Sowel 2:2 - Chuukese Bible

² Ei rän epwe eu ränin rochopwak me toputop, pwal eu ränin kuchuchu me rochokich. Iwe, eu mwicheichen pwiin lifichimas mi fokun pöchökül epwe pwölüela ekewe chuk usun chök rochokichin pwin. Ei esap fis seni me lomlom, esap pwal fis ren ekewe täppin aramas repwap up lon kan fansoun mwach.

Sowel 2:2 Iomraidhean Croise

Kölfel 10:6

Iwe, a ekieki lon lelukan, “Üsap tongeni mwökütütküt. Üpwe pwapwa fansoun meinisin, nge üsap tolong lon osupwang.”

Kölfel 97:2

Kuchu me rochokich ra pweli ünükün Kot, pwüng me apwüng longolongun an nemenem.

Ekistos 10:14

Iwe, ekewe lifichimas ra wareiti unusen ewe fanü Isip o sotiu won. Ei sokun ochochen pwiin lifichimas ese mwo pwäpwä me mwan, esap pwal pwä me mürin.

Ekistos 10:6

Iwe, imwom epwe ur rer, pwal imwen noum kewe nöüwis me imwen chon Isip meinisin. Sememi me semen sememi resap mwo küna ei sokun fän eu, seni fansoun ar uputiu tori ikenai.’” Mürin, Moses a kul seni Farao o feila.

Ekistos 20:21

Iwe, ekewe aramas ra chök ütato me toau, nge Moses a kan ngeni ewe kuchuchol Kot a nom lon.

Aisea 5:30

Lon ewe rän repwe ngüngü won Israel usun ngüngün noon lematau. Nge are eman epwe nenengeni ewe fanü, epwe chök küna rochopwak me riaföü. Iwe, saram epwe rochola ren kuchu.

Aisea 8:22

repwe pwal netiu lepwül, nge repwe chök küna riaföü me rochopwak me watten niuokus. Iwe, repwe kasülong lon rochopwak mi lapalap.

Jeremaia 13:16

Oupwe asamolu ewe Samol mi Lapalap ämi we Kot me mwen an epwe awarato rochopwak, me mwen pechemi repwe chepetek me won ekewe chuk mi toputop. Oua witiwiti ewe saram, nge i epwe awili ewe saram ngeni toputop me rochokichin rochopwak.

Jeremaia 13:6

Nge mürin chomong rän ewe Samol mi Lapalap a üreniei, “Kopwe feila ren ewe chanpupu Oifrat o angei ewe achök üa ürenuk pwe kopwe aopala.”

Kölün kechü 1:12

“Ifa usun, ämi meinisin mi pwerela ünüki ousap ekieki usun ei feiengau? Oupwe nenengeni o küna, ika mi wor och riaföü usun ei riaföü ewe Samol mi Lapalap a atoto woi lon ewe ränin a fokun song ngeniei.

Isikiel 32:7

Lupwen üpwe niikela, üpwe pwölüela läng o akirocha ekewe fü, üpwe pwal achunoi akkar ren eu kuchu, nge maram esap chüen tin.

Isikiel 34:12

Usun eman chon mas a kütta nöün pwiin sip mi toropasfeil o achufengeniir, ina usun üpwe achufengeni nei sip kana o tümwünüür. Iwe, üpwe amanaueer seni ekis meinisin ia ra toropasfeil ie lon fansoun räningau me rochokich.

Isikiel 38:9

Iwe, en me noum kewe mwichen sounfiu meinisin, pwal ekewe mwicheichen aramasen chomong mwü oupwe töpworalong lon ewe fanü usun eu mölümöl. Oupwe usun chök eu kuchu mi pwölüela ewe fanü.”

Taniel 12:1

Iwe, ewe chon läng a pwal üra, “Lon ewe fansoun Mikael ewe samolun chon läng kana, ewe chon peni aramasom, epwe war. Epwe wor eu fansoun riaföü esamwo fis seni me lom, lupwen mwü rekärän poputä tori ei fansoun. Nge lupwen epwe tori ei fansoun, aramasom meinisin mi mak iter lon nöün Kot we puk repwe küna manau.

