Taniel 1:2 - Chuukese Bible

² Iwe, ewe Samol a asechalong Joiakim ewe kingen Juta lepöün Nepukatnesar. Nepukatnesar a pwal angei ekoch pisek seni Imwenfelin Kot o uweerela lon ewe fanü Papilon lon imwen an we kot, pwe epwe iseis lon an lenien pisek mi aüchea.

Taniel 1:2 Iomraidhean Croise

Keneses 10:10

Iwe, Nimrot a popuetä mwün lon Papilon, Erech, Akkat me Kalne. Ir meinisin ra nom lon ewe fanü Papilon.

Keneses 11:2

Nge lupwen aramas ra sai ngeni ötiu, ra küna eu fanü mi sosonöch itan Papilon. Iwe, ra nonom ikenan.

2. King 24:1

Iwe, lon fansoun än Jehoiakim nemenem, Nepukatnesar ewe kingen Papilon a tolong lon Juta. Jehoiakim a fangatä o nom fän nemeneman lon ükükün ülüngat ier. Mürin, Jehoiakim a ü ngeni Nepukatnesar.

2. Kronika 36:5

Iwe, Jehoiakim a ierini rüe me limu, lupwen a tolong lon wisan wisen king. A nom lon Jerusalem o nemeni Juta lon ükükün engol me eu ier. Jehoiakim a föri mine a ngau me fän mesen ewe Samol mi Lapalap an we Kot.

2. Kronika 36:7

Nepukatnesar a pwal uwala ngeni Papilon ekoch pisek seni lon imwen ewe Samol mi Lapalap o anomuur lon imwan imwen king me lon Papilon.

Esra 1:7

Iwe, ewe king Sirus a pwal atowu ekewe pisek Nepukatnesar a angei seni imwen ewe Samol mi Lapalap lon Jerusalem me lom o anomu lon imwen an kewe kot.

Aisea 11:11

Lon ena fansoun ewe Samol epwe aitiela pöün fän aruuan pwe epwe aliwinato nöün aramas mi chüen manau seni Asiria, Isip, Patros, Itiopia, Elam, Papilon me Hamat, pwal seni lon ekewe fanü mi nom aroset me ekewe fanü mi nom lematau, pwe repwe liwiniti lenier.

Aisea 42:24

Iö a asechala Israel lepöün chon solä? Ifa usun, sap ewe Samol mi Lapalap? I ewe Kot ra tipis ngeni, resap mochen föri letipan o aleasochisi an kewe allük!

Jeremaia 25:1

Iwe, lon arüanün ierin mwün Jehoiakim ewe kingen Juta nöün Josia we mwän eu pworaus a tori Jeremaia fän äsengesin ekewe aramasen Juta meinisin. Iei aeuin ierin mwün Nepukatnesar ewe kingen Papilon.

Jeremaia 27:16

Mürin üa kapas ngeni ekewe souasor me ekewe aramas meinisin, pwe iei alon ewe Samol mi Lapalap, “Ousap aüseling ngeni än nöümi kewe soufos kapasen osuni ngenikemi, pwe pisekin imwen ewe Samol mi Lapalap repwe müttir liwinto seni Papilon. Pun ra chofana ngenikemi.

Jeremaia 28:3

Mürin ükükün ruu ier üpwe aliwinato lon ei leni pisekin imwen ewe Samol mi Lapalap meinisin Nepukatnesar ewe kingen Papilon a angei o uweerela Papilon.

Jeremaia 35:11

Nge lupwen Nepukatnesar ewe kingen Papilon a feito pwe epwe maun ngeni ewe fanü, äm aia tipeeufengen pwe aipwe feila Jerusalem, pun aia niuokusiti ekewe sounfiun Papilon me ekewe sounfiun Siria. Iei popun äm aia nom lon Jerusalem.”

Jeremaia 50:2

“Oupwe asilefeili ekei kapas me lein chon ekewe mwü o arongafeiliir, oupwe aürätä eu asisil o arongafeili ei pworaus. Ousap tükümala, nge oupwe apasa, ‘Papilon a oo. Ewe anü Pel a itengau, ewe anü Merotak a rükö. An kewe uluulun anümwäl ra itengau, an kewe uluulun anümwäl mi anioput ra tatakis.’

Jeremaia 51:44

Üpwe apwüngü Pel ewe koten Papilon o föri pwe epwe atowu mine a soläni. Chon ekewe mwü resap chüen fel ngeni. Tittin ewe telinimw Papilon a turula.

Taniel 5:13

Mürin, ra emwenato Taniel fän mesen ewe king. Nge ewe king a kapas ngeni, “Ifa usun, en Taniel eman lein ekewe chon Juta mi oola, semei we ewe king a emwenato seni Juta?

Taniel 5:18

Ai king, ewe Kot mi Fokun Tekia a ngeni Nepukatnesar semom we mwün me nemenem, pwal iteüöch me ling.

Apakuk 1:16

Ra mwo nge fel ngeni ar kewe cheew o asor ngeni ar kewe uuk, pun ra manau rer, nge ener mongö a fokun chomong o anö.

Sekaraia 5:11

Iwe, a üreniei, “Ra uweela ngeni ewe fanü Papilon pwe repwe aüetä eu imwenfel fän itan ikenan. Nge lupwen ewe imw epwe wes, repwe anomu ewe pasikit lon lenian.”

Tuteronomi 32:30

Pwota eman mwän epwe tongeni tapweri engeröü, pwota ruoman repwe tongeni asüela engol ngeröü? Ifa usun, esap fis ei pokiten ar Kot a amömörela, pokiten ewe Samol mi Lapalap a asechirela?

Soukapwüng 2:14

Iei mine ewe Samol mi Lapalap a song ngeni chon Israel o mwüt ngeni ekoch aramas pwe repwe soläni pisekir fän pöchökül, a pwal asechirela ngeni chon oputer mi nom ünükür, pwe repwe nom fän nemenier, nge resap chüen tongeni pwora ngeniir.

Soukapwüng 3:8

Iei mine ewe Samol mi Lapalap a song ngeni ekewe chon Israel o asechirela ngeni Kusan-risataim ewe kingen Mesopotamia. Iwe, ekewe aramasen Israel ra angang ngeni Kusan-risataim lon ükükün walu ier.

Soukapwüng 4:2

Iei mine ewe Samol mi Lapalap a asechirela ngeni Japin ewe kingen Kanaan mi nemenem lon Hasor. Iwe, ewe samolun nöün mwichen sounfiu itan Sisera, a imweimw lon Haroset-hakoim.

1. Samuel 5:2

Mürin, ekewe chon Filistia ra angei än Kot we pworofel, ra uwalong lon imwen ar we uluulun anü Takon o iseis ünükün.