Tuteronomi 1:11 - Chuukese Bible

¹¹ Amwo ewe Samol mi Lapalap än ämi kewe lewo we Kot epwe alapala iteitemi fän engeröü lap seni iteitemi iei. Iwe, epwe pwal afeiöchükemi usun a fen pwon ngenikemi.

Tuteronomi 1:11 Iomraidhean Croise

Keneses 15:5

Nge Kot a üreni Apram pwe epwe towu me lon imwan. Mürin a kapas ngeni, “Kopwe netä läng o aleani ekewe fü. Ifa usun, ka tongeni aleaniir? Iei usun mwirimwirum kana repwe chomong usun chomongun ekewe fü.”

Keneses 22:17

ngang üpwe fokun afeiöchuk, üpwe pwal achomongala mwirimwirum kana pwe repwe usun chök chomongun ekewe fün läng, pwal usun pien aroset. Iwe, mwirimwirum kana repwe nemeni fanüen ekewe chon oputeer.

Keneses 26:4

Ngang üpwe achomongala mwirimwirum kana pwe repwe usun chök chomongun fün läng, üpwe pwal ngeniir unusen ei fanü. Iwe, chon ekewe mwü meinisin won fanüfan repwe küna feiöch reöm,

Keneses 49:25

Än semom we Kot epwe alisuk, ewe Kot mi Unusen Manaman epwe afeiöchuk ren feiöch seni läng, pwal ren ewe feiöch seni fän pwül. Kopwe feiöch ren chomong man me chomong semirit.

2. Samuel 24:3

Nge Joap a üreni ewe king, “Amwo ewe Samol mi Lapalap om we Kot epwe awattela iteiten ekewe aramas fän ipükü seni me mwan, lupwen en ai samol me ai king ka chüen manau o küna. Pwota en ai samol ka pwapwaiti ei föför?”

1. Kronika 21:3

Nge Joap a üra, “Amwo ewe Samol mi Lapalap epwe awattela iteiten nöün aramas fän ipükü seni me mwan. Ai samol me ai king, ifa usun, sap ir meinisin noum chon angang? Pwota ka ekiekietä ei sokun? Pwota kopwe atoto tipis won Israel?”

Kölfel 115:14

Amwo ewe Samol mi Lapalap epwe achomongakemiila me mwirimwirimi kana.

Ekistos 32:13

Kopwe chechemeni noum kewe chon angang Apraham, Isaak, me Israel, pun ka pwon fän akapel ngeniir fän püsin itom o üreniir pwe kopwe achomongala mwirimwirir usun fün läng, kopwe pwal ngeni mwirimwirir unusen ewe fanü, pwe repwe fanüeni tori feilfeilachök usun ka fen pwon ngeniir.”

Isikiel 16:7

o märitä usun chök efoch irän lemäl.’ Iwe, ka mämäritä o wattela tori ka eman föpwül mi fokun liöch. Oupwum a fis, mökürom a pwal langatamala, nge ka fokun selela.

Numperis 22:12

Nge Kot a üreni Palam, “Kosap etiirela. Kosap anümamaua ekewe aramas, pun ir ra feiöch.”

Numperis 6:27

Iei usun repwe föüni itei won ekewe aramasen Israel, nge ngang üpwe afeiöchüür.”

Tuteronomi 1:10

Ewe Samol mi Lapalap ämi we Kot a achomongakemiila pwe ikenai oua chomong usun ekewe fün läng.

Tuteronomi 1:12

Ifa usun, epwe tufich ai üpwe akaleäman le mwärelong fän weiresin tümwünümi me choun ämi anini?

Tuteronomi 1:8

Nengeni, üa ngenikemi ewe fanü. Oupwe tolong o fanüeni ewe fanü ngang ewe Samol mi Lapalap üa pwon fän akapel pwe üpwe ngeni ämi kewe lewo Apraham, Isaak me Jakop, pwal ngeni mwirimwirir kana.’”

Tuteronomi 10:22

Iwe, lupwen ämi kewe lewo ra feila Isip, ra chök ükükün fik aramas. Nge ikenai ewe Samol mi Lapalap a achomongakemiila, pwe oua chomong usun chök ekewe füün läng.”

Tuteronomi 28:62

Ika mwo oua chomong usun fün läng, ämi mi chüen manau oupwe chök chokükünüla pokiten ousap aleasochisi alon ewe Samol mi Lapalap ämi we Kot.