Tuteronomi 1:5 - Chuukese Bible

⁵ Iwe, lupwen ekewe aramas ra nom ötiuen ewe chanpupu Jortan lon ewe fanü Moap, Moses a popuetä le awewei ngeniir ei allük. Iwe, a apasa,

Tuteronomi 1:5 Iomraidhean Croise

Tuteronomi 1:4

Ei a fis mürin an akufu Sihon ewe kingen chon Amor mi nemenem lon Hespon, pwal Ok ewe kingen Pasan mi nemenem lon Astarot me Etrei.

Tuteronomi 1:6

“Ewe Samol mi Lapalap ach we Kot a kapas ngenikich me fäsonun ewe chuk Horep, ‘A naf fansoun ämi nonom ren ei chuk.

Tuteronomi 31:9

Iwe, Moses a makeelong ei allük lon eu puk o ngeni ekewe souasor seni ewe ainangen Lefi mi mwärei ewe pworun pwon än ewe Samol mi Lapalap, a pwal ngeni ekewe souakomwen chon Israel.

Tuteronomi 32:46

a pwal üreniir, “Oupwe iseis lon lelukemi ekei kapas meinisin üa pwäri ngenikemi ikenai, pwe oupwe tongeni eäniir allük ngeni nöümi, pwe pwal ir repwe tümwünüöchü le apwönüetä kapasen ei allük meinisin.

Tuteronomi 4:44

Iwe, ikkei ekewe allük Moses a ngeni ekewe aramasen Israel.

Tuteronomi 4:46

o nonom lon ewe lemol ötiuen ewe chanpupu Jortan sasape ngeni Pet-peor lon fanüen Sihon ewe kingen chon Amor mi nemenem lon Hespon. Iwe, Moses me ekewe aramasen Israel ra akufu Sihon, lupwen ra towu seni Isip.

Tuteronomi 4:8

Nge meni mwü mi watte a wor an allük me pwüüng mi fokun pwüngüöch, usun ekei allük meinisin üa aiti ngenikemi ikenai?”