Taniel 8:3 - Chuukese Bible

³ Nge lupwen üa nenetä, üa küna pwe eman ätemwänin sip a ütä ünükün ewe chanpupu. Iwe, a wor ruofoch mächän mi langatam, efoch a langatam seni efoch, nge ewe efoch mi langatam a pwükütä me mürin.

Taniel 8:3 Iomraidhean Croise

1. Kronika 21:16

Iwe, Tafit a anetai mesan o küna nöün ewe Samol mi Lapalap we chon läng pwe a ütä lefilen fanüfan me läng, nge a amwöchü lepöün efoch ketilas mi itila won Jerusalem. Mürin, Tafit me ekewe souakom mi üföüf üf seni tuk ra chapetiu lepwül.

Esra 1:2

“Iei aloi ngang Sirus ewe kingen Persia: Ewe Samol mi Lapalap, ewe Koten läng, a ngeniei ekewe mwün fanüfan meinisin. Iwe, a filiei pwe üpwe aüetä eu imwenfel fän itan me lon Jerusalem lon ewe fanü Juta.

Esra 4:5

Ra pwal ngeni ekoch meilapen ewe mwün Persia lifangen amichimich pwe repwe epetiir lon ar angang. Ei ra föri lon fansoun mwün Sirus, pwal tori fansoun mwün Tarius ekewe kingen Persia.

Ester 1:3

Iwe, lon aülüngatin ierin an nemenem a föri eu kametip fän iten nöün kewe samol me nöün kewe nöüwis meinisin. Iwe, ekewe samolun sounfiun Persia me Metia, pwal ekewe aramas tekia me kepinan ekewe sop ra nom ren.

Aisea 13:17

Nengeni, üpwe apwökü ekewe chon Metia pwe repwe maun ngeni Papilon, ir chokewe resap aücheani silifer ika tup ren än eman michi ngeniir kolt.

Aisea 21:2

A wor künaei mi fokun amairü. Ewe chon solä a solä, nge ewe chon kata a atai. Ämi sounfiun Elam, oupwe maun, ämi sounfiun Metia, oupwe pwelifeili ekewe telinimw fän pisekin maun. Pun Kot epwe aükätiu ekewe riaföü meinisin ra pop seni Papilon.

Aisea 44:28

Ngang üa apasa usun Sirus, ‘Ätei nei chon mas epwe apwönüetä unusen mochenin letipei.’ Iwe, epwe apasa pwe Jerusalem epwe kaüsefälitä, epwe pwal fis longolongun ewe imwenfel.”

Jeremaia 51:11

Ewe Samol mi Lapalap a äpwächa ekewe kingen Metia, pun a ekiekietä pwe epwe ataela Papilon. Iei usun ewe Samol mi Lapalap epwe ngeniir chappen ar ataela imwan imwenfel. Oupwe seimi nöümi föün esefich o amolätä ämi kewe tittin maun.

Taniel 10:5

Nge lupwen üa nenela, üa küna eman mwän a üföüf üf mi pwechepwech, nge ririn lukalapan a för seni kolt mi mürina.

Taniel 2:39

Iwe, mürum epwe feito eu mwü mi kisitiu fän mwum. Nge mürin epwe pwal wor aülüngatin mwü a wewe ngeni ewe piras, epwe nemeni unusen fanüfan.

Taniel 5:31

Iwe, Tarius ewe re Metia a popuetä le nemeni ewe mwü, lupwen a ierini wone me ruu.

Taniel 6:28

Iwe, Taniel a iteföüla lon mwün Tarius tori lon mwün Sirus ewe re Persia.

Taniel 7:5

Iwe, ewe aruomanün mönümanau a usun chök eman pear, nge epekin inisin chök a ütä. Iwe, ülüfoch chürärä ra nom lon awan lefilen ngiin, nge eman a üreni, “Kopwe ütä o ochei chomong fituk.”

Taniel 8:2

Iwe, lon künaei we a fis pwe itä üa nom lon Susa samolun ewe telinimwen ewe sop Elam ünükün ewe chanpupu Ulai.

Taniel 8:20

Wewen ewe ätemwänin sip ka küna fän ruofoch mächän ekewe kingen mwün Metia me Persia.

Sekaraia 1:18

Mürin a pwal wor künaei. Üa küna fofoch mächän kow.

Sekaraia 2:1

Iwe, a pwal wor künaei. Üa küna eman mwän mi amwöchü efoch selin aükük lepöün.

Sekaraia 5:1

Üa netäsefäl o küna echö toropwe mi äs.

Sekaraia 5:5

Mürin, ewe chon läng mi piin kapas ngeniei a feito o üreniei, “Kopwe netä o nengeni ei mettoch mi feito.”

Sekaraia 5:9

Mürin üa netä o küna ruoman fefin ra ässito fän pöükässir ren pöpön asepwäl. Nge pöükässir ra wewe ngeni pöükässin öröpwech. Iwe, ra ekietä ewe pasikit o ässila fan.

Sekaraia 6:1

Iwe, üa netäsefäl o küna fofoch woken ra feito me lefilen ruu chuk, nge ekewe chuk ra seni piras.

Numperis 24:2

Iwe, a küna ekewe chon Israel lon ewe leni ia ra nonom ie en me lon an ainang. Iwe, Ngünün Kot a feito won,

Josua 5:13

Lupwen Josua a nom arun Jeriko, a küna eman mwän mi ütä me mwan, a amwöchü efoch ketilas. Iwe, Josua a feila ren o aisini, “Ifa usun, en peliem ika pelien chon oputakem?”

Pwärätä 13:11

Mürin üa küna pwal eman manmwacho a feitä seni lon fanüfan. A wor ruofoch mächän usun mächän eman apanen sip, nge a kapas usun eman trakon.

Pwärätä 5:6

Mürin üa küna eman Lam a ütä lukalapan mwen ewe lenien motun king, nge ekewe föman mönümanau me ekewe rüwe me föman souakom ra pweli ünükün. Ewe Lam a usun itä nge a ninnila. A wor füfoch mächän me füföü föün mesan, ir ekewe füman Ngünün Kot ra titila won unusen fanüfan.