Tuteronomi 4:3 - Chuukese Bible

³ Iwe, ämi oua püsin küna mine ewe Samol mi Lapalap a föri me lon Paal-peor. Pun ewe Samol mi Lapalap ämi we Kot a arosala seni leimi ekewe mwän meinisin mi fel ngeni Paal seni Peor.

Tuteronomi 4:3 Iomraidhean Croise

Isikiel 20:18

Iwe, üa apasa ngeni nöür kewe lon ewe fanüapö: Ousap aleasochisi ekewe allük ämi kewe lewo ra föri, ousap tümwünü örünier kewe, ousap pwal alimengauakemi ren ar kewe uluulun anümwäl.

Osea 9:10

Iwe, ewe Samol mi Lapalap a üra, “Lupwen üa küna Israel me lom, a usun chök ai küna föün irän wain lon fanüapö. Lupwen üa küna ämi kewe lewo, a usun chök ai küna mwen uän ewe irä fik. Nge lupwen ra tori Paal-peor, ra popuetä le fel ngeni ewe anü Paal o wiliti och minen anioput usun chök ekewe anümwäl ra echeni.

Numperis 26:64

Nge lon ei iteit esap wor eman mwän me lein chokewe Moses me ewe souasor Aaron ra fen aleani, lupwen ra angei iteiten ekewe aramasen Israel lon ewe fanüapön Sinai.

Numperis 31:16

Ir chokewe mi chei än Palam aüraür ngeniir, pwal ir popun pwe ekewe aramasen Israel ra kul seni ewe Samol mi Lapalap ren ewe föför ra föri me lon Peor. Iei mine ewe mätter a tori än ewe Samol mi Lapalap mwichen aramas.

Tuteronomi 11:7

Iwe, oua püsin küna ren mesemi ekei föför mi manaman meinisin ewe Samol mi Lapalap a föri.”

Tuteronomi 4:4

Nge ämi mi nüküchar won ewe Samol mi Lapalap ämi we Kot, oua chüen manau tori ikenai.

Josua 22:17

Ifa usun, sisap mwo ker ren ewe tipis a fis me lon Peor, ewe tipis sisamwo limöch seni tori ikenai? Ifa usun, än ewe Samol mi Lapalap mwichen aramas esap fen feiengau ren mätter pokiten ewe tipis?