1 Samuel 7:11 - Mukanda Wa Zambi 1970

¹¹ Aisraele yaakatuka ku Mizpa, yaahanga Afilistia ndoo ku mwanda wa Bete Kare ni kwashiha mu jila.

MUKANDA USANDU WA ZAMBI 1975

¹¹ Malunga a Izalele yakatuka ku Mizepa nikuhanga A-Filistea nikwalamba ndo ku mwanda wa Mbete-Kare.

1 Samuel 7:11 Iomraidhean Croise

1 Samuel 7:10

Shimbu te Samuel machocha mulambu, Afilistia yaalundumuka mu kwasa jita ni Aisraele. Alioze shimbu lizeliene Mwene Zambi yakulunguza kwilu hali Afilistia; no yaasuswamiana lume, yaachina Aisraele.

1 Samuel 7:12

Henaho Samuel yanda liwe, yalimika hakachi ka Mizpa ni Shene, yaliluka jina ngwenyi: Ebenezere, ni kwamba ngwenyi: “Mwene Zambi hatukwasa ndoo ni musono.”

Yoshua 10:10

Mwene Zambi yeevwisa Aamore woma kuhiana ku meso ja tujita twa Aisraele. Aisraele yaakumba ku Gibeone, yaahanga ndoo ku jila hakachi ka milundu ku Bete Horone, yaahanga nawa ku sude ndoo ku membo ja Azeka ni Makeda.