Tuteronomi 1:10 - Chuukese Bible

¹⁰ Ewe Samol mi Lapalap ämi we Kot a achomongakemiila pwe ikenai oua chomong usun ekewe fün läng.

Tuteronomi 1:10 Iomraidhean Croise

Keneses 15:5

Nge Kot a üreni Apram pwe epwe towu me lon imwan. Mürin a kapas ngeni, “Kopwe netä läng o aleani ekewe fü. Ifa usun, ka tongeni aleaniir? Iei usun mwirimwirum kana repwe chomong usun chomongun ekewe fü.”

Keneses 22:17

ngang üpwe fokun afeiöchuk, üpwe pwal achomongala mwirimwirum kana pwe repwe usun chök chomongun ekewe fün läng, pwal usun pien aroset. Iwe, mwirimwirum kana repwe nemeni fanüen ekewe chon oputeer.

Keneses 28:14

Iwe, mwirimwirum repwe chomong usun chök pwülmoromoren fanü. Oupwe chonifetalei ewe fanü tori lotou me ötiu, pwal tori efeng me ör. Iwe, chon ekewe mwü meinisin won fanüfan repwe feiöch me reöm me mwirimwirum kana.

1. Kronika 27:23

Ewe king Tafit esap angei iteiten chokewe resamwo ier rüe, pun ewe Samol mi Lapalap a pwon pwe epwe achomongala chon Israel usun chomongun ekewe fün läng.

Nehemia 9:23

Ka achomonga mwirimwirir kewe pwe ra chomong usun chomongun ekewe fün läng, ka pwal emwenirelong lon ewe fanü, ka fen üreni ar kewe lewo pwe repwe tolong lon o fanüeni.

Kölfel 107:38

Kot a afeiöchü nöün aramas pwe ra chomongola. Esap pwal mwütätä pwe nöür pwiin kow repwe chokükünüla.

Ekistos 12:37

Iwe, ekewe aramasen Israel ra sai seni Rameses, pwe repwe sai ngeni Sukot. Iteiten ekewe mwän mi asai wonopükü ngeröü lükün fefin me semirit.

Ekistos 32:13

Kopwe chechemeni noum kewe chon angang Apraham, Isaak, me Israel, pun ka pwon fän akapel ngeniir fän püsin itom o üreniir pwe kopwe achomongala mwirimwirir usun fün läng, kopwe pwal ngeni mwirimwirir unusen ewe fanü, pwe repwe fanüeni tori feilfeilachök usun ka fen pwon ngeniir.”

Aisea 51:2

Oupwe nenengeni ämi we lewo Apraham, pwal Sara inelapemi we. Lupwen üa köri Apraham, esap wor nöün. Nge ngang üa afeiöchü pwe a wor nöün, üa pwal achomonga mwirimwirin kana.

Isikiel 16:7

o märitä usun chök efoch irän lemäl.’ Iwe, ka mämäritä o wattela tori ka eman föpwül mi fokun liöch. Oupwum a fis, mökürom a pwal langatamala, nge ka fokun selela.

Numperis 1:46

ükükün wonopükü ülüngatngeröü limepükü lime mwän.

Numperis 10:36

Nge iteiten fansoun lupwen ewe pworofel a asösö, Moses a apasa, “Äm Samol mi Lapalap, kopwe liwinto ren ekei ngeröüröün chon Israel.”

Tuteronomi 1:11

Amwo ewe Samol mi Lapalap än ämi kewe lewo we Kot epwe alapala iteitemi fän engeröü lap seni iteitemi iei. Iwe, epwe pwal afeiöchükemi usun a fen pwon ngenikemi.

Tuteronomi 10:22

Iwe, lupwen ämi kewe lewo ra feila Isip, ra chök ükükün fik aramas. Nge ikenai ewe Samol mi Lapalap a achomongakemiila, pwe oua chomong usun chök ekewe füün läng.”

Tuteronomi 26:5

Iwe, mürin kopwe apasa ekei kapas me fän mesen ewe Samol mi Lapalap om we Kot, ‘Ai we lewo eman re Aramea mi siamüfetal, a feila Isip me an mwich mi kükün o nonom ikenan. Iwe, ikenan a wiliti eu mwü mi watte o pöchökül pwal chocho.

Tuteronomi 28:62

Ika mwo oua chomong usun fün läng, ämi mi chüen manau oupwe chök chokükünüla pokiten ousap aleasochisi alon ewe Samol mi Lapalap ämi we Kot.

Tuteronomi 7:7

Ewe Samol mi Lapalap esap tongeekemi o afilikemi pokiten oua chomong seni ekewe ekoch mwichen aramas, pun oua chokisikis seni ekewe mwichen aramas meinisin.