenu nwakutwama ha makubu ni yenu waze nwakwendangana kweswako.

1 Samuel 10:17

Samuel yatambika Aisraele akunguluke ku meso ja Mwene Zambi mu limbo lia Mizpa,

1 Samuel 11:14

Samuel yambila atu ngwenyi: “Tuyenu ku limbo lia Gilgale, tukafumanyishine ko nawa mwanangana wetu Saulu.”

1 Samuel 7:5

Samuel yatuma liji kuli Aisraele eswe alikungulwile ku limbo lia Mizpa nikwamba ngwenyi: “Kwenako mungunulembela Zambi.”