Sowel 2:1 - Chuukese Bible

¹ Oupwe ettiki rappwa lon Sion, oupwe asilesil me won ewe chukun Kot mi Pin usun ewe feiengau epwe war. Oupwe chechech, ämi aramasen Juta meinisin, pun ränin ewe Samol mi Lapalap a war.

Sowel 2:1 Iomraidhean Croise

1. Kronika 15:28

Iei usun chon Israel meinisin ra uwato än ewe Samol mi Lapalap we pworofel fän mweireiren pwapwa, fän tikin sokopaten rappwa, fän kaktai, pwal fän tikin kitar me ükülele.

Kölfel 119:120

Inisi a chechech ren ai niueituk. Üa niuokus ren om kewe kapwüng.

Kölfel 87:1

Kot a aüetä an we telinimw won ewe chuk mi pin.

Ekistos 10:14

Iwe, ekewe lifichimas ra wareiti unusen ewe fanü Isip o sotiu won. Ei sokun ochochen pwiin lifichimas ese mwo pwäpwä me mwan, esap pwal pwä me mürin.

Aisea 13:6

Oupwe pupuchör, pun a arap ränin ewe Samol mi Lapalap, ewe rän mi awarato feiengau me ren ewe Kot mi Unusen Manaman.

Aisea 13:9

Iwe, ränin ewe Samol mi Lapalap a arapoto. Epwe eu rän mi fokun ngau pokiten an lingeringer me song mi fokun watte. Iwe, fanüfan epwe pö ren, nge chon tipis repwe rosola me won.

Aisea 2:12

Pun ewe Samol mi Unusen Manaman epwe awara eu ränin an epwe apwüngü aramas meinisin mi lamalamtekia o tunosikesik, nge meinisin mi tekia repwe küna tekison.

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Aisea 66:5

Oupwe rongorong alon ewe Samol mi Lapalap, ämi mi niuokusiti o aleasochisi an kapas, “Pokiten ämi allükülük ngeniei, ekoch lein pwimi ra oputakemi o asükemiila. Ra esitakemi o apasa, ‘Ewe Samol mi Lapalap epwe fokun pwärawu an ling o amanauakemi pwe aipwe küna ämi pwapwa.’ Nge fokun ir repwe küna säw.”

Jeremaia 16:10

Iwe, lupwen kopwe üreni ekei aramas ekei kapas meinisin, repwe aisinuk, ‘Pwota ewe Samol mi Lapalap a apwüngala ei sokun feiengau mi watte ngenikem? Met äm föföringau? Met sokun tipis aia föri ngeni ewe Samol mi Lapalap äm we Kot?’,

Jeremaia 16:7

Esap wor eman epwe uwato mongö pwe epwe achipa chokewe mi letipeta fän iten ewe mi mäla, inamwo ika i eman sam ika in. Esap pwal wor eman epwe ngeniir ünümer pwe repwe chip.

Jeremaia 4:5

Oupwe asilefeili lon Juta o arongafeili lon Jerusalem, “Oupwe ettiki ewe rappwa lemenen ewe fanü, oupwe kökkö fän leüömong o apasa, ‘Ousipwe chufengen o feilong lon ekewe telinimw mi pöchökül tittir.’

Jeremaia 5:22

Ngang ewe Samol mi Lapalap, pwota ousap meninitiei? Pwota ousap chechech me fän mesei? Üa anomu pi pwe kiännin matau, eu epet mi nom fochofoch esap tongeni tö ren sät. Inamwo ika ekewe no ra watte, resap tongeni lu seni ewe kiä, inamwo ika a wor öütöüt, nge esap tongeni atai.

Isikiel 12:23

Iei mine kopwe üreniir, ‘Iei alon Kot ewe Samol mi Lapalap: Üpwe awesi ei mwiitun, pwe aramas resap chüen eänisefäli lon Israel.’ Nge kopwe pwal üreniir, ‘A fokun tori fansoun pwe künään soufos meinisin repwe fisitä.’

Isikiel 21:12

Kopwe kechü o ngüngüres, nöün aramas, pun ewe ketilas epwe fiu ngeni nei aramas, epwe pwal fiu ngeni ekewe samolun Israel meinisin. Iwe, irfengen me nei aramas repwe mäla ren. Iei mine kopwe üwepworotiu fän om letipeta.

Isikiel 30:3

Pun a arap ewe rän, a arap ränin än ewe Samol mi Lapalap apwüng. Epwe eu ränin rochokich, eu fansoun apwüng fän iten ekewe mwün fanüfan.

