Taniel 1:8 - Chuukese Bible

⁸ Nge Taniel a amolätä letipan pwe esap alimengaua ren enen ewe king mongö mi anö me ünüman wain. Iei mine a tüngor ngeni Aspenas, epwe mwüt ngeni pwe esap alimengaua ren ekewe mongö.

Taniel 1:8 Iomraidhean Croise

Kölfel 141:4

Kopwe tümwünüei pwe üsap föri mine a ngau, pwe üsap eti ekewe aramasangau lon ar föföringau, üsap pwal etiir le mongö ener mi annö.

1. Korint 7:37

Are eman mwän a fokun ekiekietä lon letipan pwe esap pwüpwülü, nge esap wor eman a echimwa ngeni, are i a wesewesen nemeni mochenin letipan o a fen filätä lon püsin letipan mine epwe föri, ätei a föri mine a mürina are esap pwülüeni ewe föpwül.

Kölfel 119:115

Oupwe sü seniei, ämi chon föri mine a ngau, pwe üpwe aleasochisi än ai Kot kewe allük.

Kölfel 119:106

Üa pwon fän akapel o anükünükü pwe üpwe aleasochisi om kewe öüröür mi pwüng.

Taniel 1:5

Iwe, ewe king a ngeniir wiser mongö seni püsin anan mongö mi anö me ünüman wain iteiten rän. Repwe kaiö lon ükükün ülüngat ier, mürin repwe angang ngeni ewe king.

Föför 11:23

Iwe, lupwen a tori Antiokia, a küna usun än Kot afeiöchü ekewe aramas, a pwapwa o pese ngeniir, pwe repwe allükülük o let ngeni ewe Samol ren unusen leluker.

2. Korint 9:7

Oupwe fang en me usun mefien letipan. Ousap fangürüfituk ika fang fän echimw. Pun Kot a echeni eman mi pwapwa le lifang.

Tuteronomi 32:38

Oua aochocheer kirisin ämi kewe asor o aünü ngeniir wainin ämi asoren ün. Repwe feito o alisikemi, repwe pwal tümwünükemi.

Kölfel 106:28

Mürin, ra fiti ekewe aramas mi fel ngeni Paal me lon Peor o mongö ekewe föten anü ra eäni asor ngeni ekewe kot ese wor manau lor.

1. King 5:5

Iei mine üa ekiekin aüetä eu imwenfel fän iten ewe Samol mi Lapalap ai we Kot, usun i a fen üreni Tafit semei we, ‘Noum mwän üpwe seikätä pwe epwe siwiliik lon wisom wisen king, ätei epwe aüetä eu imwenfel fän itei.’

Föför 15:20

Nge sipwe makkei echö toropwe o asile ngeniir, pwe resap mongö och mongö mi limengau a piin asor ngeni ekewe uluulun anümwäl, resap föri sokun lisowu, resap pwal ochoch fituken man mi ffor me ün cha.

Än Salomon Fos 23:3

Kosap mochenia ngeni anan mongö mi fokun annö, pun ena sokun mongö a tongeni atupuk ren.

Taniel 5:4

Ra pwal mwareiti ar kewe uluulun kot ra för seni kolt, silifer, piras, mächä, irä me fau.