Sowel 3:3 - Chuukese Bible

³ Ra pwal asisil won nei aramas iö epwe nöüniir amanau. Iwe, ra amömöla eman ät pwe epwe wor mön ar lisowu, ra pwal amömöla eman nengin pwe epwe wor mön ünümer wain.

Sowel 3:3 Iomraidhean Croise

Hiop 6:27

Ämi oua fen tongeni üttüt won eman mi mäsen, iö epwe nöüni amanau, o amömöla chiechiemi.

Isikiel 27:13

Chon Kris, chon Tupal me chon Mesek ra amömö ngonuk. Ra akasiwili om pisek ngeni ekewe amanau me sepi seni piras.

Sowel 1:5

Oupwe nenela o kechü, ämi chon pulas, oupwe ngüngüres, ämi meinisin mi ünümi wain, pun esap chüen wor ünümemi wain mi arar.

Amos 2:6

Iei alon ewe Samol mi Lapalap, “Chon Israel ra chök sopwela le föri tipis, iei mine üpwe fokun apwüngüür. Ra amömöla ekewe chon pwüng ngeni moni pwe repwe amanau, ra pwal amömöla ekewe chon mwelele resap tongeni mwo nge mönätiu liwinimangen eu pea chori.

Opataia 1:11

Lon ewe ränin, lupwen chon ekis ra tolong lon asamalapen Jerusalem, en ka chök ütä. Lupwen ra uwala wöün pwe repwe üttüt won o ineti lefiler, en ka chök usun eman leir.

Nahum 3:10

Nge ekewe chon Tepes ra oola, ra feila lon fanüen chon liapeniir. Chon maun ngeniir ra atatakisi ekewe semiritin Tepes lepwokukun ekewe al meinisin, ra föti ekewe aramas tekia ngeni sein o uwerela, ra aineti lefiler ekewe mwän mi iteföüla.

Pwärätä 18:13

Esap chüen wor eman a kamö ar sinamon, nofitin mongö mi pwoarar, apach mi pwokus, säfei mi aüchea me lö mi pwokus. Esap chüen wor eman a kamö ar wain, apüra, pilawa mi amas me wiich, nöür kow me sip, nöür oris me waar woken, nöür amanau, pwal mwo nge aramas.