Taniel 4:3 - Chuukese Bible

³ Ekewe asisil Kot a föri ra fokun amwarar, an kewe manaman ra fokun ling. Mwün epwe nom tori feilfeilachök, nge an nemenem epwe fis seni eu täppin aramas tori pwal eu täppin.

Taniel 4:3 Iomraidhean Croise

Hiop 25:2

“Nemenem me niuokus ra nom ren Kot, i a awora kinamwe lon an we läng mi tekia.

Kölfel 104:24

Ai Samol mi Lapalap, ra fokun chomong ekewe mettoch ka föri. Ka föriir meinisin lon om tipachem. Fanüfan a ur ren föriom mönümanau meinisin.

Kölfel 105:27

Ir ra föri an kewe asisil me manaman me lein ekewe aramas me lon ewe fanü Isip.

Kölfel 145:13

Mwum eu mwü mi nom tori feilfeilachök, nge om nemenem a nonom won ekewe täppin aramas meinisin. Ewe Samol mi Lapalap a allükülük lon an pwon meinisin, a eäni ümöümöch ngeni förian meinisin.

Kölfel 66:7

A nemenem ren an manaman tori feilfeilachök, mesan ra mamasa ekewe mwü. Ekewe aramas mi ü ngeni Kot resap tongeni atekiaretä.

Kölfel 72:18

Sipwe mwareiti ewe Samol mi Lapalap, ewe Koten Israel, i chök a föri mettoch mi amwarar.

Kölfel 77:19

En ka pwerela won matau, ka fetal won ekewe koluk mi watte, nge esap wor eman a küna rasen ipwom.

Kölfel 86:10

Pun en ka tekia, ka föri mettoch mi amwarar, en echök Kot.

Kölfel 92:5

Ai Samol mi Lapalap, om kewe föför ra fokun tekia, om kewe ekiek ra fokun alolol.

Aisea 25:1

Ai Samol mi Lapalap, en ai Kot. Üpwe ingeituk, üpwe pwal mwareiti itom, pun ka föri mettoch mi amwarar. Ka apwönüetä mine ka akota me lomlom fän allükülük me wenechar.

Aisea 28:29

Ei sokun tipachem a feito seni ewe Samol mi Unusen Manaman. I eman souekiek mi amwarar, a fokun tufich lon an silelap.

Aisea 9:7

Iwe, nemeneman epwe chök wattela, nge mwün epwe chök kinamwe fansoun meinisin. Epwe siwili Tafit lon wisan wisen king o nemeni mwün. Epwe aüetä o apöchöküla mwün ren apwüng me pwüngüöch seni ikenai tori feilfeilachök. Iwe, ewe Samol mi Unusen Manaman epwe tiliken le apwönüetä ei.

Jeremaia 10:10

Nge en Samol mi Lapalap ewe Kot mi let. En ewe Kot mi manau me ewe king mi nom tori feilfeilachök. Lupwen ka song, fanüfan a chechech, nge chon ekewe mwü resap tongeni manau fän om song.

Taniel 2:2

Iei mine ewe king a titi ekewe soutipachem me sourong, pwal ekewe soupwe me souürür, pwe repwe feito o awewe ngeni an kewe tan. Iwe, ra tolong o ütä fän mesen ewe king.

Taniel 2:44

Iwe, lon fansoun mwün ekewe king, ewe Koten läng epwe aüetä eu mwü esap tongeni tala, esap pwal wor eu mwü epwe tongeni akufu. Iwe, ei mwü epwe ataela o arosala ekewe lusun mwü, nge epwe püsin nom tori feilfeilachök.

Taniel 4:17

Ei allük a pwüngüla me ren ekewe chon künö mi pin, a pwal rongofeil me rer, pwe aramas repwe silei pwe Ewe mi Fokun Tekia a nemeni mwün aramas, repwe pwal silei pwe a fangala nemenem ngeni iö a mochen fang ngeni o seikätä chon tekison pwe repwe nemenem.’

Taniel 7:14

Iwe, a angei an nemenem me lingan me mwün, pwe aramasen fanü me mwü, pwal aramas mi eäni sokopaten fos repwe angang ngeni. An nemenem epwe nom tori feilfeilachök, esap tongeni wesila, nge mwün esap tongeni tala.

Taniel 7:27

Nge ewe mwichen chon pin nöün Ewe mi Fokun Tekia repwe angei nemenem me ling, pwe repwe nemeni mwü kana meinisin mi nom won fanüfan. Iwe, mwür epwe nonom tori feilfeilachök, nge sounemenem meinisin repwe angang ngeniir o aleasochisiir.”

Nöün Paulus Toropwe ngeni ekewe Souläng lon Rom 11:33

A ifan me watten wöün Kot! A ifan me alololun an tipachem me silelap! Iö a tongeni awewei an apwüng? Iö a tongeni weweiti an kewe föför?

Tuteronomi 4:34

Are ifa usun, mi wor eman kot a fen sotuni le feito o angeawu eu mwichen aramas seni eu mwü fän püsin itan ren asisil me manaman, ren maun, ren pöün mi manaman o aköüpöü, pwal ren watten föför mi eniwokus, usun ewe Samol mi Lapalap ämi we Kot a föri fän itemi lon Isip me fän mesemi?

1. Timoty 1:17

Ewe King mi nonom tori feilfeilachök, ewe eman chök Kot, ewe esap tongeni mäla, esap wor eman a tongeni küna, sipwe meniniti o alinga tori feilfeilachök! Amen.

Ipru 1:8

Nge usun Nöün we Kot a apasa, “O Kot, mwum epwe nonom tori feilfeilachök. Ka nemeni noumw aramas fän pwüng.

Ipru 2:4

Lon ena chök fansoun Kot a apacha an kapasen pwärätä ngeni ar ren an föri asisil me manaman me sokopaten föför mi amwarar, pwal ren an aineti ekewe lifangen Ngünmifel usun mochenin letipan.

1. Petrus 4:11

Are eman a afalafal, epwe fokun afalafala än Kot Kapas. Are eman a alisi aramas, epwe alilis lon ükükün an pöchökül Kot a ngeni lon ewe angang, pwe lon mettoch meinisin Kot epwe küna ling ren Jesus Kraist, ewe mi eäni ling me manaman tori feilfeilachök. Amen.

Pwärätä 11:15

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”