1 Samuel 1:3 - Mukanda Wa Zambi 1970

³ Mwe Elkana te kakukatuka ku Rama mwaka ha mwaka ni kuwayila Mwene Zambi Mukwa Ndundo Jeswe ku limbo lia Shilo, ni kumulamba milambu. Kwenako te kwatwama ana ja Eli aali a malunga, Hofni ni Finehase mahako ja Mwene Zambi.

MUKANDA USANDU WA ZAMBI 1975

³ Mwe lunga mwaka ha mwaka wakatukile ku chihunda chenyi nikuya mukuwayila Yehova-wa-Tujita nikumulambula yitapo ku Shilo kuze kwatwamine e ana aali a Eli, Hofni ni Finehase, asasendote ja Yehova.

1 Samuel 1:3 Iomraidhean Croise

Miaso (Masamu) 78:60

Yehuka zuwo lienyi lia makubu kuze ku Shilo, mu zuwo lize te akutwama mukachi ka Aisraele.

Kutuhuka 23:14

“Mwaka ha mwaka Chakutamba kulinga yiwanyino yitatu ha kungulemesa.

Kutuhuka 23:17

Malunga eswe chaatamba kwiza ku meso ja yami Mwene Zambi, Zambi ye, yisuho yitatu mwaka ha mwaka, ha kunguwayila.

Kutuhuka 34:23

“Malunga eswe chaatamba kwiza ku meso ja yami, Mwene Zambi ya Aisraele, yisuho yitatu mwaka ha mwaka ha kunguwayila.

Luka 2:41

Yisemi ja Yesu te kaakuya mwaka ha mwaka ku Yerusaleme ha Chiwanyino cha Kubalika.

Shimbi 16:16

“Malunga eswe a ku mavungu jenu chaatamba kwiza yisuho yitatu ha mwaka ni mwaka homa ha kuwayila: ha chiwanyino cha Kubalika, ni ha chiwanyino cha Kubatula Mbuto, ni ha chiwanyino cha Yikulika. Lunga mweswe akaneha chawana,

Yoshua 18:1

Muze te haakumba chifuchi, Chikungulwila cheswe cha Aisraele yaalikungulula ku limbo lia Shilo, yaajika ko zuwo lia Zambi lia makubu

Akwa Kuyula 18:31

Ha shimbu lize heswe Aisraele akwo te kakuwayila mu zuwo lia Zambi lia makubu ku Shilo, Adane te kaakukombelela hamba wa Mika.

Akwa Kuyula 21:19

Mba yaamba ngwo: “Mwaka ha mwaka twakubwa ni chiwanyino ku Shilo, hichabwa kulu hakamwihi.” (Shilo kali ku norde ya Betele, ku sude ya Lebona, ni ku chivumbuko cha jila hakachi ka Betele ni Shekeme.)

1 Samuel 1:21

Tangwa yiliheta nawa hanga Elkana ni akwa jiko lienyi aye ku Shilo ni kulambula Mwene Zambi milambu ya mwaka ha mwaka, ni milambu ya chilakenyo.

1 Samuel 1:9

Limwe tangwa muze haalia mu zuwo lia Mwene Zambi ku Shilo, Hana yakatuka, yevwa chinyengo chinji, yalila muze te analembe Mwene Zambi. Hako Eli te kanatwama ha chitwamo ku chikolo.

1 Samuel 14:3

(Hako yoze wakuzala chikuto chihi cha uhako, te Ahija, mwana wa Ahitube, yayo ya Ikabode, mwana wa Finehase, mujikulu wa Eli, mwe hako wa Mwene Zambi ku limbo lia Shilo.) Malunga te kaanyingikine ngwo, Jonatane haya.

1 Samuel 2:19

Chikwo nawa, naye te kakumutongela kachikuto kabema ni kumutwalila ko muze te akuya ni lunga lienyi mu kulambula mulambu wa mwaka ha mwaka.

1 Samuel 2:34

Chino muchikabwa chilayi che ngwami, ana je aali a malunga, Hofni ni Finehase, maakafwa eswe aali tangwa limuwika.

1 Samuel 3:13

Hinamulweza kulu ngwami, kumungukabatwila jiko lienyi ndoo ku miaka yeswe, mumu ana jenyi a malunga abwile ni kungushililika. Eli yachinyingika alioze kaakanjishile ko.

1 Samuel 4:11

Mushete wa Usendo Afilistia yaautambula, yashiha nawa Hofni ni Finehase, ana aali a Eli.

1 Samuel 4:4

Kashika yaatuma tunganda ku Shilo. No yaaneha mushete wa Usendo wa Mwene Zambi Mukwa Ndundo Jeswe, yoze watwama mukachi ka akwa mwono a mwilu. Ana ja Eli a malunga aali, Hofni ni Finehase, yeeza ni mushete wa Usendo.