Sowel 2:3 - Chuukese Bible

³ Ekkei epwe akom mwer, nge ngetengeten ekkei epwe ngetetä me mürir. Iwe, ewe fanü a usun chök ewe tanipin Eten, lupwen resamwo tori, nge lupwen ra towu seni, a usun chök eu fanüapö. Iwe, mettoch meinisin ra tala rer.

Sowel 2:3 Iomraidhean Croise

Keneses 13:10

Nge Lot a nenefeil o küna pwe unusen ewe fanü ünüpen ewe chanpupu Jortan a wöün koluk ekis meinisin, usun chök ewe tanipin ewe Samol mi Lapalap, pwal usun chök ewe fanü Isip awenewenen Soar. Iei usun ewe fanü me mwen än ewe Samol mi Lapalap atai Sotom me Komora.

Keneses 2:8

Mürin, Kot a föri eu tanipi lon fanüen ötiu itan Eten. Ikenan a alenia ewe aramas a föri.

Kölfel 50:3

Ach Kot a feito, nge esap fanafanala. Ekkei mi kümau a nom mwan, nge eu mölümöl mi watte a pwelifeili ünükün.

Kölfel 97:3

Ekkei a akomwola mwan o kenala chon oputan mi nom ünükün.

Ekistos 10:15

Ekewe lifichimas ra pwölüela won unusen ewe fanü pwe a kiroch rer. Ra eni irän ewe fanü meinisin mi chüen nom mürin ewe ütten fau, pwal uän ekewe irä. Esap chüen wor och mi arauarau won ekewe irätam me iräkis won unusen ewe fanü Isip.

Ekistos 10:5

Repwe pwölüela unusen ewe fanü, pwe ewe pwül esap chüen ling. Iwe, repwe eni met lusun ewe ütten fau esap atai, repwe pwal eni fotämi irä meinisin mi nom lemäl.

Aisea 14:17

Iei i ätewe mi atai telinimw kana o awili fanüfan ngeni fanüapö, nge esap mwüt ngeni nöün chon fötek pwe repwe liwiniti lenier?’

Aisea 15:6

Iwe, ekewe kolukun Nimrim ra pwasala, ewe fetil ünükür a ol, esap fokun chüen wor fetil mi pwüküfö.

Aisea 33:4

Iwe, aramas repwe ürüng won mine ekewe chon maun ra likitala pwe choon wokur, usun chök lifichimas ra ässiti mettoch, repwe pwal mweteri liaper usun chök lifichimas.

Aisea 51:3

Ngang ewe Samol mi Lapalap üpwe achipa Jerusalem o eäni tong ngeni meinisin mi imweimw lon ekewe imw mi tala. Üpwe föri pwe fanüan mi pön epwe wewe ngeni Eten, nge fanüan mi pwas epwe wewe ngeni ai tanipi. Pwapwa me mwänek epwe fis lon, pwal kilisou me kölün mwareitiei.

Aisea 9:18

Ellet, än ekewe aramas föföringau a ngetenget usun ekkei, a ngeteri pötöwölingau me iräfölüföl, a kenala ewe wöllap pwe eu kuchun ötüöt a ötütä seni.

Aisea 9:19

Pokiten än ewe Samol mi Unusen Manaman song ewe fanü a karala, nge ekewe aramas ra usun chök amüch lon ekkei. Esap wor eman a tongei pwiin.

Jeremaia 5:17

Repwe enala enemi mongö pwal mine oua kini, o niela nöümi mwän me fefin. Repwe ochei nöümi pwiin sip me kow, pwal uän ämi irän wain me fik. Repwe pwal ataala ämi kewe telinimw mi pöchökül tittir oua eäniir apilükülük.”

Isikiel 36:35

Iwe, repwe apasa, ‘Ei fanü mi tala me lom a usun chök ewe tanipi Eten. Ekewe telinimw mi turula o tatakis, resap pwal chüen so, iei ra kaüsefälitä o so, a pwal pöchökül tittir.’

Amos 7:4

Iwe, a pwal wor künaei seni Kot ewe Samol mi Lapalap. Üa küna pwe Kot ewe Samol mi Lapalap a amolätä an epwe apwüngü nöün aramas ren ekkei. Iwe, ewe ekkei a apwasätä ewe matau mi alolol o popuetä le kenala ewe fanü.

Apakuk 1:6

Ngang üpwe äpwächa ekewe chon Papilon, ewe mwü mi rochongau o mwökütükai. Ra feila lemenen unusen fanüfan o liapeni lenien aramas sap lenier.

Sekaraia 7:14

Iwe, üa atoropaserela lein chon ekewe mwün lükün meinisin, usun eu mölümöl a atoropasa mettoch, nge ewe fanü ra likitala a pönüla, pwe esap wor eman a tongeni nonom lon. Iei usun ewe fanü mi mürina a pönüla.”