Sowel 1:9 - Chuukese Bible

⁹ Esap chüen fis asoren mongö me asoren ün lon ewe imwenfel. Iei mine ekewe souasor mi angang ngeni ewe Samol mi Lapalap ra letipeta.

Sowel 1:9 Iomraidhean Croise

2. Kronika 13:10

Nge me rem, ewe Samol mi Lapalap i äm we Kot, aisap likitala i. A wor rem souasor ir mwirimwirin Aaron mi angang ngeni ewe Samol mi Lapalap, pwal ekewe mwän seni ewe ainangen Lefi mi alisiir lon ar angang.

Ekistos 28:1

“Iwe, kopwe körato reöm Aaron pwiüm we seni lein ekewe chon Israel fiti nöün kewe mwän iter Natap, Apihu, Eleasar me Itamar, pwe repwe angang ngeniei lon wisen souasor.

Aisea 61:6

Nge ämi oupwe iteni nöün ewe Samol mi Lapalap souasor, pwal nöün ach we Kot chon angang. Iwe, oupwe manau seni wöün mwü kana, oupwe pwal pisekini pisekir o küna ling ren.

Kölün kechü 1:16

Üa kechü pokiten ekei mettoch, chönün mesei a fokun watte supun. Esap wor eman a nom pwe epwe achipaei, esap wor eman a apöchöküla lelukei. Nei kewe ra fokun riaföü, pun ewe chon oputaei a akufuei.

Kölün kechü 1:4

Ekewe al mi ale ngeni Sion ra pönüla, pun esap chüen wor eman mi fetal wor ngeni ekewe chulap mi kefil. Ekewe asamalapen Sion meinisin ra pöla. Nöün kewe souasor ra ngüngü, nöün kewe föpwül ra nom lon riaföü, nge ewe telinimw a fokun weires lon an riaföü.

Osea 9:4

Ikenan resap tongeni ninätiu wain pwe ar asoren ün ngeni ewe Samol mi Lapalap, resap pwal tongeni apwapwai i ren ar kewe asor. Ener mongö epwe usun chök enen chon letipeta. Meinisin mi mongö seni repwe limengau. Pun ener mongö fän iten chök ar echik, resap uwala och pwe ar asor lon imwen ewe Samol mi Lapalap.

Sowel 1:13

Oupwe üföüf üf seni tuk o kechü, ämi souasor mi angang ngeni ewe rongen asor. Oupwe feito o ngüngüres lon üfemi seni tuk lon unusen pwin, ämi nöün ai we Kot chon angang. Pun asoren mongö me asoren ün esap chüen fis lon imwenfelin ämi we Kot.

Sowel 1:16

Ifa usun, ousap küna pwe a rosola enemi mongö? Esap pwal chüen wor pwapwa me mweireir lon imwenfelin ach we Kot.

Sowel 2:14

Eli ewe Samol mi Lapalap ämi we Kot epwe siwili an ekiek o afeiöchükemi ren chomong uän ämi irä. Mürin, oua tongeni eäni asoren mongö me asoren ün ngeni.

Sowel 2:17

Iwe, ekewe souasor mi angang ngeni ewe Samol mi Lapalap repwe ütä lefilen kengkangen ewe imwenfel me ewe rongen asor o kechü. Iwe, repwe apasa, “Äm Samol mi Lapalap, kopwe achika noum aramas, nge kosap mwüt ngeniir pwe repwe tolong lon itengau me esit me ren chon ekewe mwü. Pwota chon ekewe mwü repwe apasa, ‘Ifa i chök ar we Kot?’”