Sowel 2:5 - Chuukese Bible

⁵ Ar mwetemwet won ungen ekewe chuk a usun chök chopuchopun woken me ngetengeten ekkei, lupwen a ngeteri fetilipwas. Ra tettel usun telin sounfiu mi pwora, lupwen ra feila ngeni maun.

Sowel 2:5 Iomraidhean Croise

Hiop 39:20

Ifa usun, en ka amwetemweta pwe a mwetemwet usun lifichimas o aniuokusu aramas ren torotoran?

Ekistos 5:12

Iei mine ekewe aramas ra fetalfeil won unusen ewe fanü Isip pwe repwe ionifengeni fetilipwas.

Aisea 30:30

Nge ewe Samol mi Lapalap epwe föri pwe aramas repwe rongorong mwelian mi osomong, epwe pwal aküna ngeniir pöün mi feitiu wor fän an song mi watte. Epwe wor ekkei mi ngetenget, pwal üttomong me mölümöl me ütten fau.

Aisea 5:24

Iei mine warer repwe pwasala, nge sotur repwe mworotiu usun pipi. Iwe, repwe müükala usun chök pötöwöl mi pwas lon ngetengeten ekkei, pwal usun chök fetilipwas lon characharen um. Pun ra pöütala än ewe Samol mi Unusen Manaman allük o turunufasei än Ewe mi Pin lon Israel kapas.

Jeremaia 50:42

Ra uwou esefich me siles, ra fokun ariaföüü aramas, nge resap sile tong. Ngüngür a usun chök ngüngün lematau, lupwen ra sä won nöür kewe oris. Ra wewe ngeni sounfiu mi tettel pwe repwe maun ngeni Papilon.

Mateus 3:12

A kamwöch an söföl usun fook pwe epwe aimwüfeseni ekewe föün wiich seni pöön me won ewe lenien wichiwich umwun wiich. Iwe, epwe ionifengeni ekewe föün wiich o uwalong lon an lenien iseis, nge ekewe pöön epwe keniirela lon ekkei esap kunula.”

Pwärätä 9:9

Leupwer a pwölüla ren och cheech mi usun chök chechen leupw seni mächä, nge üngüngün pöükässiir ra wewe ngeni üngüngün chomong wokenin maun, oris ra nuki lupwen ra sälong lon maun.