Taniel 3:1 - Chuukese Bible

¹ Iwe, ewe king Nepukatnesar a föri eu uluulun aramas seni kolt, tekian ükükün tiwe fiit, nge öün tiwu fiit. Iwe, a anomu lon ewe maasiesin Tura lon ewe sop itan Papilon.

Taniel 3:1 Iomraidhean Croise

Apakuk 2:19

Feiengauom, en mi apasa ngeni efoch mwüch: Kopwe nennela! ika ngeni eföü fau esap tongeni mwökütüküt: Kopwe pwätä! Ifa usun, eu uluulun anümwäl a tongeni pwäri ngonuk och? A tongeni pwölüpwöl ngeni kolt me silifer, nge esap fokun wor ngasangasen manau lon.

Jeremaia 16:20

Ifa usun, aramas ra tongeni föri püsin ar kot? Nge ika ina, iwe, sap ir kot.”

Aisea 46:6

Chokewe mi atowu kolt seni ar lenien iseis o kiloni silifer won eu kilo, ra möni eman chon angang ngeni kolt, pwe epwe föri uluulun eman kot ren. Mürin ra chapetiu mwan o fel ngeni.

Osea 8:4

Ra seikätä ar kewe king, nge esap tipei, ra filätä nöür kewe samol, nge esap pwüng seniei. Ra föri uluulun anümwäl seni ar silifer me kolt. Ren ei ra püsin afeiengaueer.

Föför 19:26

Nge iei oua tongeni püsin küna o rongorong met ätenan Paulus a föri. A apasa pwe ekewe uluulun kot mi för ren pöün aramas resap wesewesen kot. Nge a fen liapenala chomong aramas ikei lon Efisos pwal lon arapakan unusen ei fanü Asia.

Föför 17:29

Iei mine pokiten sia nöün Kot kana, sisap fokun ekieki pwe lapalapen Kot a wewe ngeni eu uluulun anümwäl seni kolt ika silifer ika fau, förien sousilelap.

Aisea 2:20

Lon ena rän aramas repwe pöütala ngeni nakich me pöüte ar kewe uluulun anümwäl ra föri seni silifer me kolt fän iten ar repwe fel ngeniir.

Kölfel 135:15

Än chon ekewe mwü uluulun anümwäl seni silifer me kolt aramas chök ra föri.

1. King 12:28

Mürin än ewe king Jeropoam ekieki usun ei mettoch, a föri ruu uluulun kow seni kolt o üreni ekewe aramas, “Ämi oua feila Jerusalem fansoun langatam pwe oupwe fel ngeni Kot. Ämi chon Israel, nengeni, ikkei ir ämi kewe kot mi emwenikemiiwu seni ewe fanü Isip.”

Taniel 5:23

Ka ü ngeni ewe Samolun läng ren om apasa pwe repwe uwato reöm ekewe kapen lon an Imwenfel. Iwe, en me noum kewe samol, pwülüom me ülüpwülüom kana oua pwal aea le ün wain. Iwe, ka mwareiti ekewe uluulun kot mi för seni silifer me kolt, pwal seni piras, mächä, irä me fau, ekewe uluulun kot resap tongeni küna och ika rongorong ika memef. Nge kosap asamolu ewe Kot mi amwöchü manauom o silei om föför meinisin.

Taniel 2:48

Mürin, ewe king a alapätä Taniel, a pwal lifang ngeni chomong pisek mi aüchea. Iwe, a seikätä Taniel pwe epwe wisen nemenem lon unusen ewe sop itan Papilon, epwe pwal sounemenemen soutipachemen Papilon meinisin.

Jeremaia 10:9

Ra cheni ngeni ar kewe uluulun anümwäl ewe silifer mi nechenech a feito seni Tarsis, ika ewe kolt seni Ufas. Mine ekewe soufalafal me ekewe chon angang ngeni kolt ra föri, ra pwal öüföüfa ngeni üf mi forket me parochol. Meinisin förien aramas mi sipeöch.

Aisea 30:22

Lon ena fansoun oupwe aücheangaua ämi uluulun anümwäl mi fal o pwölüpwöl ren silifer, pwal ämi uluulun anümwäl mi för seni mächä o pwölüpwöl ren kolt. Iwe, oupwe pöütirela usun chök mettoch mi limengau o apasa, “Aisap chüen mochen künakemi.”

Tuteronomi 7:25

Oupwe kenala ar kewe uluulun kot mi fal. Ousap mochenia ngeni ewe silifer me kolt mi nom wor, ousap pwal angei och fän itemi, pwe ousap tup ren. Pun ekei mettoch ra anioput me ren ewe Samol mi Lapalap ämi we Kot.

Ekistos 32:31

Mürin, Moses a liwinsefälitä ren ewe Samol mi Lapalap o üreni, “Üa lolilen, pun ekei aramas ra föri eu tipis mi lapalap. Ra föri kot fän iter seni kolt.

Ekistos 20:23

Ousap föri kot seni silifer lüki, ousap pwal föri kot seni kolt fän itemi.

Pwärätä 9:20

Iwe, ekewe lusun aramas resap mäla ren ekei feiengau resap aier seni mine ra föri ren pöür. Resap ükütiu le fel ngeni ekewe anün rochopwak me ekewe uluulun anümwäl mi för seni kolt, silifer, piras, fau me mwüch, ir ekewe uluulun anümwäl resap tongeni küna ika rongorong ika fetal.

Taniel 3:30

Mürin, ewe king a seikätä Satrak Mesak me Apetneko o awiseer ngeni wis tekia lon ewe sop itan Papilon.

Ester 1:1

Ei pworaus a fis lon ränin manauen Asuworos, i ewe Asuworos mi nemeni ipükü rüe me fisu sop seni Intia tori Itiopia.

Taniel 3:14

Nge Nepukatnesar a kapas ngeniir, “Ifa usumi Satrak, Mesak me Apetneko, a pwüng pwe ousap mochen fel ngeni ai kewe kot ika chapetiu ngeni ai we uluulun aramas mi för seni kolt üa aüetä.

Taniel 5:4

Ra pwal mwareiti ar kewe uluulun kot ra för seni kolt, silifer, piras, mächä, irä me fau.

Osea 2:8

Iwe, esap mochen mefi pwe ngang ätewe mi ngeni ewe wiich, ewe wain me ewe apüra seni föün olif, üa pwal ngeni chomong silifer me kolt. Nge i a aea ekei mettoch le fel ngeni ewe anü Paal.

Taniel 2:49

Iwe, pokiten Taniel a tüngor, ewe king a seikätä Satrak, Mesak me Apetneko pwe repwe kisin fän Taniel le nemenem lon ewe sop itan Papilon. Nge Taniel a chök nom lon imwen ewe king.