Sowel 3:2 - Chuukese Bible

² üpwe achufengeni chon ekewe mwü meinisin o emweniretiu lon ewe lemol ia epwe fis kapwüng ie. Ikenan üpwe apwüngüür pokiten ar föför mi ngau ngeni nei aramasen Israel. Pun ra atoropasafeiliir lein ekewe mwü o aineti fanüei lefiler.

Sowel 3:2 Iomraidhean Croise

2. Kronika 20:26

Nge lon arüanün rän ra mwichefengen lon ewe lemolun Peraka o mwareiti ewe Samol mi Lapalap. Iei mine ewe leni a iteni lemolun Peraka tori ikenai.

Aisea 66:16

Iwe, ewe Samol mi Lapalap epwe apwüngü aramas meinisin ren nöün ketilas me ekkei, nge chokewe mi küna ninnila me ren repwe chomong.

Aisea 66:18

Iwe, pokiten üa silei ar föför me ar ekiek, üpwe feito o achufengeni chon ekewe mwü meinisin. Repwe feito o nenengeni ai ling.

Jeremaia 12:14

Iwe, ewe Samol mi Lapalap a apasa, “Mi wor mine üa mochen apasa fän äsengesin chon arun Israel mi atai ewe fanü üa ngeni nei aramasen Israel pwe fanüer. Ngang üpwe ütti ekei aramasangau seni fanüer, usun eman a üttätä efoch irä. Nge üpwe amanaua chon Juta seni lepöür.

Jeremaia 25:31

Ewe apwas epwe tori lesopun fanüfan. Pun ewe Samol mi Lapalap a atipisi chon ekewe mwü meinisin. Epwe eäni kapwüng ngeni aramas meinisin, nge epwe niela ekewe aramasangau.’ Iei alon ewe Samol mi Lapalap.”

Jeremaia 49:1

Iei usun mine ewe Samol mi Lapalap a apasa fänäsengesin ekewe chon Amon, “Ifa usun, esap wor nöün Israel mwän? Ifa usun, esap wor eman älemwirin? Pwota chök ekewe aramas mi fel ngeni Milkom ra angei fanüen chon ewe ainangen Kat o imweimw lon ar kewe telinimw?

Jeremaia 50:17

Iei alon ewe Samol mi Lapalap, “Chon Israel ra usun chök sip mi toropas, ekewe laion ra cherela. Ewe kingen Asiria a akomwen ocheer, mürin Nepukatnesar ewe kingen Papilon a ineei chüür.

Isikiel 25:8

Iei alon Kot ewe Samol mi Lapalap, “Ekewe chon Moap ra apasa, ‘Nengeni, ekewe chon Juta ra feiengau usun chök chon ekewe fanü meinisin.’

Isikiel 34:6

Nei sip kana ra malechfeil won ekewe chukutekison me ekewe chukutekia. Iwe, ra toropasfeil won unusen fanüfan, nge esap wor eman a kütteer ika tümwünüür.

Isikiel 35:10

Iwe, ka apasa, ‘Üpwe nemeni ekei ruu mwü Juta me Israel, üpwe fanüeni fanüer, inamwo ika ewe Samol mi Lapalap a nonom lon.’

Isikiel 36:1

Iwe, ewe Samol mi Lapalap a apasa, “Nöün aramas, kopwe osuni usun ekewe chukun Israel o üreniir: Ämi chukun Israel, oupwe rongorong aloi

Isikiel 36:5

Iei usun mine ngang Kot ewe Samol mi Lapalap üa apasa: Fän puropuren ai song üa pälüeni ekewe mwü mi nom ünükümi, pwal unusen ewe fanü Etom, pun ra angei fanüei pwe repwe fanüeni fän pwapwamongun letiper me ar turunufas, ra pwal liapeni ekewe leni a mär fetil lon fän iten enen man.

Isikiel 38:22

Iwe, üpwe apwüngü Kok ren mätter me nimanau, pwal ren üttomong me ütten fau. Üpwe apwüngätiu ekkei me primston won Kok me nöün mwichen sounfiu meinisin, pwal won ekewe mwicheichen aramasen chomong mwü mi eti.

Isikiel 39:11

“Lon ena rän üpwe ngeni Kok eu lenien peias lon Israel lon ewe lemol itan Lemolun chon Sai mi nom ötiuen ewe Setin Mäla. Iwe, chon sai resap chüen tongeni fetal lon, pun Kok me nöün mwicheichen sounfiu repwe peias ikenan. Iei mine ewe lemol epwe iteni ‘Lemolun nöün Kok mwicheichen sounfiu.’

Sowel 3:12

“Chon ekewe mwün fanüfan repwe achufengeniir o feila lon ewe lemol ia epwe fis kapwüng ie. Pun ikenan Ngang ewe Samol mi Lapalap üpwe mot won lenien apwüng, pwe üpwe apwüngü chon ekewe mwü mi nom ünükün Israel.

Sowel 3:14

Chomong, chomong mwicheichen aramas ra chufengen lon ewe lemol ia epwe fis kapwüng ie. Iwe, a pwä me ikenan pwe ränin ewe Samol mi Lapalap a arapoto.

Amos 1:11

Iei alon ewe Samol mi Lapalap, “Chon Etom ra chök sopwela le föri tipis, iei mine üpwe fokun apwüngüür. Ra tapweri pwiir kewe chon Israel fän ketilas, nge resap eäni tong ngeniir. Esap wor aükükün ar song, nge ra chök amwöchüfochei.

Mika 4:12

Nge resap silei än ewe Samol mi Lapalap ekiek, resap pwal wewe ren an akot. Resap mefi pwe a achufengeniir pwe epwe apwüngüür usun eman a achufengeni pilükün wiich ngeni ewe lenien wichiwich umwun wiich pwe epwe wichiir.

Sefanaia 3:8

Iei alon ewe Samol mi Lapalap, “Oupwe chök witiwitiei, oupwe witiwiti ewe rän, lupwen üpwe ütä o atipisi chon ekewe mwü. Pun üa fen apwüngala pwe üpwe achufengeni chon ekewe fanü me mwü, pwe üpwe awarato wor ai chou me ai song mi fokun watte. Pun unusen fanüfan epwe tala ren ekkeiin ai lingeringer.

Pwärätä 11:18

Ekewe chon lükün Israel ra fokun song, pun om lingeringer a war, ewe fansoun ekewe mi mäla repwe küna kapwüng. A war ewe fansoun om kopwe liwiniöchü ngeni noumw kewe chon angang ekewe soufos, me noumw kewe chon pin, pwal chokewe meinisin mi meninituk, ekewe aramas tekia me ekewe aramas kis. A war ewe fansoun om kopwe afeiengaua chokewe mi afeiengaua fanüfan.”

Pwärätä 16:14

Ir anün rochopwak mi föri manaman. Ekei ülüman ngün ra feila ren ekewe kingen unusen fanüfan ar repwe achufengeniir, pwe repwe maun lon ewe rän mi lap än Kot ewe mi Unusen Manaman.

Pwärätä 16:16

Mürin ekewe ngün ra achufengeni ekewe king lon ewe leni mi iteni lon kapasen Ipru Armaketon.

Pwärätä 16:6

Pun ra ninätiu chaan ekewe chon pin me ekewe soufos, iei mine ka ngeniir cha pwe repwe ünümi usun a fich ngeniir!”

Pwärätä 20:8

Epwe feila pwe epwe atupu chon ekewe mwü won unusen fanüfan, ekei mwü Kok me Makok. Satan epwe achufengeniir meinisin pwe repwe maun, iteiter meinisin ra usun iteiten föün pien aroset.