Sowel 3:9 - Chuukese Bible

⁹ Oupwe arongafeili ei pworaus lein chon ekewe mwü: Oupwe amolakemiitä ngeni maun, oupwe köri ekewe sounfiu mi pöchökül. Sounfiu meinisin repwe feito o chufengen.

Sowel 3:9 Iomraidhean Croise

Kölfel 96:10

Oupwe apasa me lein chon ekewe mwü, “Ewe Samol mi Lapalap a nemenem. Ewer, fanüfan a fokun nükünük, esap tongeni mwöküt seni lenian. Kot epwe apwüngü chon ekewe mwü fän wenechar.”

Aisea 34:1

Oupwe arapoto, ämi chon ekewe mwün fanüfan, pwe oupwe rongorong. Oupwe aüseling, ämi mwichen aramas. Fanüfan epwe aüseling, pwal aramasen won meinisin.

Jeremaia 31:10

Iei alon ewe Samol mi Lapalap, “Oupwe aüseling, ämi chon ekewe mwü o asilefeili ai kei kapas lon ekewe fanü aroset mi toau. Oupwe apasa, ‘Ätewe mi atoropasa chon Israel epwe pwal achufengeniir o tümwünüür usun eman chon mas a tümwünü nöün pwiin sip.’

Jeremaia 50:2

“Oupwe asilefeili ekei kapas me lein chon ekewe mwü o arongafeiliir, oupwe aürätä eu asisil o arongafeili ei pworaus. Ousap tükümala, nge oupwe apasa, ‘Papilon a oo. Ewe anü Pel a itengau, ewe anü Merotak a rükö. An kewe uluulun anümwäl ra itengau, an kewe uluulun anümwäl mi anioput ra tatakis.’

Jeremaia 51:11

Ewe Samol mi Lapalap a äpwächa ekewe kingen Metia, pun a ekiekietä pwe epwe ataela Papilon. Iei usun ewe Samol mi Lapalap epwe ngeniir chappen ar ataela imwan imwenfel. Oupwe seimi nöümi föün esefich o amolätä ämi kewe tittin maun.

Jeremaia 51:27

Oupwe aarü pwe repwe maun o ettiki ewe rappwa me lein chon ekewe mwü. Oupwe eteri chon ekewe mwü pwe repwe maun ngeni Papilon, o kökkörifengeni chon ekewe mwün Ararat, Mini me Askenas, pwe repwe maun ngeni. Oupwe awisa eman meilapen sounfiu pwe epwe emweni ewe mwichen maun, oupwe pwal emwenätä ekewe oris usun chök chomongun pwiin lifichimas.

Jeremaia 6:4

Repwe apasa, “Ousipwe amol ngeni ach sipwe maun ngeni Jerusalem. Leoloas ousipwe maun ngeni. Feiengauach, pun ewe rän a mochomochola, nge a pwinitikich.

Isikiel 38:17

Iei alon Kot ewe Samol mi Lapalap: Ifa usun, sap en ätewe üa kapas usun me lom ren nei kewe chon angang ekewe soufosun Israel? Lon ena fansoun ra osuni lon chomong ier usun ai üpwe emwenuketo pwe kopwe maun ngeni Israel.”

Isikiel 38:7

Kopwe tümwünüöch o amolokotä, en me ewe mwicheichen sounfiu mi chufengen reöm, kopwe pwal ar souemwen.

Mika 3:5

Iei alon ewe Samol mi Lapalap fänäsengesin ekewe soufos mi atoka nöün kewe aramas o eäni kökö ngeni chokewe mi amongöniir pwe epwe wor kinamwe, nge ra eäni eniweniw maun ngeni chokewe resap amongöniir,

Akai 2:7

Üpwe amwökütükütü mwün fanüfan meinisin, wöür meinisin epwe tori ei leni, üpwe pwal aurala ei Imwenfel ren ling.

Sekaraia 14:2

Pun ewe Samol mi Lapalap epwe achufengeni chon ekewe mwü meinisin, pwe repwe feila Jerusalem o maun ngeni. Iwe, ewe telinimw epwe oola, repwe soläni pisekin lon ekewe imw o achomanauei ekewe fefin. Esopun chon ewe telinimw repwe oola, nge ekewe lusun aramas resap kärila seni lon ewe telinimw.

Sekaraia 14:3

Mürin, ewe Samol mi Lapalap epwe feito o maun ngeni chon ekewe mwü, usun a fen föri lon fansoun maun.