1 Samuel 7:10 - Mukanda Wa Zambi 1970

¹⁰ Shimbu te Samuel machocha mulambu, Afilistia yaalundumuka mu kwasa jita ni Aisraele. Alioze shimbu lizeliene Mwene Zambi yakulunguza kwilu hali Afilistia; no yaasuswamiana lume, yaachina Aisraele.

MUKANDA USANDU WA ZAMBI 1975

¹⁰ Shimbu Samuel machilambula mulambu wa kulumba A-Filistea akundamine mukwasa jita ni A-Izalele. Alioze Yehova yakulunguza tangwa lize ni liji linene hali A-Filistea, yaakumba, yaalamba chikolo kuli A-Izalele.

1 Samuel 7:10 Iomraidhean Croise

Miaso (Masamu) 18:15

Ha mashima ja kalunga lwiji yihasoloka, fundamentu ja hashi yijifukuka, muze yena Mwene Zambi wabajilile akwa kole je, muze waafujile mwiku wa mu mazulu je.

Miaso (Masamu) 29:3

Liji lia Mwene Zambi linahiohio ha kalunga lwiji, Zambi ya uhenya kanakulunguza, Liji lienyi linahiohio ha kalunga lwiji munene.

Miaso (Masamu) 29:4

Liji lia Mwene Zambi linahiohio ni ndundo jalio ni uhenya walio.

Miaso (Masamu) 78:66

Yahuma akwa kole jenyi, yaamwesa sonyi jinji.

Zakaria 4:6

Kanganda ka mwilu yangwaha maliji wano a kuli Mwene Zambi ha kulweza Zerubabele ngwenyi: “Kumuukumba, alioze hi ku tachi ja tujita ko, hanji ja yena mwene, alioze ku tachi ja mwiku wami.

Shimbi 28:7

“Mwene Zambi makakumba akwa kole jenu waze ananukatukila. Maakanuseleka sali limwe, alioze maakachinyina kuli yenu sali lieswe.

Yoshua 10:10

Mwene Zambi yeevwisa Aamore woma kuhiana ku meso ja tujita twa Aisraele. Aisraele yaakumba ku Gibeone, yaahanga ndoo ku jila hakachi ka milundu ku Bete Horone, yaahanga nawa ku sude ndoo ku membo ja Azeka ni Makeda.

Akwa Kuyula 4:15

Muze Barake ni mbunga yenyi hasa jita, Mwene Zambi yabinjisa Sisera ni tujita ni matemba jenyi eswe. Sisera yasunuka ha temba, yachina hashi.

Akwa Kuyula 5:20

Matongonoshi kwilu yaasa jita; muze te anabalika kwilu, yaasa jita ni Sisera.

Akwa Kuyula 5:8

Muze Aisraele atongwele mazambi aha, mu chifuchi yimubwa jita. Mukachi ka tujita 40,000, yaawana mo kama umwe unambata lukebwe hanji kunga, nyi?

1 Samuel 12:17

Ngwami, haliabwila tuli mu lushiho, nyi kuchi? Alioze mungulemba Mwene Zambi hanga atume kukulunguza ni vula. Muze machilinga, mununyingika ngwenu, nwavulumuna Mwene Zambi kuhiana muze hinweta mwanangana.”

1 Samuel 14:15

Afilistia eswe yeevwa mwongo, chibwe tujita ni akwa kububa yaachikima ni woma, hashi yihanyika, atu yaasuswamiana chikolo.

1 Samuel 2:10

Mwene Zambi makabatwola yipinji akwa kole jenyi, makalimika no ni kukulunguza mwilu. Mwene Zambi makabatwila akwa hashi eswe; makahana tachi kuli mwanangana wenyi, makakwasa mwanangana yoze hatongola kukumba.”

1 Samuel 7:11

Aisraele yaakatuka ku Mizpa, yaahanga Afilistia ndoo ku mwanda wa Bete Kare ni kwashiha mu jila.