Isikiel 33:3

ätewe a apu ewe säwiin asilesil, lupwen a küna pwe chon oputer ra war, pwe aramas repwe silei.

Isikiel 33:6

Nge are ewe chon mas a küna pwe chon oputer ra war, nge esap apu ewe säwiin asilesil pwe aramas resap silei usun, ätewe a tipis ngeni manauen eman me eman aramas mi mäla ren. Iwe, ir repwe mäla lon ar tipis, nge ewe chon mas epwe angei chappen an tümwününgau.

Isikiel 7:10

Ewe rän a war. Feiengau a feito womw. Pwüngingau a pwükütä, nge lamalamtekia a fokun wattela.

Isikiel 7:12

Iwe, a tori fansoun, a pwal arap ewe rän. Esap wor popun än ewe chon kamö epwe pwapwa ika ewe chon amömö epwe lolilen, pun Kot a song ngeniir meinisin.

Taniel 6:26

Üa apwüngala eu allük, pwe aramas meinisin mi nom fän nemeniei repwe niueiti o meniniti än Taniel we Kot. Pun i ewe Kot mi Manau a nom tori feilfeilachök, mwün esap tala, an nemenem esap pwal müchüla.

Taniel 9:16

Äm Samol, pokiten om föförün pwüng me om ümöümöch kose mochen kopwe siwili om ekiekin song me lingeringeriti om we telinimw Jerusalem me chukum we mi pin. Pun Jerusalem me noum aramas meinisin ra küna itengau me ren chokewe mi nom ünüküm pokiten äm tipis me tipisin äm kewe lewo.

Taniel 9:20

Iwe, üa chök sopwela le iotek o pwärätä ai tipis me tipisin aramasei chon Israel, üa pwal tüngormau ngeni ai Kot ewe Samol mi Lapalap fän iten imwan mi pin epwe kaüsefäl.

Osea 5:8

Ewe Samol mi Lapalap a üra, “Oupwe apu ewe säwi me lon Kipea o ettiki ewe rappwa me lon Rama. Oupwe arükak me lon Pet-awen. Ämi chon Peniamin, oupwe feila maun.

Osea 8:1

Iwe, ewe Samol mi Lapalap a üra, “Kopwe ettiki ewe rappwa. Ekewe chon oputen Israel repwe feito usun eman ikel o maun ngeni nei aramas, pun nei aramas ra atai ai we pwon ngeniir o purätiu ai we allük.

Sowel 1:15

Eniwokusun lon ewe rän. Pun ränin ewe Samol mi Lapalap a arap. Ewe rän a war, eu ränin afeiengau me ren ewe Kot mi Unusen Manaman.

Sowel 2:11

Iwe, ewe Samol mi Lapalap a kökkö fän leüömong me mwen an mwichen sounfiu. Ewer, an mwich a fokun watte, nge iteiter mi aleasochisi an kapas ra pwora. Iwe, ränin ewe Samol mi Lapalap a fokun eniwokus. Iö a tongeni pwäk le nonom lon?

Sowel 2:15

Oupwe ettiki rappwa lon Sion. Oupwe apini eu rän pwe oupwe echikefel lon, oupwe pwal körifengeni ekewe aramas pwe epwe wor eu mwich mi pin.

Sowel 2:31

Akkar epwe rochola, nge maram epwe wiliti cha mwen epwe war ränin ewe Samol mi Lapalap, ewe rän mi lap o eniwokus.

Sowel 3:14

Chomong, chomong mwicheichen aramas ra chufengen lon ewe lemol ia epwe fis kapwüng ie. Iwe, a pwä me ikenan pwe ränin ewe Samol mi Lapalap a arapoto.

Sowel 3:17

“Mürin, ämi chon Israel, oupwe silei pwe Ngang ewe Samol mi Lapalap ämi we Kot. Üa imweimw lon Sion won chuki mi pin. Iwe, Jerusalem epwe eu leni mi pin, nge chon ekis resap chüen maun ngeni o liapeni.

Amos 3:6

Ifa usun, aramas resap niuokus lupwen ra rongorong tikin rappwan maun me lon eu telinimw? Ifa usun, epwe fis feiengau lon eu telinimw, are ewe Samol mi Lapalap esap awarato?

