Sowel 3:4 - Chuukese Bible

⁴ Ämi chon Tirus me chon Siton, pwäl ämi chon Filistia meinisin, met oua ekiekin föri ngeniei? Ifa usun, oua mochen liwini ngeniei mine üa föri ngenikemi? Are oua ekiekin föri ei, üpwe fokun müttir liwini ngenikemi liwinin ämi föför.

Sowel 3:4 Iomraidhean Croise

2. Kronika 21:16

Iwe, ewe Samol mi Lapalap a föri, pwe ekewe chon Filistia me chon Arapia mi nom arap ngeni ekewe chon Itiopia ra oput Jehoram.

Aisea 14:29

“Ousap pwapwa, ämi chon Filistia meinisin, pwe wokun ewe mi wichikemi a kup. Pun eman serepenit mi afeiengau epwe pop seni ewe aemanün serepenit, nge atelian epwe eman trakon mi äkäs.

Aisea 34:8

Pun iei fansoun än ewe Samol mi Lapalap epwe amanaua Sion o ngeni chon oputan chappen ar föför.

Aisea 59:18

Iwe, epwe ngeni chon oputan liwinin ar föför, epwe song ngeni chon pälüeni, epwe pwal apwüngü chokewe mi nom won ekewe fanüen lematau.

Jeremaia 47:1

Iwe, ewe Samol mi Lapalap a kapas ngeni ewe soufos Jeremaia fänäsengesin chon Filistia mwen än Farao liapeni Kasa.

Jeremaia 47:4

A war ewe fansoun, pwe ekewe chon Filistia meinisin repwe rosola, nge chokewe mi chüen manau o tongeni alisi Tirus me Siton repwe kärila. Pun ngang ewe Samol mi Lapalap üpwe arosala ekewe chon Filistia, chokewe mi chüen manau me lon ewe fanü arosetin Kaftor.

Jeremaia 51:6

Oupwe sü seni Papilon o kütta en me manauan. Ousap eti Papilon le mäla lon an apwüng, pun lon ei otun ewe Samol mi Lapalap epwe ngeni chappen an föför. Epwe liwini ngeni mine a pwüng ngeni an föför.

Sowel 2:10

Iwe, fanüfan me läng ra chechech, lupwen ra feito. Akkar me maram ra rochola, nge fü kana resap chüen tin.

Sowel 2:2

Ei rän epwe eu ränin rochopwak me toputop, pwal eu ränin kuchuchu me rochokich. Iwe, eu mwicheichen pwiin lifichimas mi fokun pöchökül epwe pwölüela ekewe chuk usun chök rochokichin pwin. Ei esap fis seni me lomlom, esap pwal fis ren ekewe täppin aramas repwap up lon kan fansoun mwach.

Mateus 11:21

“Feiengauom Korasim! Feiengauom Petsaita! Are ekewe manaman mi fen fis me lomi repwe fen fis lon Tirus me Siton, ekewe aramas lon ekei telinimw repwe üföüf üf seni tuk me lomlom o amoratiu falang won mökürer, pwe asisilen ar kul seni tipis!

Mateus 11:22

Iwe, ngang üpwe fokun ürenikemi, pwe lon ewe ränin apwüng epwe kisikis feiengauen Tirus me Siton seni ämi feiengau.

Lukas 10:13

“Feiengauom Korasim, feiengauom Petsaita! Pun are ekewe manaman mi fen fis lomi ra fis lon Tirus me Siton, ekewe aramas lon ekei telinimw repwe mottiu me lomlom fän üfer seni tuk o amworatiu falang won mökürer pwe asisilen ar aier seni tipis.

Lukas 10:14

Lon ewe ränin kapwüng epwe kisikis feiengauen Tirus me Siton seni ämi feiengau.

Lukas 18:7

Ifa usun, Kot esap fokun pwärala än nöün kewe mi fil pwüng, ir chokewe mi kökköri le rän me le pwin? Ifa usun, epwe mang le alisiir?

Föför 9:4

Iwe, a turutiu le pwül, nge a rongorong eu möngüngü mi üreni, “Saul, Saul, pwota ka ariaföüüei?”

Tuteronomi 32:35

Iwe, ewe Samol mi Lapalap epwe ngeniir chappen ar föför me liwiningauer lon ewe fansoun, lupwen pecher epwe mit. Ränin ar feiengau a arap, ar kapwüng epwe warakai.

2. Tesalonika 1:6

Enlet, Kot epwe föri mine a pwüng: Epwe atoto riaföü won chokewe mi ariaföüükemi,

Soukapwüng 11:12

Mürin, Jefta a tinala chon künö ren ewe kingen chon Amon pwe repwe üreni, “Met punum ngenikem pwe ka feito o maun ngeni fanüem?”