Taniel 9:12

Ka apwönüetä om kapasen pälüenikem me äm kewe sounemenem ren om awarato wom feiengau watte. Iwe, ükükün ewe feiengau mi tori Jerusalem esamwo fis me mwan won unusen fanüfan.

Sowel 1:6

Iwe, epwi pwiin lifichimas a feito o ataela fanüach. Ra pöchökül o chocho pwe esap wor eman a tongeni aleaniir. Ngir ra ken usun chök ngin eman laion.

Sowel 2:25

“Iwe, üpwe aliwini ngenikemi mine ekewe lifichimas mi äsfeil, ekewe mi mwetemwet o kata, pwal mine ekewe muunen lifichimas ra eni lon ekewe ier. Ir nei mwichen sounfiu mi chomong üa tinato remi.

Sowel 2:31

Akkar epwe rochola, nge maram epwe wiliti cha mwen epwe war ränin ewe Samol mi Lapalap, ewe rän mi lap o eniwokus.

Sowel 2:5

Ar mwetemwet won ungen ekewe chuk a usun chök chopuchopun woken me ngetengeten ekkei, lupwen a ngeteri fetilipwas. Ra tettel usun telin sounfiu mi pwora, lupwen ra feila ngeni maun.

Sowel 3:4

Ämi chon Tirus me chon Siton, pwäl ämi chon Filistia meinisin, met oua ekiekin föri ngeniei? Ifa usun, oua mochen liwini ngeniei mine üa föri ngenikemi? Are oua ekiekin föri ei, üpwe fokun müttir liwini ngenikemi liwinin ämi föför.

Amos 4:13

Kot ewe mi alapalapa ekewe chuk o föri asepwäl. A pwäri an ekiek ngeni aramas. A föri mallen rän me rochopwak o nemeni unusen fanüfan, itan Kot ewe Samol mi Unusen Manaman.

Sefanaia 1:7

Oupwe mosonosonola fän mesen Kot ewe Samol mi Lapalap. Pun ränin ewe Samol mi Lapalap a arapoto. A amolätä eu asor o apini chokewe a körireto.

Sekaraia 14:6

Lon ena fansoun esap wor saram, esap fis patapat ika ais.

Mateus 24:21

Pun riaföün lon ekana rän epwe fen lap seni ekewe riaföü mi fen fis seni lepoputän fanüfan tori ei fansoun, esap pwal fissefäl ena sokun lon ekewe fansoun repwe feito.

Markus 13:19

Pun riaföün lon ekana rän epwe fen lap seni ekewe riaföü mi fen fis seni lepoputän, lupwen Kot a föri fanüfan tori ikenai, esap pwal fissefäl ena sokun lon ekewe fansoun repwe feito.

Tuteronomi 32:7

Oupwe chechemeni ewe fansoun lom, oupwe ekieki usun ekewe täppin aramasen lom. Oupwe aisini sememi, ir repwe aiti ngenikemi mine a fis. Oupwe pwal aisini ekewe souakom, ir repwe apworausa ngenikemi usun ewe pworaus.

Ipru 12:18

Ämi ousap feito ngeni eu chuk oua tongeni atapa, ousap feito ngeni ewe chuk Sinai mi ngetenget ren ekkei, mi rochopwak me toputop me mölümöl,

Jutas 1:13

Ra usun chök ekewe nongauen lematau mi puropuretä ren ar föför mi asäw. Ra usun chök füün amwalech, Kot a fen amolätä fän iter eu leni lon rochokichin rochopwak tori feilfeilachök.

Pwärätä 9:2

Lupwen ewe fü a suki ewe pwang mi alolol, ötüöt a ötütä seni lon, usun ötüötün eu um mi watte. Akkar me enienin asepwäl ra rochola ren ewe ötüöt seni lon ewe pwang mi alolol.