Sowel 3:8 - Chuukese Bible

⁸ Iwe, üpwe amömöla nöümi kewe mwän me fefin ngeni chon Juta, nge chon Juta repwe amömörela ngeni chon Sepa mi nom lon fanü toau. Ngang ewe Samol mi Lapalap üa kapas.

Sowel 3:8 Iomraidhean Croise

Hiop 1:15

ekewe chon Sapa ra mwu ngeniir o turufiir meinisin. Iwe, ra niela noum kewe chon angang ren ketilas, nge ngang echök üa süla pwe üpwe ürenuk.”

Kölfel 72:10

Ekewe kingen Tarsis pwal ekewe king seni ekewe fanü mi nom lematau repwe takises ngeni, nge ekewe kingen Shepa me Sepa repwe uwato ar lifang ngeni.

Aisea 60:14

Iwe, nöün chokewe mi ariaföüuk repwe feito o pworotiu mwom, nge meinisin mi turunufaseek repwe chapetiu arun pecheöm. Repwe aita ngonuk telinimwen ewe Samol mi Lapalap, pwal Sion telinimwen Ewe mi Pin lon Israel.

Jeremaia 30:16

Nge iei chokewe meinisin mi arosakemiila repwe pwal rosola, ekewe chon ü ngenikemi meinisin repwe oola, chokewe mi ariaföüükemi repwe riaföü, nge chokewe mi angei pisekimi fän pöchökül, aramas repwe pwal angei pisekir fän pöchökül.

Jeremaia 6:20

Met popun pwe ra uwato rei apach mi pwokus seni Sepa, ika ekewe nofitin mongö mi arar seni fanü toau? Üsap etiwa ar asoren kek, üsap pwal pwapwa ren ar kewe asor.

Isikiel 23:42

A wor akürangen eu mwichen pwapwa, nge chon pulas seni fanüpö ra mwicheto ren. Ra isetä lälä won pöün ekewe ruoman fefin, ra pwal ämwärämwäreer ngeni mwärämwär mi ling.

Isikiel 38:13

Chon Sepa me Tetan, pwal ekewe chon amömö seni Tarsis me chon telinimwan meinisin repwe aisinuk, ‘Ifa usun, ka feito pwe kopwe liapenala pisek? Ka achufengeni noum kewe mwichen sounfiu pwe repwe soläni pisek o uwala silifer me kolt, repwe pwal liapenala pwiin man me pisek o feila fän liaper mi chomong?’

Tuteronomi 32:30

Pwota eman mwän epwe tongeni tapweri engeröü, pwota ruoman repwe tongeni asüela engol ngeröü? Ifa usun, esap fis ei pokiten ar Kot a amömörela, pokiten ewe Samol mi Lapalap a asechirela?

Soukapwüng 2:14

Iei mine ewe Samol mi Lapalap a song ngeni chon Israel o mwüt ngeni ekoch aramas pwe repwe soläni pisekir fän pöchökül, a pwal asechirela ngeni chon oputer mi nom ünükür, pwe repwe nom fän nemenier, nge resap chüen tongeni pwora ngeniir.

Soukapwüng 4:2

Iei mine ewe Samol mi Lapalap a asechirela ngeni Japin ewe kingen Kanaan mi nemenem lon Hasor. Iwe, ewe samolun nöün mwichen sounfiu itan Sisera, a imweimw lon Haroset-hakoim.

Soukapwüng 4:9

Iwe, Tepora a üra, “Üpwe fokun etuk. Nge ei sokun lapalap ka eäni, kosap ling ren, pun ewe Samol mi Lapalap epwe atolonga Sisera lepöün eman fefin.” Mürin, Tepora a ütä o eti Parak tori Ketes.