Sowel 1:5 - Chuukese Bible

⁵ Oupwe nenela o kechü, ämi chon pulas, oupwe ngüngüres, ämi meinisin mi ünümi wain, pun esap chüen wor ünümemi wain mi arar.

Sowel 1:5 Iomraidhean Croise

Jeremaia 4:8

Pokiten ei oupwe üföüf üf seni tuk, oupwe kechü o ngüngüres. Pun än ewe Samol mi Lapalap song mi fokun watte esap säp senikemi.”

Isikiel 30:2

“Nöün aramas, kopwe osuni o apasa pwe iei aloi ngang Kot ewe Samol mi Lapalap: Oupwe ngüngüres usun ewe ränin feiengau.

Sowel 1:11

Oupwe rükö, ämi chon tu pwül, oupwe pwal kechü, ämi chon tanipini irän wain. Oupwe kechüeiti ekewe irän wiich me parli, pun esap chüen wor resin fanüemi.

Sowel 1:13

Oupwe üföüf üf seni tuk o kechü, ämi souasor mi angang ngeni ewe rongen asor. Oupwe feito o ngüngüres lon üfemi seni tuk lon unusen pwin, ämi nöün ai we Kot chon angang. Pun asoren mongö me asoren ün esap chüen fis lon imwenfelin ämi we Kot.

Sowel 3:3

Ra pwal asisil won nei aramas iö epwe nöüniir amanau. Iwe, ra amömöla eman ät pwe epwe wor mön ar lisowu, ra pwal amömöla eman nengin pwe epwe wor mön ünümer wain.

Lukas 16:19

“A wor eman mwän mi pisekisek, a üföüf üf mi parachol me pwechepwech mi fokun mömong o a chök kakametip iteiten rän.

James 5:1

Iwe, iei oupwe aüselinga, ämi aramas mi pisekisek! Oupwe kechü o ngüngüres usun ekewe riaföü repwe torikemi.