Taniel 1:4 - Chuukese Bible

⁴ alüal esap ter inisir, ra äteöch me mirit, ra tipachem o wewekai, ra pwal tufich ngeni ar repwe angang lon imwen king. Iwe, ekewe alüal repwe wisen kaiö maken Papilon me fosun ie.

Taniel 1:4 Iomraidhean Croise

Keneses 41:46

Iwe, Josef a ierini ilik, lupwen a popuetä an angang ngeni Farao ewe kingen Isip. Mürin, Josef a feila seni fän mesen Farao o saifeil won unusen ewe fanü Isip.

2. Samuel 14:25

Iwe, esap wor eman me lein chon Israel meinisin a iteföüla ren äteöchün usun Apsalom. Pun seni fän pechen tori won möküran esap wor och terin.

Än Salomon Fos 22:29

Ka silei eman aramas mi sipeöch lon an angang? Ätewe epwe angang ngeni ewe king, nge esap angang ngeni aramas kis.

Än Salomon Afalafal 7:19

Tipachem ellet a fokun tümwünü eman mi mirit lap seni engol samol ra tümwünü eu telinimw.

Aisea 36:11

Mürin, Eliakim me Sepna me Joa ra üreni ewe meilapen sounfiu, “Kose mochen kopwe kapas ngenikem äm noum kei chon angang lon fosun Aramaik, pun aia wewe ren, nge kosap kapas ngenikem lon fosun Juta mwen selingen ekewe aramas mi nom won tittin ewe telinimw.”

Jeremaia 5:15

Iei alon ewe Samol mi Lapalap, “Nengeni, üpwe awarato womi ämi chon Israel chon eu mwü mi feito seni toau. Ir chon eu mwü mi pöchökül o nom seni me lomlom, chon eu mwü ämi ousap weweiti ar kapas.

Taniel 2:10

Nge ekewe souürür ra üreni ewe king, “Esap fokun wor eman aramas won fanüfan a tongeni föri mine en king ka mochen, esap pwal wor eman king mi lap ika sounemenem a achimwa eman soutipachem ika sourong ika souürür, pwe epwe pwäri ngeni usun och mi wewe ngeni ei.

Taniel 2:2

Iei mine ewe king a titi ekewe soutipachem me sourong, pwal ekewe soupwe me souürür, pwe repwe feito o awewe ngeni an kewe tan. Iwe, ra tolong o ütä fän mesen ewe king.

Taniel 3:8

Iwe, lon ewe fansoun ekoch chon Papilon ra etto o aturu ekewe chon Juta.

Taniel 4:7

Iwe, ekewe soutipachem me sourong, ekewe souürür me soupwe ra feito. Iwe, üa apworausa ngeniir ai we tan, nge resap tongeni awewe ngeniei wewen.

Taniel 5:11

Pun mi wor eman mwän lon mwum, ngünün ekewe kot mi pin ra nom won. Iwe, lon mwün semom a fen pwä pwe an ekiek a saram, a pwal tipachem o silelap usun chök ekewe kot. King Nepukatnesar semom we a seikätä pwe epwe samolun ekewe soutipachem me sourong, souürür me soupwe.

Taniel 5:7

Iwe, ewe king a kökkö fän leüömong pwe repwe emwenato ekewe sourong, ekewe souürür me ekewe soupwe. Nge lupwen ra feito, ewe king a üreniir, “Iö leimi epwe tongeni aleani ei mak o awewe ngeniei wewen, üpwe fang ngeni üfen king mi parochol, epwe pwal mwärini epa mwärämwär seni kolt fän üan. Iwe, epwe nampa ülüngat le nemenem lon mwüi.”

Taniel 9:1

Iwe, Tarius nöün Asuworos ewe re Metia a kingen mwün Papilon.

Sekaraia 2:4

Iwe, a üreni, “Kopwe säla ren ewe alüal mi kamwöch ewe selin aükük o üreni, ‘Jerusalem epwe eu telinimw esap wor tittin pokiten chomongun ekewe aramas me man mi nom lon.’

Föför 7:20

Lon ena fansoun Moses a uputiu, i eman mönükol mi fokun äteöch. Inan a tümwünü lon imwan lon ükükün ülüngat maram.

Föför 7:22

Iwe, Moses a kaiö tipachemen chon Isip meinisin, a fefeitä lon an lipwäköch le kapas pwal lon an föför.

Efisos 5:27

fän iten an epwe aütai mwichefel fän püsin itan lon unusen lingöchün, pwe esap wor tikitikipwülün are lemomon are och limengau, nge epwe pin o unusöch.

Soukapwüng 8:18

Mürin, Kition a aisini Sepa me Salmuna, “Ifa lapalapen ekewe mwän oua nirela me lon Tapor?” Nge ir ra pälüeni, “Ir ra chök usum, eman me eman leir a lapalapeni lapalapen eman nöün king.”