Taniel 4:1 - Chuukese Bible

¹ Iei ewe pworaus king Nepukatnesar a asile ngeni aramasen fanü me mwü meinisin, pwal ngeni aramas mi eäni sokopaten fos me won unusen fanüfan: Kinamwe mi somwola epwe torikemi meinisin.

Taniel 4:1 Iomraidhean Croise

1. Kronika 12:18

Mürin, Ngünün Kot a feitiu won Amasia ewe meilapen ekewe ilik. Iwe, a apasa, “Äm aia noum, Tafit, äm aipwe etuk, en nöün Jesi we mwän. Kinamwe, kinamwe epwe toruk. Kinamwe epwe tori chokewe mi alisuk. Pun om we Kot a alisuk.” Mürin, Tafit a etiweer o awisa ngeniir wisen meilapen nöün kewe sounfiu.

Esra 4:17

Iwe, ewe king a tinala pälüen ewe toropwe: “Üa kapong ngeni Rehum ewe sounemenem me Simsai ewe soumak, pwal ngeni chiechier kewe mi nom lon Samaria me ewe fanü lotoun ewe chanpupu Oifrat.

Esra 5:7

Iwe, iei masouen ewe repoot: “Ngeni ewe king Tarius, aia äleäl amwo epwe wor kinamwe lon mwum.

Ester 3:12

Mürin, Haman a körifengeni nöün ewe king soumak meinisin lon engol me ülüngatin ränin ewe aeuin maram, pwe repwe makei mine i a allük ngeniir. Iwe, ra makeela ren nöün ewe king kewe nöüwis mi tekia, ren kepinan ekewe sop pwal ren samolun aramas meinisin, nge ra makei lon en me maken fanüan me fosun fanüan. Iwe, ekewe toropwe ra sain iten ewe king Asuworos o impwang ren nöün we ringen impwang.

Ester 8:9

Iwe, lon rüe me ülüngatin ränin ewe aülüngatin maram a iteni Siwan ra körifengeni nöün ewe king soumak, pwe repwe makei meinisin mine Mortokai epwe allük ngeniir usun mine epwe öchiti ekewe chon Juta. Iwe, ra makei ewe allük ngeni ekewe nöüwis mi tekia me ekewe kepina, pwal samolun ekewe ipükü rüe me fisu sop seni Intia tori Itiopia. Ra makei lon en me maken fanüan me fosun fanüan, ra pwal mak ngeni ekewe chon Juta lon maken fanüer me fosun fanüer.

Taniel 3:29

Iei mine ngang üa föri eu allük, pwe ika eman aramasen eu fanü me mwü, ika eman aramas mi eäni sokopaten fos epwe eäni kapasen turunufas ngeni än Satrak, Mesak me Apetneko we Kot, pöün me pechen repwe üttüwu seni inisin, nge imwan epwe tala. Pun esap wor eman kot a tongeni amanaua aramas usun ar we Kot.”

Taniel 3:4

Iwe, ewe chon arong a kökkö fän leüömong, “Ämi aramasen fanü me mwü meinisin, pwal aramas mi eäni sokopaten fos, iei än ewe king allük ngenikemi.

Taniel 6:25

Mürin, king Tarius a mak ngeni aramasen fanü me mwü meinisin, pwal ngeni aramas mi eäni sokopaten fos won unusen fanüfan, “Kinamwe mi somwola epwe torikemi.

Taniel 6:27

I chök a tufichin angasa o amanaua aramas, a pwal föri asisil me manaman won läng pwal won fanüfan. I a amanaua Taniel seni ekewe laion.”

Taniel 7:14

Iwe, a angei an nemenem me lingan me mwün, pwe aramasen fanü me mwü, pwal aramas mi eäni sokopaten fos repwe angang ngeni. An nemenem epwe nom tori feilfeilachök, esap tongeni wesila, nge mwün esap tongeni tala.

Sekaraia 8:23

Lon ekana rän engol mwän seni ekewe mwü mi sokola ar kapas repwe amwöchü lepwülün üfen eman chon Juta o üra, ‘Kose mochen kopwe mwüt ngenikem pwe aipwe etikemi, pun äm aia rong pwe Kot a etikemi.’”

Föför 2:6

Lupwen ra rong ei ngüngü, eu mwichen aramas mi chomong ra chufengen. Ir meinisin ra rükö, pun eman me eman leir a rong än ekewe chon lükü kapas lon en me kapasen fanüan.

Nöün Paulus Toropwe ngeni ekewe Souläng lon Rom 1:7

Iei mine üa mak ngenikemi meinisin mi nom lon Rom, ämi chokewe Kot a echenikemi o körikemi pwe oupwe chon pin: Kot Samach me ach Samol Jesus Kraist epwe ngenikemi ümöümöch me kinamwe.

Efisos 1:2

Samach Kot me ach Samol Jesus Kraist epwe fang ngenikemi ümöümöch me kinamwe.

1. Timoty 1:2

üa kapong ngonuk Timoty wesewesen nei lon lükülük: Samach Kot me ach Samol Kraist Jesus epwe ngonuk ümöümöch, tong me kinamwe.

1. Petrus 1:2

Ämi oua fil me ren Samach Kot, pun iei usun letipan, Ngünmifel a apinikemi pwe oupwe aleasochisi Jesus Kraist o küna limöch ren chaan. Ümöümöch me kinamwe epwe chomongola remi.