Amos 5:18

Feiengauemi ämi mi ösüküsükü ränin ewe Samol mi Lapalap. Pwota oua mochen pwe epwe war ei rän? Pun ei rän epwe eu ränin rochopwak, nge sap eu ränin saram.

Amos 8:2

Iwe, ewe Samol mi Lapalap a aisiniei, “Amos, met ka küna?” Nge üa pälüeni, “Üa küna eu chükün föün irän leres.” Mürin, ewe Samol mi Lapalap a üreniei, “A tori sopolan fän iten nei aramasen Israel. Üsap chüen siwili ai ekiekin apwüngüür.

Opataia 1:15

Iwe, ewe ränin kapwüng a arapoto, lupwen ngang ewe Samol mi Lapalap üpwe apwüngü chon ekewe mwü meinisin. Usun mine en Etom ka föri, iei usun epwe pwal fis ngonuk. Kopwe chök angei chappen om föför.

Sefanaia 1:14

Ewe rän mi lap, ränin ewe Samol mi Lapalap a arapoto, a arapoto o müttirito. Oupwe rong! Ränin ewe Samol mi Lapalap epwe eu rän mi weires. Pwal ekewe mwän mi pwora repwe leüömong le puchörüngau.

Sefanaia 1:16

epwe pwal eu ränin tikin rappwa me puchörün maun, lupwen ekewe sounfiu repwe maun ngeni ekewe telinimw mi pöchökül tittir me ekewe imw tekia mi nom lon ekewe pwokuku.

Sefanaia 1:7

Oupwe mosonosonola fän mesen Kot ewe Samol mi Lapalap. Pun ränin ewe Samol mi Lapalap a arapoto. A amolätä eu asor o apini chokewe a körireto.

Sefanaia 3:11

Lon ena fansoun ousap chüen säw pokiten oua ü ngeniei. Pun üpwe atowu seni me leimi chokewe mi lamalamtekia o tunosikesik, pwe ousap chüen ü ngeniei me won chuki mi pin.

Sekaraia 14:1

Iwe, ränin än ewe Samol mi Lapalap apwüng a arapoto. Mürin, aramas repwe angei pisekimi chon Jerusalem fän pöchökül o aineti fän mesemi.

Sekaraia 8:3

Iei alon ewe Samol mi Lapalap, “Üpwe liwinsefäliti Sion o imweimw lon Jerusalem. Iwe, Jerusalem epwe iteni ewe telinimw mi let, nge chuki epwe iteni ewe chuk mi pin.”

Malakai 4:1

Iei alon ewe Samol mi Unusen Manaman, “Nengeni, epwe war eu rän, epwe pulopul usun eu um. Iwe, ekewe chon lamalamtekia me ekewe chon föföringau repwe wewe ngeni fetilipwas. Lon ewe rän ekkei epwe kenirela pwe esap chüen wor eman lusun.

Numperis 10:2

“Kopwe föri ruofoch rappwa seni silifer mi nechenech ngeni ama. Iwe, kopwe ettikiir, lupwen kopwe körifengeni ekewe aramasen Israel, pwal lupwen repwe atomwala imwer.

Numperis 10:3

Iwe, lupwen ekewe ruofoch rappwa repwe tikitam, ekewe aramasen Israel meinisin repwe mwichefengen reöm leasamalapen ewe imw mangaku ia aramas ra churiei ie.

1. Korint 14:8

Nge are ewe mwän mi ettiki ewe rappwa esap fat an ettiki asilesilen maun, iö epwe amolätä ngeni maun?

Filipi 2:12

Iei mine chienei kana mi achengicheng, usun ämi oua aleasochisiei fansoun meinisin lupwen üa nonom remi, iei usun a men aüchea ämi oupwe aleasochisiei lupwen üa toau senikemi. Oupwe achocho le anganga püsin ämi küna manau fän niuokus me chechech,

1. Tesalonika 5:2

Pun ämi oua püsin silefichi, pwe ewe rän ach Samol epwe war lon epwe usun chök än eman chon solä war lepwin.

James 5:8

Iei usun pwal ämi, oupwe mosonotam o anüküchara letipemi, pun waren ach Samol a arapoto.

1. Petrus 4:7

Iwe, a arapoto sopolan mettoch meinisin. Iei mine oupwe püsin nemeni letipemi o mamasakemi, pwe epwe tongeni fis ämi iotek.

Pwärätä 6:17

Pun ewe rän mi lap a war, ewe ränin ar song, nge iö epwe tongeni ü ngeni?”